Khà Làng Bol 19
19
Pơjum ơn kơnrồ me pơrhê
1Yàng Jehôwa đơs mơ Môise mơ Arôn lah: 2“Do la dô bơta pal lơh tòm bơta boh lam mơ Yàng Jehôwa neh sồr: ‘Sồr tĕ ală cau Israel cèng tus bol mê in dô nơm kơnrồ dra pơrhê ò gơs tềl sồt mơ òhềt tui yô. 3Ai tĕ gơ Eleajar cau gơnoar ơn phan duh khoai in; gơ pal kong tề tus hơ đah bơdìh sàl ơm mơ tơnchơt di đap khai.#19:3 Rct: Khai pal tề gơlik hơ bơdìh đah mattơngai lik sàl ơm mơ tơnchơt gơ. 4Lồc behơ̆ Eleajar cau gơnoar ơn phan duh khoai rơp ai ràs tê khai dê mơ iurŭ tòm mhàm gơ mơ rsìh gơ poh dơ̆ wèt hơ đah Sàl Tòm Mat. 5Tòm tŭ khai rmê sền, kơnrồ dra pal kong chu tòm ồs, gơltau gơ, poac, mhàm mơ pròc klung.
6Cau gơnoar ơn phan duh khoai rơp ai dô êt chi mpàn nho rề, nha biap ƀô, mơ brài sơnò belàt dà gur mơ sơrbì hơđang kơnrồ dra ồs sa. 7Tơnơ̆ mơ hơ̆ cau gơnoar ơn phan duh khoai pal pìh ồi ào khai dê mơ um tòm dà. Gen khai rgơi mut tòm sàl ơm mơya khai rơp kong kòp la ò goh jơl tus di trồ mho. 8Cau chu kơnrồ hơ̆ kung pal pìh ồi ào khai dê mơ um tòm dà, mơ khai kung rơp kong kòp la ò goh jơl tus di trồ mho. 9#Heb 9:13.Dô nă cau geh kòp la sàng goh rơp khòm bùh kơnrồ dra dê mơ ơn gơtòm dô bă tiah geh kòp la sàng goh. Bol khai pal prap bùh hơ̆ mpồl jơnum Israel in nàng ngui lơh gơs be dà rào goh; gơ la phan ơn pơdơng tòm bơta lơh goh. 10Cau tơrgòm bùh kơnrồ dra hơ̆ dê kung pal pìh ồi ào khai dê, mơ khai kung rơp kong kòp la ò goh jơl tus di trồ mho. Hơ̆ rơp la dô bơta sồr lam gam sùm sùm ală cau Israel in bal mơ ală cau làng bơdìh ơm kis digùl bol khai.
11Cau lơi ƀư di ƀồc chơt dô nă cau lơi ndai dê rơp kong kòp la ò goh tòm poh ngai. 12Khai pal lơh goh să tòm khai tòm dà tòm ngai dơ̆ pe mơ tòm ngai dơ̆ poh gen khai rơp geh goh. Mơya dilah khai ò lơh goh să tòm khai dê tòm ngai dơ̆ pe mơ tòm ngai dơ̆ poh, rơp ò geh goh. 13Cau lơi ƀư dê dô nơm ƀồc dô nă cau lơi ndai dê mơ ò lơh goh să tòm khai gen cau hơ̆ lơh ƀơ̆ ƀơl Hìu Ing Duh Khoai Yàng Jehôwa dê. Cau hơ̆ pal kong tă tơlik bơh di Israel. Tài bơh dà lơh goh ò rsìh hơđang khai, khai pal kong kòp la ò goh, bơta ò goh khai dê gơ ơm hơđang khai.
14Do la bơta boh lam pal lơh jat tòm tŭ gơs dô nă cau chơt tòm sàl ơm: Cau lơi mut tòm sàl ơm mơ cau lơi ơm tòm sàl ơm hơ̆ rơp kong kòp la ò goh tòm poh ngai, 15mơ dô nơm hồp lơi ò gơs bơnap kơt bal mơ gơ rơp kong kòp la ò goh. 16Cau lơi ơm đah bơdìh mơ ƀư di dô nă cau lơi neh gơkòl sreh tơnchơt mơ đào hala dô nă cau lơi neh chơt jat bơta òs cau dê, hala cau lơi neh ƀư di dô nơm ntìng ƀồc kòn mơnus dê hala dô nơm bơtô ƀồc, gen cau hơ̆ pal kong kòp la ò goh tòm poh ngai. 17Tài bơh dô nă cau ò goh, ơn tĕ dô êt bùh phan ơn duh khoai lơh goh dê tòm dô nơm yang mơ tuh dà hơđang bùh hơ̆. 18Gen dô nă cau goh rơp ai “nha biap ƀô” iurŭ gơtòm dà mơ rsìh hơđang sàl ơm mơ jơh ală phan ngui mơ làng bol tòm hơ̆. Khai kung pal rsìh hơđang cau lơi neh ƀư di dô nơm ntìng ƀồc kòn mơnus dê hala dô nơm bơtô ƀồc hala dô nă cau lơi neh chơt jat bơta òs kòn mơnus dê. 19Cau geh kòp la goh rơp rsìh dà hơđang cau ò goh tòm ngai dơ̆ pe mơ ngai dơ̆ poh, mơ tòm ngai dơ̆ poh khai pal lơh goh khai in. Cau neh goh pal pìh ală ồi ào khai dê mơ um tòm dà, mơ tòm trồ mho ngai hơ̆ khai rơp geh goh. 20Mơya dilah cau ò goh ò lơh goh să tòm khai dê, khai pal kong tă sang bơh di mpồl jơnum làng bol dê, tài bơh khai neh lơh ƀơ̆ ƀơl tiah sàng goh Yàng Jehôwa dê. Dà lơh goh ò gŏ rsìh hơđang khai, mơ khai gam ò goh. 21Hơ̆ la dô bơta sồr lam gam sùm sùm bol khai in. Cau neh rsìh dà lơh goh kung pal pìh ală ồi ào khai dê, mơ cau lơi ƀư di dà lơh goh rơp kong kòp la ò goh jơl tus di trồ mho. 22Phan lơi mơ cau ò goh ƀư di gơ gen rơp gơlik gơs la phan ò goh, cau lơi ƀư di gơ rơp gơlik gơs ò goh jơl tus di trồ mho.’”
Currently Selected:
Khà Làng Bol 19: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
