Mathiơ 27

Yàng Jesu kong cèng di đap Pilat

(Mak 15:1; Luka 23:1-2; Jang 18:28-38)

1Tòm tŭ rìng àng, ală cau gơnoar dờng lam bồ ơn phan duh khoai mơ ală cau kwang kra làng bol dê bơyai nàng tơnchơt Yàng Jesu. 2Bol khai cap Kơnràñ, mơ cèng jào di đap Pilat, la kwang đơng lơgar.

Juda Chơt

(Broă 1:18-19)

3 # Broă 1:18-19. Tŭ hơ̆ Juda la cau neh pơrlơ̆ dră di Kơnràñ, gŏ Kơnràñ kòl lơh nền glài, gen khai kah kơlôi wơl mơ cèng pe jơt pet priă jào wơl ală cau gơnoar dờng lam bồ ơn phan duh khoai mơ ală cau kwang kra in, 4mơ đơs lah: “Añ neh tìs glài bơh neh bơtào mhàm ò gơs glài.” Mơya bol khai đơs lah: “Broă hơ̆ gơs ñchi gơkwă mơ bol hi taih? Kong mê dê!” 5Gen Juda sơrbì ală pet priă tòm hìu duh khoai, mơ lik lòt yồng ngko. 6Ală cau gơnoar dờng lam bồ ơn phan duh khoai dòñ ală priă hơ̆ mơ đơs lah: “Ò geh gơnoar ơn priă do tòm đam sàng goh, bơh hơ̆ la khà priă mhàm dê.” 7Gen bol khai bơyai, ngui priă hơ̆ rwat ƀlàng sre cau lơh glah dê nàng lơh tiah tơp ƀồc ală cau nac crih. 8Behơ̆ ƀlàng sre hơ̆ sơnđan la Sre Mhàm jơl tus di ngai do. 9Tŭ hơ̆, jơnau cau gơnoar hwơr Jeremi neh đơs geh gơlik di ngan: “Bol khai ai pe jơt pet priă, la khà priă mơ kòn sau Israel neh lơh nền Kơnràñ in, 10#Sac 11:12-13.mơ ai priă hơ̆ rwat ƀlàng sre cau lơh glah dê, jat be Yàng neh sồr añ.”#27:10 Jơnau geh tơlik tềng do ò di jơh ală la bơh Jeremi lơm ò, mơya la dô bơta tơrgòm ală jơnau gơtha tòm Sac 11:12,13;Jer 32:6-15; 18:2-10; 19:1-13. Digơlan gơkwă oă rlau mơ Jeremi gen tàng geh bơtuh Jeremi in.

Yàng Jesu di đap Pilat

(Mak 15:2-5; Luka 23:3-5; Jang 18:33-38)

11Yàng Jesu ntào di đap cau kwang đơng lơgar. Cau kwang lùp lah: “Mê ngan la Bơtau làng bol Juda dê sơl?” Yàng Jesu ho lah: “Ngan be ồng đơs.” 12Tòm tŭ ală cau gơnoar dờng lam bồ ơn phan duh khoai mơ ală cau kwang kra yă Kơnràñ, Kơnràñ ò ho dô êt lơi. 13Gen Pilat đơs mơ Kơnràñ lah: “Mê ò kơno ală bơta bol khai lơh cơng yă mê ò ơ?” 14Mơya Kơnràñ ò ho dô jơnau lơi, tian gơs cau kwang đơng lơgar ai lơh krơi ngan.

Yàng Jesu kòl lơh nền glài chơt

(Mak 15:6-15; Luka 23:13-25; Jang 18:39–19:16)

15Mơ tai, tus di bơta pơjum sa, cau kwang đơng lơgar òs hồ dô nă cau glài jàm, jat nùs làng bol kòñ. 16Tŭ hơ̆, gơs dô nă cau glài tơnchơt cau sơnđan la Baraba. 17Tòm tŭ bol khai pơjum bal, gen Pilat lùp bol khai lah: “Bol mê kòñ añ hồ ñcau lơi, Baraba hala Jesu sơnđan la Krist taih?” 18Bơh Pilat git loh bol hơ̆ bơtào Kơnràñ bơh nùs ƀoah gơjrañ. 19Tòm tŭ cau kwang đơng lơgar gam nggui hơđang cơnòng cahrña, bau ùr Pilat sồr cau lòt đơs mơ khai lah: “Mê bañ ƀư di cau song ring hơ̆, bơh khai mơ tòm ngai do añ neh kong bòl glar ngan tòm bơta mpau.” 20Mơya ală cau gơnoar dờng lam bồ ơn phan duh khoai mơ ală cau kwang kra bơchồt mpồl làng bol dan tĕ hồ Baraba mơ tơnchơt Yàng Jesu. 21Cau kwang đơng lơgar lùp tai lah: “Tòm bàr nă cau do, bol mê kòñ añ hồ ñcau?” Bol khai ho lah: “Baraba.” 22Pilat đơs lah: “Behơ̆ ñchi añ rơp lơh di Jesu sơnđan la Krist taih?” Jơh ală bol khai ho lah: “Pơng tĕ Khai di chi pơng.” 23Cau kwang lùp lah: “Ñchi broă iơh bơsak Cau do lơh taih?” Mơya bol khai sơlo driau dờng ngan lah: “Pơng tĕ Khai di chi pơng!” 24#Yalw 21:6-9.Tòm tŭ Pilat gŏ he ò rgơi lơh bơta lơi, mơ tai bơta nggồr nggàc sơlo gơbơtơl, gen khai ai dà rào tê di đap mpồl làng bol mơ đơs lah: “Añ ò gơs glài bơh mhàm cau song ring do; kong bol mê dê.” 25Jơh làng bol ho lah: “Dan mhàm Khai tuh hơđang bol hi mơ kòn sau bol hi dê!” 26Gen Pilat hồ Baraba bol khai in, sồr pù lơh Yàng Jesu, mơ jào Kơnràñ nàng pơng di chi pơng.

Cau ling dơñŏ tơnhial Yàng Jesu

(Mak 15:16-20; Jang 19:2, 3)

27Tŭ hơ̆ cau ling kwang đơng lơgar dê cèng Yàng Jesu mut tòm gơlang Pilat mơ pơjum jơh mpồl ling gùt dar Kơnràñ. 28Bol khai hồ ào Kơnràñ mơ tơnsoh Kơnràñ in ào pơrhê. 29Bol khai tàñ dô nơm sơgơn mơ lò tơndau di bồ Kơnràñ, mơ ơn dô nơm gai proh tòm tê ma Kơnràñ. Bol khai cùn gơltang di đap Kơnràñ mơ dơñŏ tơnhial lah: “Khoai Bơtau làng bol Juda dê!” 30Bol khai choh hơđang Kơnràñ, ai gai proh pù di bồ Kơnràñ. 31Dơ̆ bol khai neh dơñŏ tơnhial Kơnràñ rau, bol khai hồ ào pơrhê, tơnsoh wơl ào Kơnràñ dê, mơ lam Kơnràñ nàng pơng di chi pơng.

Yàng Jesu kong pơng di chi pơng

(Mak 15:21-32; Luka 23:26-43; Jang 19:17-27)

32Tòm tŭ lik lòt, bol khai tìp dô nă cau Siren sơnđan la Simôn, mơ kup bơklơn khai tui chi pơng Kơnràñ dê. 33Tŭ tus hơ dô bă tiah sơnđan la Gôgôtha, gơtha la Tiah Ntìng Bồ, 34#Đơs Crih 69:21.bol khai ai Kơnràñ in ñô tơrnòm bơcă bal mơ plai mat bơtang, mơya tòm tŭ liap gen Kơnràñ ò bài ñô. 35#Đơs Crih 22:18.Tŭ neh pơng Kơnràñ di chi pơng rau, bol khai tă khà mơ tòmpà ào Kơnràñ dê; 36gen bol khai nggui tềng hơ̆ drơng kơp Kơnràñ. 37Hơđang chi pơng Kơnràñ geh cih tơnggume bơta lơh nền glài lah: “DO LA JESU, BƠTAU LÀNG BOL ISRAEL DÊ.”

38Tŭ hơ̆ bàr nă cau blơ̆ kung kong pơng di chi pơng bal mơ Kơnràñ, dô nă đah ma, dô nă đah kiau. 39#Đơs Crih 22:7; 109:25.Ală cau lòt gan dơñŏ tơnhial, rtơs bồ, 40#Mat 26:61; Jang 2:19.mơ đơs lah: “Mê la cau sòr tơrlah hìu duh khoai mơ bơtào gơs wơl tòm pe ngai, dong klàs tĕ să tòm mê! Dilah mê la Kòn Yàng Tom Trồ, mù tĕ bơh chi pơng.” 41Ală cau gơnoar lam bồ ơn phan duh khoai, ală cau bơto bơta boh lam mơ ală cau kwang kra kung dơñŏ tơnhial Kơnràñ lah: 42“Khai neh dong klàs cau ndai, mơ ò rgơi dong să tòm he. Khai la Bơtau Israel dê; tŭ do lòi tĕ khai mù bơh chi pơng, gen bol he rơp dòn mo. 43#Đơs Crih 22:8.Khai dòn kơnòm di Yàng Tom Trồ; dilah Yàng Tom Trồ kòñ gơboh Khai, gen tŭ do lòi tĕ Kơnràñ dong klàs Khai, bơh Khai neh đơs lah: ‘Añ la Kòn Yàng Tom Trồ.’” 44Cau blơ̆ gơkòl pơng bal mơ Kơnràñ kung đơs jroh jram Kơnràñ behơ̆ sơl.

Bơta chơt Yàng Jesu dê

(Mak 15:33-41; Luka 23:44-49; Jang 1:28-30)

45Bơh jơt bàr jơ gùl ngai gơlik klam jơngo làm ù jơl tus di pe jơ mho#27:45 Js: bơh jơ dơ̆ prau tus jơ dơ̆ sin. 46#Đơs Crih 22:1.Pơgap pe jơ mho, Yàng Jesu hòi dờng jơnau lah: “Eli, Eli, lama sabaktani;” hơ̆ la, “Ơ Yàng Tom Trồ Kòn dê, ơ Yàng Tom Trồ Kòn dê, ñchi bơh tài Kơnràñ sang lòi Kòn?” 47Kơno behơ̆, gen cau ƀà tòm mpồl ơm rềp tềng hơ̆ đơs lah: “Khai hòi Eli.” 48#Đơs Crih 69:21.Gơs dô nă cau tòm bol khai ntoat mơ, ai dô nơm phan nsồp iurŭ bềng dà sràt, ơn di cồng gai proh mơ tong Kơnràñ in ñô. 49Ai ală cau ndai đơs lah: “Gơn tĕ, sền nề Eli tus nàng dong tă khai hala ò.” 50Yàng Jesu hòi tai dô jơnau dờng, gen tac nhơm.

51 # Lik 26:31-33. Mơ ne, bài kơrnìng tòm hìu duh khoai gơcrè bàr pơnah bơh đang tus hơđơm; ù gơlơnggơr, mơ lŭ klềr bơcah. 52Ală bơtô ƀồc kung pò tơlik, oă ƀồc cau sàng goh neh bic lơhă#27:52 Hơ̆ la chơt. geh kis wơl mơ lik bơh bơtô ƀồc. 53Tơnơ̆ tŭ Yàng Jesu kis wơl, gen bol hơ̆ mut tòm ƀòn dờng sàng goh mơ tơlik mat oă cau in gŏ. 54Cau at dô rhiang ling bal mơ ală cau ling kơp gàr Yàng Jesu, gŏ ù gơlơnggơr mơ ală bơta neh gơlik gơs, gen rngòt rngơt oă ngan mơ đơs lah: “Ngan, Cau do la Kòn Yàng Tom Trồ.” 55#Luk 8:2-3.Tềng hơ̆ gơs oă cau ùr ơm sền bơh ngài, bol khai la ală cau neh jat Yàng Jesu bơh Galile nàng duh broă Kơnràñ. 56Tòm bol khai gơs Mari Madơlen, Mari mè Jakơ mơ Jôsep, bal mơ mè bàr nă kòn klau Sebede dê.

Jôsep tơp Yàng Jesu

(Mak 15:42-47; Luka 23:50-56; Jang 19:38-42)

57Tus trồ mho, gơs dô nă cau pas sơm tus bơh Arimathe, sơnđan la Jôsep, kung la cau bơtê Yàng Jesu dê. 58Khai tus hơ Pilat mơ dan ƀồc Yàng Jesu. Gen Pilat sồr ai khai in. 59Jôsep ai ƀồc Kơnràñ pò mơ bài che dơmài lơbơn goh, 60mơ ơn tòm bơtô pa khai dê neh phàt tòm pơnai lŭ klềr, khai pơrlă dô nơm pơnai lŭ dờng kơrdơl mpồng bơtô, gen lòt. 61Mari Madơlen mơ Mari ndai ơm tềng hơ̆, nggui tòm toh mơ bơtô.

Cau ling kơp gàr bơtô ƀồc

62Àng drim hìng, tơnơ̆ mơ ngai Rcang Lài, ală cau gơnoar lam bồ ơn phan duh khoai mơ ală cau Pharisi tus pơjum di dap Pilat, 63#Mat 16:21; 17:23; 20:19; Mak 8:31; 9:31; 10:33-34; Luk 9:22; 18:31-33.mơ đơs lah: “Ơ ồng, bol hi kah cau blac pơrlồm do tòm tŭ gam kis đơs lah: ‘Tơnơ̆ mơ pe ngai gen Añ rơp kis wơl.’ 64Behơ̆ dan sồr cau kơp gàr bơtô ƀồc nền cê jơl tus di ngai pe, rngòt ală cau bơtê Khai dê tus kơñau ƀồc mòn, gen đơs mơ làng bol lah: ‘Khai neh kis wơl bơh bơta chơt.’ Mơ bơta blac pơrlồm tơnơ̆ rơp iơh rlau mơ bơta lài sơl.” 65Pilat đơs mơ bol khai lah: “Bol mê gơs cau ling drơng kơp, lòt tĕ kơp gàr nền cê jat be bơta rgơi bol mê dê.” 66Gen bol khai lòt tap ƀang kì di pơnai lŭ, mơ sồr cau ling kơp gàr bơtô ƀồc nền cê.

Currently Selected:

Mathiơ 27: KPM2018

Highlight

Copy