Khà Làng Bol 26
26
Kòp khà làng bol dơ̆ bàr
1 #
Khà 1:1-46. Tơnơ̆ mơ bơta kòp jê pluh plàng Yàng Jehôwa đơs mơ Môise mơ Eleajar kòn klau Arôn, cau gơnoar ơn phan duh khoai lah: 2“Kòp tĕ khà jơh mpồl jơnum Israel dê jat ală hìu nhă, jơh ală cau bàr jơt nam hala dờng rlau, la cau rgơi duh broă tòm mpồl ling Israel dê.” 3Behơ̆ tòm ală ƀlàng ring Môap dê di gah Jordan đah ne Jerikô, Môise mơ Eleajar cau gơnoar ơn phan duh khoai đơs mơ bol khai mơ lah: 4“Kòp tĕ khà ală cau klau bàr jơt nam hala dờng rlau jat be jơnau Yàng Jehôwa neh sồr Môise.” Do la ală cau Israel neh lik lòt bơh di Ejiptơ:
5Ală kòn klau Ruben kòn klau tơnhoa Israel dê la: bơh Hanôk gơs mpồl hìu nhă Hanôk; bơh Phallu gơs mpồl hìu nhă Phallu; 6bơh Hesrôn gơs mpồl hìu nhă Hesrôn; bơh Karmi gơs mpồl hìu nhă Karmi; 7Hơ̆ la ala mpồl hìu nhă Ruben dê, ntum khà bol khai la poan jơt pe rbô poh rhiang pe jơt nă. 8Kòn klau Phallu la Eliap, 9mơ ală kòn klau Eliap la Nemuel, Dathan mơ Abiram. Hơ̆ la Dathan mơ Abiram la ală cau kwang at bồ mpồl jơnum làng bol neh tòmdră mơ Môise mơ Arôn mơ ơm bal mơ ală cau jat Kôra tòm tŭ bol khai tòmdră mơ Yàng Jehôwa. 10Ù tiah neh ha bơr gơ dê mơ sa loan bol khai bal mơ Kôra, ală cau jat Kôra kong chơt tòm tŭ ồs sa bàr rhiang pram jơt nă cau klau. Mơ bol khai lơh gơs dô nơm tềl bơto pơhìn. 11Bulah behơ̆, jơi bơtiàn Kôra ò chơt jơh hir.
12Ală kòn sau Simeôn jat mpồl hìu nhă bol khai dê la: bơh di Nemuel gơs mpồl hìu nhă Nemuel; bơh di Jamin gơs mpồl hìu nhă Jamin; bơh Jakin gơs mpồl hìu nhă Jakin; 13bơh di Jerah gơs mpồl hìu nhă Jerah; bơh di Sol gơs mpồl hìu nhă Sol. 14Hơ̆ la ală mpồl hìu nhă Simeôn dê; gơs bàr jơt bàr rbô bàr rhiang nă.
15Ală kòn sau Gat jat mpồl hìu nhă bol khai dê gơs: bơh di Jephôn gơs mpồl hìu nhă Jephôn; bơh di Hakgi gơs mpồl hìu nhă Hakgi; bơh di Suni gơs mpồl hìu nhă Suni; 16bơh di Ôsni gơs mpồl hìu nhă Ôsni; bơh di Eri gơs mpồl hìu nhă Eri; 17bơh di Arôdi gơs mpồl hìu nhă Arôdi; bơh di Areli gơs mpồl hìu nhă Areli. 18Hơ̆ la ală mpồl hìu nhă Gat dê; ntum khà bol khai dê la poan jơt rbô mơ pram rhiang nă.
19Er mơ Ônan, la ală kòn klau Juda dê, mơya bol khai chơt tòm Kanaan. 20Ală kòn sau Juda jat mpồl hìu nhă bol khai dê la: bơh di Selah gơs mpồl hìu nhă Selah; bơh di Pheres gơs mpồl hìu nhă Pheres; bơh di Jerah gơs mpồl hìu nhă Jerah. 21Ală kòn sau Pheres la: bơh di Hesrôn gơs mpồl hìu nhă Hesrôn; bơh di Hamul gơs mpồl hìu nhă Hamul. 22Hơ̆ la ală mpồl hìu nhă Juda dê; ntum khà bol khai la poh jơt prau rbô pram rhiang nă.
23Ală kòn sau Issaka jat mpồl hìu nhă bol khai dê la: bơh di Tôla gơs mpồl hìu nhă Tôla; bơh di Phuah gơs mpồl hìu nhă Phuah; 24bơh di Jasup gơs mpồl hìu nhă Jasup; bơh di Simrôn gơs mpồl hìu nhă Simrôn. 25Hơ̆ la ală mpồl hìu nhă Issaka dê; ntum khà bol khai la prau jơt poan rbô pe rhiang nă.
26Ală kòn sau Jebulun jat mpồl hìu nhă bol khai dê la: bơh di Seret gơs mpồl hìu nhă Seret; bơh di Elôn gơs mpồl hìu nhă Elôn; bơh di mpồl Jahleel gơs mpồl hìu nhă Jahleel. 27Hơ̆ la ală mpồl hìu nhă Jebulun; ntum khà bol khai dê la prau jơt rbô mơ pram rhiang nă. 28Ală kòn sau Jôsep jat mpồl hìu nhă bơh di Manase mơ Epraim la:
29Ală kòn sau Manase bơh di Makir gơs mpồl hìu nhă Makir (Makir la bèp Galaat); bơh di Galaat gơs mpồl hìu nhă Galaat. 30Do la ală kòn sau Galaat: bơh di Iejer gơs mpồl hìu nhă Iejer; bơh di Helek gơs mpồl hìu nhă Helek; 31bơh di Asriel gơs mpồl hìu nhă Asriel; bơh di Sicem gơs mpồl hìu nhă Sicem; 32bơh di Semida gơs mpồl hìu nhă Semida; bơh di Hepher gơs mpồl hìu nhă Hepher. 33(Jelôphehat kòn klau Hepher ò gơs ală kòn klau; khai gơs mìng ală kòn ùr sơnđan mat la Mahlah, Nôah, Hôglah, Milkah mơ Tirjah.) 34Hơ̆ la ală mpồl hìu nhă Manase dê; ntum khà bol khai dê la pram jơt bàr rbô poh rhiang nă.
35Do la ală kòn sau Epraim jat mpồl hìu nhă bol khai dê: bơh di Suthelah gơs mpồl hìu nhă Suthelah; bơh di Beker gơs mpồl hìu nhă Beker; bơh di Thahan gơs mpồl hìu nhă Thahan. 36Do la ală kòn sau Suthelah: bơh di Eran gơs mpồl hìu nhă Eran. 37Hơ̆ la ală mpồl hìu nhă Epraim dê; ntum khà bol khai dê la pe jơt bàr rbô pram rhiang nă. Hơ̆ la ală kòn sau Jôsep dê jat mpồl hìu nhă bol khai dê.
38Ală kòn sau Benjamin jat mpồl hìu nhă bol khai dê la: bơh di Bela gơs mpồl hìu nhă Bela; bơh di Asbel gơs mpồl hìu nhă Asbel; bơh di Ahiram gơs mpồl hìu nhă Ahiram; 39bơh di Supham gơs mpồl hìu nhă Supham; bơh di Hupham gơs mpồl hìu nhă Hupham. 40Ală kòn sau Bela bơh di Ar mơ Naaman la: bơh di Ar gơs mpồl hìu nhă Ar; bơh di Naaman gơs mpồl hìu nhă Naaman. 41Hơ̆ ală mpồl hìu nhă Benjamin dê; ntum khà bol khai dê la poan jơt pram rbô prau rhiang nă.
42Do la ală kòn sau Dan dê jat ală mpồl hìu nhă bol khai dê: bơh di Suham gơs mpồl hìu nhă Suham. Hơ̆ la ală mpồl hìu nhă Dan dê: 43Jơh tơl nă bol khai la cau tòm mpồl hìu nhă Suham dê; mơ ntum khà bol khai dê la prau jơt poan rbô poan rhiang nă.
44Ală kòn sau Aser dê jat ală mpồl hìu nhă bol khai dê gơs: bơh di Imnah gơs mpồl hìu nhă Imnah; bơh di Isbi gơs mpồl hìu nhă Isbi; bơh di Beriah gơs mpồl hìu nhă Beriah; 45mơ bơh di ală kòn sau Beriah gơs: bơh di Heber gơs mpồl hìu nhă Heber; bơh di Malkiel gơs mpồl hìu nhă Malkiel. 46(Aser neh gơs dô nă kòn ùr sơnđan la Serah.) 47Hơ̆ la ală mpồl hìu nhă Aser dê; ntum khà bol khai dê la pram jơt pe rbô poan rhiang nă.
48Ală kòn sau Neptali jat ală mpồl hìu nhă bol khai dê la: bơh di Jahjeel gơs mpồl hìu nhă Jahjeel dê; bơh Guni gơs mpồl hìu nhă Guni dê; 49bơh di Jejer gơs mpồl hìu nhă Jejer dê; bơh di Sillem gơs mpồl hìu nhă Sillem dê. 50Hơ̆ la ală mpồl hìu nhă Neptali dê; ntum khà bol khai dê la poan jơt pram rbô poan rhiang nă.
51Ntum khà jơh mơ jơh cau Israel dê la prau rhiang mơ dùl rbô poh rhiang pe jơt nă.
52 #
Khà 34:13; Jôs 14:1-2. Yàng Jehôwa đơs mơ Môise lah: 53“Ù tiah pal geh tòmpà bol khai in lơh gơs sre brê jat ntum khà sơnđan mat bol khai dê. 54Jơi bơtiàn lơi gơs oă cau gen ai tĕ sre brê dờng, mơ jơi bơtiàn lơi dô êt cau gen ai tĕ sre brê dềt; kòp mpồl pal dòp geh sre brê jat ntum khà ală cau neh geh cih sơnđan tòm sră. 55Lơh tĕ nền lah ù tiah pal geh tòmpà jat bơta tă khà. Sre brê kòp mpồl rơp dòp geh jat be ală sơnđan mat jơi bơtiàn ồng pàng dê. 56Kòp sre brê pal geh tòmpà jat bơta tă khà digùl ală mpồl oă cau rlau mơ ală mpồl êt cau rlau.”
57Do la ală cau Lebi neh geh kòp khà jat mpồl hìu nhă bol khai dê: bơh di Gersôn gơs mpồl hìu nhă Gersôn; bơh di Kôhat gơs mpồl hìu nhă Kôhat; bơh di Merari gơs mpồl hìu nhă Merari. 58Tơnơ̆ do kung la ală mpồl hìu nhă Lebi dê; mpồl hìu nhă Lipni, mpồl hìu nhă Hebrôn, mpồl hìu nhă Mali, mpồl hìu nhă Musi, mpồl hìu nhă Kôra. Kôhat la ồng pàng Amram; 59sơnđan mat bau ùr Amram la Jôkebet, dô nă tòm kòn sau Lebi dê, neh geh deh tòm Ejiptơ. Bơh di Amram, Jôkebet deh Arôn, Môise mơ ruh bol khai dê la Miriam. 60#Khà 3:2.Arôn la bèp Nadap mơ Abihu, Eleajar mơ Ithamar. 61#Leb 10:1-2; Khà 3:4.Mơya Nadap mơ Abihu neh chơt tòm tŭ bol khai ơn dô nơm phan ơn duh khoai mơ ồs ò geh gơnoar ơn di đap Yàng Jehôwa. 62Ntum khà jơh ală kòn klau Lebi dê gơs dô kơnhai hala dờng rlau la bàr jơt pe rbô nă. Bol khai ò geh kòp khà bal mơ ală cau Israel ndai tài bơh bol khai ò dòp geh sre brê digùl bol hơ̆.
63Hơ̆ la ală cau neh geh kòp khà bơh Môise mơ Eleajar cau gơnoar ơn phan duh khoai tòm tŭ bol khai kòp khà cau Israel tòm ală ƀlàng ring Môap rò gah Jordan đah ne Jerikô. 64Ò gơs dô nă cau lơi tòm bol khai ơm digùl ală cau neh geh kòp khà bơh Môise mơ Arôn cau gơnoar ơn phan duh khoai tòm tŭ bàr nă ồng hơ̆ kòp khà cau Israel tòm ƀlàng ngềt ngơt Sinai. 65#Khà 14:26-35.Bơh Yàng Jehôwa neh đơs mơ ală cau Israel hơ̆ lah bol khai ngan la rơp chơt tòm ƀlàng ngềt ngơt, mơ ò gơs dô nă cau lơi tòm bol khai gam lòi wơl, lòi mìng Kalep kòn klau Jephune mơ Jôsue kòn klau Nun lơm.
Currently Selected:
Khà Làng Bol 26: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
