Mathiơ 25

Pơnyơu bơh jơt nă cau ơruh

1 # Luk 12:35. “Tŭ hơ̆ lơgar đang trồ rơp tòm toh be jơt nă cau ơruh at đèng lòt wă rò bơrtơu.#25:1 Gơs dô êt sră cih yau bơtơl ală jơnau: mơ ƀan. 2Tòm bol khai, gơs pram nă bơrngơl mơ pram nă jak. 3Ală cau ơruh bơrngơl at đèng mơ ò cèng mơñà ồs bal, 4ai ală cau ơruh jak at đèng mơ cèng mơñà ồs bal. 5Tài bơh bơrtơu òbat tus, gen bol khai gơdan bic yồp yồi#25:5 Cil: srôi mat. mơ bic lơhă. 6Tus digùl mơnang gơs jơnau hòi lah: ‘Ne, bơrtơu tus! Lik lòt tĕ wă rò khai.’ 7Gen ală cau ơruh hơ̆ kah rngal jơh, rcang đèng bol khai dê. 8Ală cau ơruh bơrngơl đơs mơ ală cau ơruh jak lah: ‘Dan tòmpà mơñà ồs ală bi dê bol hi in ƀà, bơh đèng hi mòr chơt.’ 9Mơya ală cau ơruh jak ho lah: ‘Rngòt ò tơl bol hi mơ ală bi in sơl. Chan ală bi lòt tus hơ cau tac nàng rwat.’ 10Mơ tòm tŭ bol khai lòt rwat, gen bơrtơu tus; ală cau neh rcang sir lòt bal mơ bơrtơu mut tòm tiah sa tòmbau, mơ til mpồng. 11#Luk 13:25.Lồc behơ̆, ală cau ơruh ne kung tus mơ đơs lah: ‘Ơ Yàng, ơ Yàng, dan pò mpồng bol hi in!’ 12Mơya cau tòmho lah: ‘Di ngan añ đơs mơ bol ai, añ ò git bol ai ò.’ 13Behơ̆, drơng kơp tĕ bơh bol mê ò git ngai mơ kung ò git jơ Añ rê wơl.”

Pơnyơu bơh ală talơng

(Luka 19:11-27)

14 # Luk 19:11-27. “Mơ tai, lơgar đang trồ rơp tòm toh be dô nă cau ne mòr lòt ngài, gen hòi ală cau dĭ nàng jào phan mơna bol khai in. 15Cau tòm jào cau do in pram talơng, cau ne bàr talơng, cau ndai dô talơng, jat be bơta chài rgơi kòp nă cau dê; gen cau tòm lik lòt. 16Cau neh dòp pram talơng lòt kă bro mo mơ lơh gơlik cồng pram talơng tai. 17Cau neh dòp bàr talơng kung lơh gơlik cồng bàr talơng sơl. 18Ai cau dòp dô talơng, gen lòt tò trồm tòm ù mơ pồn priă cau tòm dê.

19Tòm jŏ tơngai, cau tòm ală cau dĭ hơ̆ rê wơl ting khà priă mơ bol khai. 20Cau neh dòp pram talơng tus cèng pram talơng tai mơ yal lah: ‘Ơ ồng, ồng neh jào añ in pram talơng, do añ neh lơh gơlik cồng pram talơng tai.’ 21Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.’ 22Cau neh dòp bàr talơng kung tus mơ yal lah: ‘Ơ ồng, ồng neh jào añ in bàr talơng; do añ neh lơh gơlik cồng bàr talơng tai.’ 23Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.’ 24Cau neh dòp dô talơng kung tus mơ yal lah: ‘Ơ ồng, añ git ồng la cau kràñ cê, toès tòm tiah ồng ò sih, dòñ tòm tiah ồng ò rsìh, 25gen tàng añ rngòt mơ lòt pồn talơng ồng dê tòm ù. Do phan ồng dê gam tềng do.’ 26Mơya cau tòmho lah: ‘Ơ cau dĭ iơh bơsak mơ alah ne! Mê git añ toès tòm tiah añ ò sih, mơ dòñ tòm tiah añ ò rsìh; 27behơ̆ mê pal ai priă añ jê cau kă bro priă in, nàng tòm tŭ añ rê wơl gen rơp ai wơl phan añ mơ cồng gơ dê sơl. 28Behơ̆ tă tĕ talơng bơh khai mơ ai cau gơs jơt talơng in. 29#Mat 13:12; Mak 4:25; Luk 8:18.Bơh cau lơi gơs rơp ai bơtơl tai, tồ khai geh tơngkah tơngkañ; mơya cau lơi ò gơs, bulah phan khai neh gơs kung rơp tă tơlik tơn. 30#Mat 8:12; 22:13; Luk 13:28.Ai cau dĭ ò kwơ do, sơrbì tĕ khai hơ bơdìh tòm tiah klam jơngo, tềng hơ̆ rơp gơs ñìm rac mơ rkiat sề.’”

Bơta cahrña tòm ngai lồi dut

31 # Mat 16:27; 19:28. “Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ. 32Jơh ală làng bol pơjum bal di đap Kơnràñ, gen Kơnràñ cah is làng bol do mơ làng bol ndai, kung be cau ê cah belàt mơ be, 33ơn belàt đah ma mơ be đah kiau.

34Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah. 35Bơh Añ jơgloh, bol mê ai Añ in sa; Añ tơhìr, bol mê ai Añ in hùc; Añ la cau nac crih, bol mê wă rò Añ; 36Añ ơm kuh, bol mê tơnsoh Añ in, Añ kòp jê, bol mê lòt còp Añ; Añ kòl jàm, bol mê tus còp Añ.’ 37Tŭ hơ̆ cau song ring ho lah: ‘Ơ Yàng, tŭ lơi bol hi neh gŏ Yàng jơgloh mơ ai Yàng in sa, hala tơhìr mơ ai Yàng in hùc taih? 38Tŭ lơi bol hi neh gŏ Yàng la cau nac crih mơ wă rò, hala ơm kuh mơ tơnsoh Yàng in taih? 39Tŭ lơi bol hi neh gŏ Yàng kòp jê hala kòl jàm, mơ lòt còp Yàng taih?’ 40Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

41Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê. 42Bơh Añ jơgloh, bol mê ò ai Añ in sa; Añ tơhìr, bol mê ò ai Añ in hùc; 43Añ la cau nac crih, bol mê ò wă rò Añ; Añ ơm kuh, bol mê ò tơnsoh Añ in; Añ kòp jê mơ kòl jàm, bol mi ò lòt còp Añ.’ 44Tŭ hơ̆ bol khai kung rơp ho lah: ‘Ơ Yàng, tŭ lơi bol hi neh gŏ Yàng jơgloh, hala tơhìr, hala cau nac crih, hala ơm kuh, hala kòl jàm, mơ ò duh broă Kơnràñ in ơ?’ 45Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’ 46#Dan 12:2.Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Currently Selected:

Mathiơ 25: KPM2018

Highlight

Copy