Zechariah 9
9
Karihwenhthátshera Tsi Nokwáh Ne Tehontonwenhtsianekʼkhánions
1Ne kí꞉ken ne Roiá꞉ner raoterihwahnhothátshera:
Rotsianerenseríhshion ne karewahthátshera né꞉ne tsi ionwenhtsá꞉ien ne Hadrach ó꞉ni ne tsi kanatowáhne ne Damascus aotiriwà꞉ke. Iáh nek khók tsi kentahrahkérons ne Israeronónhke ók kwáh ó꞉ni ne tsi kanathakweʼní꞉io ne Syria tsi Roiá꞉ner rahówenhk. 2Hamath, ne tetsiatonwenhtsianéken ne Hadrach, raónha nónhne raówenhk, tánon ó꞉ni ne kanatowá꞉nens ne Tyre ó꞉ni ne Sidon, tshiewahkwé꞉kon tsi nahoʼténhsons rahtiwehientheténions. 3Nonhkweshón꞉ʼa ne Tyre nón꞉we osténra wahontenhenró꞉ten wahthatiwahnákthe ne rahothinahthákon ó꞉ni iawetaʼtsáni kawistará꞉kens ó꞉ni owistanó꞉rons wahonthateróhrotse tsi shí꞉ken ní꞉ioht nokén꞉ra akénhake! 4Ók ki Roiá꞉ner akwé꞉kon ensehshakhó꞉kwa tsi nihonahthaterhoró꞉ki. Kaniatarakeʼkowáhne ienhó꞉ti ne rahonatʼtsiokowahtiéras, tánon ne kanatowáne kwáh enwahtsahatónke tsi nió꞉re nokenráhke.
5Ne kanahtowanénhke ne Ashkelon enhontʼkatokí꞉ken tánon enhothiʼterónhne. Ne kanahtowanénhke ne Gaza enhontʼkátho tánon karonhiakenhserowá꞉nen enhathironhiá꞉ken tsi ní꞉ioht ne iónkwe hiowirahientáhsere. Ne nónhne sáhka ne Ekron, tánon ne ahorharáhtshera tenwaʼthó꞉ko. Ne Gaza enhiononhtihiotsherón꞉ti, ók ne Ashkelon kwáh ne onhatóskon enkénhake. 6Nonhkweshón꞉ʼa ne tehiakothenekwenshaiéston Ashdod ne nón꞉we nenhtienahkérehke. Ne Roiá꞉ner ráton, “Kwáh enkhehiákse thí꞉ken Philistiaró꞉nons tsi nihathináhie. 7Kwáh iáh ó꞉nen tahonshahatiwáhrake nahionekwenhsá꞉rahke, tó꞉ka ó꞉ni ne thé꞉nen karihwáston ne káʼkhwas. Rathikwé꞉kon ne ronahthaténron kwáh Í꞉i akonkwè꞉ta enhónton tánon thó꞉nenh hióton tsi enhothitharahiénhtahke ne rahothitióhkwakon ne Judah. Ekron ó꞉ni Í꞉i akonkwè꞉ta enhónton, tsi ki ní꞉ioht ne Jebusites. 8Kwáh enkahtenhnikónhraren nahkonhóntsa tánon enkheʼné꞉se ne ronterí꞉ios ne tahonhnonhontsí꞉iake. Iáh ó꞉nen tahonsaʼkherí꞉hon ne rathiniá꞉katste tahonshahonwahthiniaró꞉rhoke nakonkweʼtashón꞉ʼa. Khé꞉ken nakonkweʼtashón꞉ʼa tsi nihothironhiakén꞉en.”
Ne Roiá꞉ner Ratʼró꞉ris Ne Táhre Rononhtí꞉io
9Sewatonhnhá꞉ren, sewatonhnhá꞉ren, tiónkwe ne Zion!
Tesehwahén꞉ret naʼtsenhnonhniá꞉tshera ne Jerusalem nón꞉we!
Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie!
Tsi táhre tekahrensáhron tánon rotʼkwenionhátie,
ók eʼtà꞉ke rotahtón꞉ni tánon tewahòn꞉tes rohshaténtie—
nitsioʼnaskwahiónha, né꞉ne tewahòn꞉tes akohiénʼa.
10Ne Roiá꞉ner ráton,
“Ahé꞉ren entʼkhá꞉wite ne otiónhkwas ne Israerʼró꞉nonhke
ó꞉ni é꞉renh enkhehiatenhá꞉wite ne koshá꞉tens ne Jerusalem;
ne ahén꞉nas wátstons ne tsi waterí꞉ios kwáh enkariwahthón꞉ton.
Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa.
Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte,
tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”
Tsi Sonwahthiriwahthakwén꞉ni Ne Rawenni꞉io Rahonkweʼtashón꞉ʼa
11Ne Roiá꞉ner ráton,
“Ne aorì꞉wa ne tsi iontiateriwahserón꞉ni
ne tehionehtorará꞉kon nonhekwénhsa ne karihwiiosehokón꞉as,
kwáh ensetʼkhehiathatewenhní꞉ioste ne shonkweʼtahshón꞉ʼa—
setʼkhehiakháwenh ne shonkweʼtahshón꞉ʼa ne tsi ronwathinhotónkwe nákʼthe nón꞉we tkanakerahserá꞉ien,
ne tsi iontahtenhothónkwa thóh ní꞉ioht thónʼne tsi ní꞉ioht ne iáh tahkanhekóhkwe nhosonwáhkon.
12Thontáhsewe, ne ieʼtsinakerahkwáhthon ók ó꞉nen tsi sehwahrarahtierá꞉ien;
thontáhsewe ne sewahtená꞉thake tsi nón꞉we ne sakʼthí꞉ken.
Ó꞉nen ki enkwahró꞉ri tentiáhsere tsi enskwahkárhiaʼse
ne enkenikwekónhake tsi ni wé꞉so sewahronhiakén꞉en.
13Ne Judah thóh ní꞉ioht tsi enkhehiáste tsi ní꞉ioht ne ronhterí꞉ios raothihén꞉na.
Tánon ne Israerʼró꞉nons tsi ne ní꞉ioht ne kaienhkwí꞉res.
Ne ronónhkwe ne Zion thóh ne ní꞉ioht tsi enkhehiáste tsi ní꞉ioht nasahreʼkó꞉wa,
nahonterí꞉io ne ronhnónhkwe ne Greece nón꞉we.”
14Ne Roiá꞉ner enhathatenéstʼthe è꞉neken tsi ronahtenonhtsisthatón꞉nions nahonthashá꞉konhe;
enharónhthate ne raoienkwí꞉res tsi ní꞉ioht ne tahonhninhekárahwe.
Ne Rononhtí꞉io Roiá꞉ner enhahonráhwahte;
enhanenhrahsherón꞉ni tsi tehiowerahtá꞉ses nenhtiekenhékha.
15Ne Roiá꞉ner Roshatstenhserowá꞉nen kwáh enteshá꞉konhe ne rahonkweʼtashón꞉ʼa tsi ní꞉ioht ne iontrenhostáhkwa.
Kwáh enhonahkástehke ó꞉ni enshakotishén꞉ni tsi nihá꞉ti ne ronwahtinenhʼhió꞉ias.
Ethò꞉ne enhatinehkí꞉ra tsi nenhontenhnikonhró꞉ri,
tánon tenhothihénrehte tsi shí꞉ken ní꞉ioht ne iakohnonhwahrathón꞉on.
Kwáh thóh ní꞉ioht tsi enhothinekáthane tsi ní꞉ioht tsi ionahnónhon ne katʼtse tsi wahtenekwensaráhkwen ne konwatsatakʼtsaháton kaʼtshé꞉nen,
kwáh thóh ní꞉ioht tsi tenhothinhokwensokó꞉tonke tsi ní꞉ioht ne ientsienharáhkwa tekahiosá꞉ien.
16Nó꞉nenh enwáhwe né꞉tho enhní꞉sera, ne Roiá꞉ner enshakononhstháte ne rahonkweʼtashón꞉ʼa,
tsi ní꞉ioht ne katʼtshé꞉nen shakonónhne ne rahotsenenhó꞉kon nó꞉nenh iò꞉teron.
Kwáh tenhothitsirón꞉nionke ne raononhontsà꞉ke
tsi ní꞉ioht ne owistanorons ne anowaroretsherá꞉ke.
17O tsi nenhiohianeréhake ó꞉ni enwatʼkathotseriió꞉hake nonwénhtsa!
Ne ken nithotihiónsah kwáh enhontehiá꞉ron enhatiʼshátsteke kwáh enhotihianerásten tsi nokwáh nonátsa ó꞉ni ne onenharataʼsehontsherákeri.
Currently Selected:
Zechariah 9: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Zechariah 9
9
Karihwenhthátshera Tsi Nokwáh Ne Tehontonwenhtsianekʼkhánions
1Ne kí꞉ken ne Roiá꞉ner raoterihwahnhothátshera:
Rotsianerenseríhshion ne karewahthátshera né꞉ne tsi ionwenhtsá꞉ien ne Hadrach ó꞉ni ne tsi kanatowáhne ne Damascus aotiriwà꞉ke. Iáh nek khók tsi kentahrahkérons ne Israeronónhke ók kwáh ó꞉ni ne tsi kanathakweʼní꞉io ne Syria tsi Roiá꞉ner rahówenhk. 2Hamath, ne tetsiatonwenhtsianéken ne Hadrach, raónha nónhne raówenhk, tánon ó꞉ni ne kanatowá꞉nens ne Tyre ó꞉ni ne Sidon, tshiewahkwé꞉kon tsi nahoʼténhsons rahtiwehientheténions. 3Nonhkweshón꞉ʼa ne Tyre nón꞉we osténra wahontenhenró꞉ten wahthatiwahnákthe ne rahothinahthákon ó꞉ni iawetaʼtsáni kawistará꞉kens ó꞉ni owistanó꞉rons wahonthateróhrotse tsi shí꞉ken ní꞉ioht nokén꞉ra akénhake! 4Ók ki Roiá꞉ner akwé꞉kon ensehshakhó꞉kwa tsi nihonahthaterhoró꞉ki. Kaniatarakeʼkowáhne ienhó꞉ti ne rahonatʼtsiokowahtiéras, tánon ne kanatowáne kwáh enwahtsahatónke tsi nió꞉re nokenráhke.
5Ne kanahtowanénhke ne Ashkelon enhontʼkatokí꞉ken tánon enhothiʼterónhne. Ne kanahtowanénhke ne Gaza enhontʼkátho tánon karonhiakenhserowá꞉nen enhathironhiá꞉ken tsi ní꞉ioht ne iónkwe hiowirahientáhsere. Ne nónhne sáhka ne Ekron, tánon ne ahorharáhtshera tenwaʼthó꞉ko. Ne Gaza enhiononhtihiotsherón꞉ti, ók ne Ashkelon kwáh ne onhatóskon enkénhake. 6Nonhkweshón꞉ʼa ne tehiakothenekwenshaiéston Ashdod ne nón꞉we nenhtienahkérehke. Ne Roiá꞉ner ráton, “Kwáh enkhehiákse thí꞉ken Philistiaró꞉nons tsi nihathináhie. 7Kwáh iáh ó꞉nen tahonshahatiwáhrake nahionekwenhsá꞉rahke, tó꞉ka ó꞉ni ne thé꞉nen karihwáston ne káʼkhwas. Rathikwé꞉kon ne ronahthaténron kwáh Í꞉i akonkwè꞉ta enhónton tánon thó꞉nenh hióton tsi enhothitharahiénhtahke ne rahothitióhkwakon ne Judah. Ekron ó꞉ni Í꞉i akonkwè꞉ta enhónton, tsi ki ní꞉ioht ne Jebusites. 8Kwáh enkahtenhnikónhraren nahkonhóntsa tánon enkheʼné꞉se ne ronterí꞉ios ne tahonhnonhontsí꞉iake. Iáh ó꞉nen tahonsaʼkherí꞉hon ne rathiniá꞉katste tahonshahonwahthiniaró꞉rhoke nakonkweʼtashón꞉ʼa. Khé꞉ken nakonkweʼtashón꞉ʼa tsi nihothironhiakén꞉en.”
Ne Roiá꞉ner Ratʼró꞉ris Ne Táhre Rononhtí꞉io
9Sewatonhnhá꞉ren, sewatonhnhá꞉ren, tiónkwe ne Zion!
Tesehwahén꞉ret naʼtsenhnonhniá꞉tshera ne Jerusalem nón꞉we!
Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie!
Tsi táhre tekahrensáhron tánon rotʼkwenionhátie,
ók eʼtà꞉ke rotahtón꞉ni tánon tewahòn꞉tes rohshaténtie—
nitsioʼnaskwahiónha, né꞉ne tewahòn꞉tes akohiénʼa.
10Ne Roiá꞉ner ráton,
“Ahé꞉ren entʼkhá꞉wite ne otiónhkwas ne Israerʼró꞉nonhke
ó꞉ni é꞉renh enkhehiatenhá꞉wite ne koshá꞉tens ne Jerusalem;
ne ahén꞉nas wátstons ne tsi waterí꞉ios kwáh enkariwahthón꞉ton.
Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa.
Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte,
tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”
Tsi Sonwahthiriwahthakwén꞉ni Ne Rawenni꞉io Rahonkweʼtashón꞉ʼa
11Ne Roiá꞉ner ráton,
“Ne aorì꞉wa ne tsi iontiateriwahserón꞉ni
ne tehionehtorará꞉kon nonhekwénhsa ne karihwiiosehokón꞉as,
kwáh ensetʼkhehiathatewenhní꞉ioste ne shonkweʼtahshón꞉ʼa—
setʼkhehiakháwenh ne shonkweʼtahshón꞉ʼa ne tsi ronwathinhotónkwe nákʼthe nón꞉we tkanakerahserá꞉ien,
ne tsi iontahtenhothónkwa thóh ní꞉ioht thónʼne tsi ní꞉ioht ne iáh tahkanhekóhkwe nhosonwáhkon.
12Thontáhsewe, ne ieʼtsinakerahkwáhthon ók ó꞉nen tsi sehwahrarahtierá꞉ien;
thontáhsewe ne sewahtená꞉thake tsi nón꞉we ne sakʼthí꞉ken.
Ó꞉nen ki enkwahró꞉ri tentiáhsere tsi enskwahkárhiaʼse
ne enkenikwekónhake tsi ni wé꞉so sewahronhiakén꞉en.
13Ne Judah thóh ní꞉ioht tsi enkhehiáste tsi ní꞉ioht ne ronhterí꞉ios raothihén꞉na.
Tánon ne Israerʼró꞉nons tsi ne ní꞉ioht ne kaienhkwí꞉res.
Ne ronónhkwe ne Zion thóh ne ní꞉ioht tsi enkhehiáste tsi ní꞉ioht nasahreʼkó꞉wa,
nahonterí꞉io ne ronhnónhkwe ne Greece nón꞉we.”
14Ne Roiá꞉ner enhathatenéstʼthe è꞉neken tsi ronahtenonhtsisthatón꞉nions nahonthashá꞉konhe;
enharónhthate ne raoienkwí꞉res tsi ní꞉ioht ne tahonhninhekárahwe.
Ne Rononhtí꞉io Roiá꞉ner enhahonráhwahte;
enhanenhrahsherón꞉ni tsi tehiowerahtá꞉ses nenhtiekenhékha.
15Ne Roiá꞉ner Roshatstenhserowá꞉nen kwáh enteshá꞉konhe ne rahonkweʼtashón꞉ʼa tsi ní꞉ioht ne iontrenhostáhkwa.
Kwáh enhonahkástehke ó꞉ni enshakotishén꞉ni tsi nihá꞉ti ne ronwahtinenhʼhió꞉ias.
Ethò꞉ne enhatinehkí꞉ra tsi nenhontenhnikonhró꞉ri,
tánon tenhothihénrehte tsi shí꞉ken ní꞉ioht ne iakohnonhwahrathón꞉on.
Kwáh thóh ní꞉ioht tsi enhothinekáthane tsi ní꞉ioht tsi ionahnónhon ne katʼtse tsi wahtenekwensaráhkwen ne konwatsatakʼtsaháton kaʼtshé꞉nen,
kwáh thóh ní꞉ioht tsi tenhothinhokwensokó꞉tonke tsi ní꞉ioht ne ientsienharáhkwa tekahiosá꞉ien.
16Nó꞉nenh enwáhwe né꞉tho enhní꞉sera, ne Roiá꞉ner enshakononhstháte ne rahonkweʼtashón꞉ʼa,
tsi ní꞉ioht ne katʼtshé꞉nen shakonónhne ne rahotsenenhó꞉kon nó꞉nenh iò꞉teron.
Kwáh tenhothitsirón꞉nionke ne raononhontsà꞉ke
tsi ní꞉ioht ne owistanorons ne anowaroretsherá꞉ke.
17O tsi nenhiohianeréhake ó꞉ni enwatʼkathotseriió꞉hake nonwénhtsa!
Ne ken nithotihiónsah kwáh enhontehiá꞉ron enhatiʼshátsteke kwáh enhotihianerásten tsi nokwáh nonátsa ó꞉ni ne onenharataʼsehontsherákeri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.