Lik Ejiptơ 33
33
Yàng Jehôwa sồr làng bol lik Lòt bơh mơnơm Sinai
1 #
Sơnròp 12:7; 26:3; 28:13. Gen Yàng Jehôwa đơs mơ Môise lah: “Mê bal mơ làng bol mơ mê neh lam lik lòt bơh di Ejiptơ sang lòi tĕ tiah do, mơ lòt guh tus hơ lơgar mơ Añ neh srat să ho nền mơ Abraham, Isak, mơ Jakôp mơ đơs lah: ‘Añ rơp ai lơgar hơ̆ jơi bơtiàn mê in.’ 2Añ rơp sồr dô nă cau gơnrơh lòt lài mơ bol mê, mơ rơp ting bơtrơh cau Kanaan, cau Amôr, cau Hetit, cau Pheres, cau Hebit, mơ cau Jebusit. 3Guh tĕ tus tòm lơgar bềng lìu dà toh mơ dà lơwe. Mơya Añ ò lòt bal mơ bol mê, bơh bol mê la dô nơm làng bol kơldang bồ, rngòt Añ rơp tơnroh bol mê rò gùng mòn!”
4Tòm tŭ làng bol kơno ală jơnau moat jrùng do, gen bol khai sơntòm ñìm rac pơt wòl, ò gơs cau lơi dò wan ală phan bơka să. 5Bơh Yàng Jehôwa neh đơs mơ Môise lah: “Đơs tĕ mơ cau Israel lah: ‘Bol mê la làng bol kơldang bồ. Dilah Añ lòt bal mơ bol mê bulah mìng tòm dô ơthoa, gen Añ kung rơp tơnroh bol mê! Behơ̆, tŭ do, hồ tă tĕ ală phan bơka să bol mê dê, mơ Añ rơp lơh nền ñchi Añ lơh gơwèt mơ bol mê.’” 6Behơ̆, di mơnơm Hôrep làng bol Israel neh hồ tă ală phan bơka să bol khai dê.
Sàl Tòm Mat
7Môise òs ai dô nơm sàl bơtào ngài ngài dô êt đah bơdìh tiah bơtào sàl làng bol dê, sơnđan sàl hơ̆ la “Sàl Tòm Mat.” Cau lơi kòñ hòi dan di Yàng Jehôwa gen lòt tus di Sàl Tòm Mat ơm bơdìh tiah bơtào sàl làng bol dê. 8Mơ tŭ lơi Môise lik lòt tus di Sàl Tòm Mat gen jơh làng bol guh mơ ntào di ală gùng mut tòm sàl bol khai dê, sền di Môise jơl tus di tŭ khai mut tòm sàl rau. 9Tòm tŭ Môise mut tòm sàl, gen jrong mhwal mù mơ ơm ntào di gùng mut, tòm tŭ Yàng Jehôwa đơs mơ Môise. 10Tŭ lơi làng bol gŏ jrong mhwal ơm ntào di gùng mut tòm sàl, gen jơh tơl nă bol khai ñă ntào mơ duh khoai, kòp nă ntào di gùng mut tòm sàl he dê.
11Yàng Jehôwa tòmbơhbơr mơ Môise mat tòm toh mat kung be dô nă cau tòmbơhbơr mơ cau bơyô he. Lồc behơ̆, Môise rê wơl hơ tiah bơtào sàl làng bol dê, ai cau pơnu duh broă khai dê la Jôsue, kòn klau Nun dê, ò lik bơh di sàl.
Môise mơ bơta gơklŏ Yàng Jehôwa dê
12Môise đơs mơ Yàng Jehôwa lah: “Yàng neh đơs mơ añ lah: ‘Lam tĕ làng bol do,’ mơya Yàng ò ai añ in git Yàng rơp sồr ñcau lòt bal mơ añ. Yàng neh đơs lah: ‘Añ git mê mơ sơnđan mê, bơh mê neh geh bơta nđàc di đap Añ.’ 13Dilah añ geh Yàng niam nùs dan Yàng bơto añ git ală gùng dà Yàng dê, tồ añ in git Yàng mơ geh bơta nđàc di đap Yàng. Dan Yàng kah tĕ làng bol do la làng bol Yàng dê!” 14Yàng Jehôwa đơs lah: “Bơta Gơs Mat Añ jê lòt bal mơ mê, mơ Añ rơp ai mê in rlô.” 15Gen Môise đơs lah: “Dilah Bơta Gơs Mat Kơnràñ dê ò lòt bal mơ bol hi, gen dan bañ sồr bol hi guh bơh do. 16Mbe rgơi cau rơp git lah añ bal mơ làng bol Kơnràñ dê geh niam nùs Kơnràñ dilah Kơnràñ ò lòt bal mơ bol hi taih? Rlau mơ bơta hơ̆ gen gơs bơta lơi ndai nàng lơh añ in mơ làng bol Kơnràñ in geh sền la krơi is mơ jơh ală làng bol ndai ơm hơđang ù sơl ơ?”
17Gen Yàng Jehôwa đơs mơ Môise lah: “Añ rơp lơh dô bơta mơ mê neh dan mơ Añ hơ̆, tài bơh mê neh geh niam nùs Añ, mơ Añ git mê bơh sơnđan mê dê.” 18Gen Môise đơs lah: “Tŭ do añ dan Kơnràñ ai añ in sền gŏ bơta gơklŏ Kơnràñ dê!” 19#Rôm 9:15.Yàng Jehôwa đơs lah: “Añ rơp ai jơh ală bơta kơ̆ dơn lơbơn niam Añ jê gơ lòt gan di đap mê, mơ Añ rơp yal sơnđan Añ jê la Yàng Jehôwa di đap mê. Añ ai bơta nđàc cau lơi in Añ rơp kòñ nđàc, mơ añ nđàc sơngit cau lơi in Añ rơp nđàc sơngit. 20Mơya mê ò rgơi sền gŏ muh mat Añ, bơh ò gơs cau lơi rgơi sền gŏ muh mat añ mơ gam kis.” 21Gen Yàng Jehôwa đơs lah: “Gơs dô bă tiah rềp mơ Añ, tềng hơ̆ mê rgơi ntào hơđang pơnai lŭ. 22Tòm tŭ bơta gơklŏ Añ jê lòt gan, Añ rơp ơn mê tòm tiah gồp lŭ, mơ ai tê Añ jơm gòm mê jơl tus di tŭ Añ neh lòt gan rlau rau, 23lồc behơ̆, Añ rơp tă tê Añ, mê rơp sền gŏ đah ngkòi Añ; mơya ò geh sền gŏ muh mat Añ.”
Currently Selected:
Lik Ejiptơ 33: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
