Zechariah 8
8
Ne Roiá꞉ner Rarahʼrátsta Nahonshahakwatáhko Ne Jerusalem
1Ne Roiá꞉ner Roshatstenhserowá꞉nen tó꞉wi kí꞉ken ateriwahnhothátshera ne Zechariah: 2“Wahón꞉nise shatewahkathonwenhtión꞉ni nahsniénon ne Jerusalem tiorì꞉wa tsi natehionhótes khenhorónkwa nahonkweʼtashón꞉ʼa, né꞉ne kanhoronkwátshera wahkonhnién꞉ni nahkhenákwase ne tehontatʼtsions. 3Jerusalem niénske, nakenahthatokentí꞉ke, tánon thóh nón꞉we ienskeʼnhakérehke. Ne enkaientheresthákwen né꞉tho kanahtowá꞉nen ne ienáhkere tsi rohthiriwahtó꞉ken tsi nokwáh ní꞉i, tánon ne ionhniáhere né꞉ne Roiá꞉ner Roshatstenhserowá꞉nen raówenk enkonwahnahtónhkwake iononhthatokénhti. 4Shekónhare ne thonhnonhkwetháhions, thóh nió꞉re tsi rothisténhas kwáh rontenhnitieróktha nó꞉nen tenhonthekháhakwe, kahnentʼthen nón꞉we nihathiskothóntie. 5Tánon tsi thekahnahtokenhá꞉tons shé꞉kon thitʼkatshatháhere ó꞉ni rohnatswá꞉ton.
6“Tó꞉ka nón꞉wa thóh ní꞉ioht tsi wéhne kwáh tiorihwáhkon né꞉tho onhkweshón꞉ʼa ne iatehonahthaténron nón꞉wa, ók iáh ki tehionikonrókʼtha ní꞉i akeriwà꞉ke. 7Kwáh enshekheniakénthe nahkonkweʼtahshón꞉ʼa ne tsi ionhwenhtsiaténions tsi nonhwésons niehonwahthihiaténha, 8tánon tenthekhehiaʼténhawe ne tsitʼkarahkwí꞉nekens nokwá꞉ti ó꞉ni ne tsi iaʼtewatsénhtos nokwá꞉ti tsi Jerusalem nón꞉we nenhshathiʼterón꞉thake. Í꞉i ahkonkweʼthashón꞉as enhón꞉ton, ó꞉ni Í꞉i Raothiní꞉io enkénhake, enthekheniarohthá꞉rohke kwáh enwahkerihwatokénhake tsi nokwáh ne ronón꞉ha ó꞉ni kwáh enhothiriwahkwarishón꞉hake tsi nahtehonthéron.
9“Sewaʼnikonhrahnirónhhak! Ó꞉nenh kwáh ne sahowén꞉nas sewahrónhkas ne rotitokenséhake ronahthatí꞉hon né꞉tho shikahá꞉wi shathatitstenróh꞉ten nahkonwenhskwáhren nahkenonhshatotentikó꞉wah. 10Nohén꞉ton ne shikahá꞉wi iáh ónhka tewahthónskwe nahiekarahkwé꞉ni nahonwahthinhá꞉ne ne rohnón꞉kwe tó꞉ka ó꞉ni ne kaʼtsén꞉nen, tánon iáh ónhka ne skén꞉nonhk akénhake tsi nokwáh ne tehontakʼtsions. Kwáh wahkhehión꞉nien nonhkweshón꞉ʼa ne tahontatʼkónhten. 11Ók ki nón꞉wa ó꞉nenh ó꞉ia nʼi꞉ioht tsi tesetkheriwásniese ne niatehonahthaténron ne ki onhkweshʼon꞉ʼa. 12Kwáh skén꞉nen tsi enhathihienʼthósehrons. Ne rahoná꞉wenhk ne wahthenenharísehres enkanenharahnihiónten, ne tsi ionwenhtsá꞉te entkáhnio ne kaienʼthó꞉tsheras, tánon kwáh wé꞉so tsi enhiokénhnoren. Kwáh akwé꞉kon enthekhéhion kih kahiathateríhtsheras nakonkweʼtahshón꞉a tsi niká꞉ien ne iatehonahthaténron. 13Nonhkweshón꞉ʼa ne Judah nón꞉we tánon ne Israeronónhke! Ne tsi nitsiawè꞉non ne thihononhontsá꞉tes kwáh wahthontatʼkenrenhserón꞉ni tsi nahtehónthere tsi rónhton, ‘Aiá꞉wens kwáh ne skáka ne karihwaieshátsheras ahishá꞉rahne tsi nihothihiaʼtawénhen ne Judah tánon ne Israerʼró꞉nons!’ Ók Í꞉i enkoniathanónhsthate, tánon ethò꞉ne ne thihononhontsá꞉tes tenhonthaténhase, ‘Aiá꞉wens kwáh ne skáka ahshéna ne kahiathateríhtsheras tsi nieiawé꞉non ne Judah tánon ne Israeronónhke!’ Káti shaʼnikonrahnikónhak tánon tó꞉sa shaterónsek.”
14Ne Roiá꞉ner Rosatstenhserowá꞉nen rá꞉ton, “Nó꞉nen ne ietsisoʼthonkonhkén꞉en shahonkenhakwísah, Wakkwatháko ne karihwahétken ne rahothiriwà꞉ke tánon iáh thatesehwakateriwahthenién꞉ni, ók thóh nátiereh tsi niwahkatenikonríhshon. 15Ók ki nón꞉wa ne shatheʼnikonhrón꞉nis nahkhehiaʼthaté꞉riste nonhkweshón꞉as ne Jerusalem ó꞉ni ne Judah. Káti tó꞉sa shaterónsek. 16Ne kí꞉ken nahorihó꞉tens shaterihwahién꞉ni tsi náhsehre: Oriwihioʼhón꞉we tsi nathahisehwahtatró꞉ri. Tsi tehiehiatorehthákwas tahshát꞉kaf ne kwáh tekahiatorehthatsherí꞉io—tsi niká꞉ien tkáhas ne skén꞉nen. 17Tó꞉sa ne sehwateʼnikonhrón꞉ni ne tahisehwatatkaré꞉wahte. Tó꞉sa ne tasátkaf ne iáh thokenskeʼtéken nó꞉nen shariwahnirá꞉thon. Íksons nonhó꞉wenh, ne iáh tetkarihwaié꞉ri, ó꞉ni ne kariwahetkénhsera.”
18Ne Roiá꞉ner Roshatstenhserowá꞉nen tó꞉wi kí꞉ken aterihwahnhothátshera ne Zechariah: 19“Ne iakenthontsethákwas ne kaierí꞉haton, wískhaton, tsatáhkhaton, ó꞉ni ne oieríhaton niwenhnithakehá꞉ton ne ienwahthihéntho nathonhnaráhtshera ó꞉ni naʼtsenhnonhniá꞉tsheras ne tahiontenonhwerá꞉ton ne wenhthanó꞉rons nonhkweshón꞉ʼa akorihwà꞉ke ne Judah. Ó꞉nenk tsi ensehnóronkwe norihwí꞉io ó꞉ni ne skén꞉non.”
20Ne Roiá꞉ner Roshatstenhserowá꞉nen ráton, “Ienkáhewe nó꞉nen iakotiohkowá꞉nen tsi kanatowá꞉nens nón꞉we nénhtien Jerusalem niénhien. 21Ne skaná꞉ta ienhonwahnatewenhnonhtiénhse nó꞉ia tkaná꞉thaien, ‘Washakwahshennahién꞉ne ne Roiá꞉ner Roshatstenhserowá꞉nen ó꞉ni enhiakwahterén꞉naien nahiakwaié꞉na ne rahohiathaterí꞉tshera. Kás íhtewe!’ 22Iakotiohkowá꞉nen ó꞉ni rothishatstenhserowá꞉nens Jerusalem nienhón꞉ne nahonwahshennahién꞉na ne Roiá꞉ner Roshatstenhserowá꞉nen ó꞉ni enhionterén꞉naien nahathiié꞉na ne rahohiathateríhtshera. 23Ne é꞉tho entewenhniserá꞉teke oié꞉ri nihá꞉ti ne thihononhontsá꞉tes kwáh iatenhonwahiatónko sahiá꞉ta Sitaeró꞉non ók enhonhní꞉ronh, ‘Tehionkwahtonwenhtsó꞉ni ne skatʼke tahitewahtháhakwe, tiorì꞉wa tsi wahakwahrónhke né꞉tho Rawenni꞉io tsi sehnikwé꞉kon.’”
Currently Selected:
Zechariah 8: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Zechariah 8
8
Ne Roiá꞉ner Rarahʼrátsta Nahonshahakwatáhko Ne Jerusalem
1Ne Roiá꞉ner Roshatstenhserowá꞉nen tó꞉wi kí꞉ken ateriwahnhothátshera ne Zechariah: 2“Wahón꞉nise shatewahkathonwenhtión꞉ni nahsniénon ne Jerusalem tiorì꞉wa tsi natehionhótes khenhorónkwa nahonkweʼtashón꞉ʼa, né꞉ne kanhoronkwátshera wahkonhnién꞉ni nahkhenákwase ne tehontatʼtsions. 3Jerusalem niénske, nakenahthatokentí꞉ke, tánon thóh nón꞉we ienskeʼnhakérehke. Ne enkaientheresthákwen né꞉tho kanahtowá꞉nen ne ienáhkere tsi rohthiriwahtó꞉ken tsi nokwáh ní꞉i, tánon ne ionhniáhere né꞉ne Roiá꞉ner Roshatstenhserowá꞉nen raówenk enkonwahnahtónhkwake iononhthatokénhti. 4Shekónhare ne thonhnonhkwetháhions, thóh nió꞉re tsi rothisténhas kwáh rontenhnitieróktha nó꞉nen tenhonthekháhakwe, kahnentʼthen nón꞉we nihathiskothóntie. 5Tánon tsi thekahnahtokenhá꞉tons shé꞉kon thitʼkatshatháhere ó꞉ni rohnatswá꞉ton.
6“Tó꞉ka nón꞉wa thóh ní꞉ioht tsi wéhne kwáh tiorihwáhkon né꞉tho onhkweshón꞉ʼa ne iatehonahthaténron nón꞉wa, ók iáh ki tehionikonrókʼtha ní꞉i akeriwà꞉ke. 7Kwáh enshekheniakénthe nahkonkweʼtahshón꞉ʼa ne tsi ionhwenhtsiaténions tsi nonhwésons niehonwahthihiaténha, 8tánon tenthekhehiaʼténhawe ne tsitʼkarahkwí꞉nekens nokwá꞉ti ó꞉ni ne tsi iaʼtewatsénhtos nokwá꞉ti tsi Jerusalem nón꞉we nenhshathiʼterón꞉thake. Í꞉i ahkonkweʼthashón꞉as enhón꞉ton, ó꞉ni Í꞉i Raothiní꞉io enkénhake, enthekheniarohthá꞉rohke kwáh enwahkerihwatokénhake tsi nokwáh ne ronón꞉ha ó꞉ni kwáh enhothiriwahkwarishón꞉hake tsi nahtehonthéron.
9“Sewaʼnikonhrahnirónhhak! Ó꞉nenh kwáh ne sahowén꞉nas sewahrónhkas ne rotitokenséhake ronahthatí꞉hon né꞉tho shikahá꞉wi shathatitstenróh꞉ten nahkonwenhskwáhren nahkenonhshatotentikó꞉wah. 10Nohén꞉ton ne shikahá꞉wi iáh ónhka tewahthónskwe nahiekarahkwé꞉ni nahonwahthinhá꞉ne ne rohnón꞉kwe tó꞉ka ó꞉ni ne kaʼtsén꞉nen, tánon iáh ónhka ne skén꞉nonhk akénhake tsi nokwáh ne tehontakʼtsions. Kwáh wahkhehión꞉nien nonhkweshón꞉ʼa ne tahontatʼkónhten. 11Ók ki nón꞉wa ó꞉nenh ó꞉ia nʼi꞉ioht tsi tesetkheriwásniese ne niatehonahthaténron ne ki onhkweshʼon꞉ʼa. 12Kwáh skén꞉nen tsi enhathihienʼthósehrons. Ne rahoná꞉wenhk ne wahthenenharísehres enkanenharahnihiónten, ne tsi ionwenhtsá꞉te entkáhnio ne kaienʼthó꞉tsheras, tánon kwáh wé꞉so tsi enhiokénhnoren. Kwáh akwé꞉kon enthekhéhion kih kahiathateríhtsheras nakonkweʼtahshón꞉a tsi niká꞉ien ne iatehonahthaténron. 13Nonhkweshón꞉ʼa ne Judah nón꞉we tánon ne Israeronónhke! Ne tsi nitsiawè꞉non ne thihononhontsá꞉tes kwáh wahthontatʼkenrenhserón꞉ni tsi nahtehónthere tsi rónhton, ‘Aiá꞉wens kwáh ne skáka ne karihwaieshátsheras ahishá꞉rahne tsi nihothihiaʼtawénhen ne Judah tánon ne Israerʼró꞉nons!’ Ók Í꞉i enkoniathanónhsthate, tánon ethò꞉ne ne thihononhontsá꞉tes tenhonthaténhase, ‘Aiá꞉wens kwáh ne skáka ahshéna ne kahiathateríhtsheras tsi nieiawé꞉non ne Judah tánon ne Israeronónhke!’ Káti shaʼnikonrahnikónhak tánon tó꞉sa shaterónsek.”
14Ne Roiá꞉ner Rosatstenhserowá꞉nen rá꞉ton, “Nó꞉nen ne ietsisoʼthonkonhkén꞉en shahonkenhakwísah, Wakkwatháko ne karihwahétken ne rahothiriwà꞉ke tánon iáh thatesehwakateriwahthenién꞉ni, ók thóh nátiereh tsi niwahkatenikonríhshon. 15Ók ki nón꞉wa ne shatheʼnikonhrón꞉nis nahkhehiaʼthaté꞉riste nonhkweshón꞉as ne Jerusalem ó꞉ni ne Judah. Káti tó꞉sa shaterónsek. 16Ne kí꞉ken nahorihó꞉tens shaterihwahién꞉ni tsi náhsehre: Oriwihioʼhón꞉we tsi nathahisehwahtatró꞉ri. Tsi tehiehiatorehthákwas tahshát꞉kaf ne kwáh tekahiatorehthatsherí꞉io—tsi niká꞉ien tkáhas ne skén꞉nen. 17Tó꞉sa ne sehwateʼnikonhrón꞉ni ne tahisehwatatkaré꞉wahte. Tó꞉sa ne tasátkaf ne iáh thokenskeʼtéken nó꞉nen shariwahnirá꞉thon. Íksons nonhó꞉wenh, ne iáh tetkarihwaié꞉ri, ó꞉ni ne kariwahetkénhsera.”
18Ne Roiá꞉ner Roshatstenhserowá꞉nen tó꞉wi kí꞉ken aterihwahnhothátshera ne Zechariah: 19“Ne iakenthontsethákwas ne kaierí꞉haton, wískhaton, tsatáhkhaton, ó꞉ni ne oieríhaton niwenhnithakehá꞉ton ne ienwahthihéntho nathonhnaráhtshera ó꞉ni naʼtsenhnonhniá꞉tsheras ne tahiontenonhwerá꞉ton ne wenhthanó꞉rons nonhkweshón꞉ʼa akorihwà꞉ke ne Judah. Ó꞉nenk tsi ensehnóronkwe norihwí꞉io ó꞉ni ne skén꞉non.”
20Ne Roiá꞉ner Roshatstenhserowá꞉nen ráton, “Ienkáhewe nó꞉nen iakotiohkowá꞉nen tsi kanatowá꞉nens nón꞉we nénhtien Jerusalem niénhien. 21Ne skaná꞉ta ienhonwahnatewenhnonhtiénhse nó꞉ia tkaná꞉thaien, ‘Washakwahshennahién꞉ne ne Roiá꞉ner Roshatstenhserowá꞉nen ó꞉ni enhiakwahterén꞉naien nahiakwaié꞉na ne rahohiathaterí꞉tshera. Kás íhtewe!’ 22Iakotiohkowá꞉nen ó꞉ni rothishatstenhserowá꞉nens Jerusalem nienhón꞉ne nahonwahshennahién꞉na ne Roiá꞉ner Roshatstenhserowá꞉nen ó꞉ni enhionterén꞉naien nahathiié꞉na ne rahohiathateríhtshera. 23Ne é꞉tho entewenhniserá꞉teke oié꞉ri nihá꞉ti ne thihononhontsá꞉tes kwáh iatenhonwahiatónko sahiá꞉ta Sitaeró꞉non ók enhonhní꞉ronh, ‘Tehionkwahtonwenhtsó꞉ni ne skatʼke tahitewahtháhakwe, tiorì꞉wa tsi wahakwahrónhke né꞉tho Rawenni꞉io tsi sehnikwé꞉kon.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.