Zechariah 10
10
Ne Roiá꞉ner Rarahrátstha Nathatewenhnihió꞉tshera
1Tsi seh wariwahnónhtons ne Roiá꞉ner nahiokén꞉nore ne kokwitè꞉ne. Roiá꞉ner seh thateniéhtha tsi nikanekarión꞉nion notsiátas ó꞉ni tsi iohtsatharáhties, ne nakwé꞉kon ahiakohianeráhsten ne kaienʼthó꞉tsheras. 2Nonhkweshón꞉ʼa ne shakotinikonríhsats ne kahiatón꞉nis tánon ne rontthiathonsehratkénses, ók tsi tehonwahthirihwasehrahkwén꞉nis ne nonhówenh ó꞉ni ononhwahrohríhtha. Ó꞉tiaʼkes tehierihwakʼthétha nateʼtsénhseras, ók kwáh ne khók nahieshanikonráhten; ne kaʼnikonranirákʼtshera teshakoná꞉wis iáh othé꞉nen tehiorihón꞉te. Káti nonhkweshón꞉ʼa tsi tehiakotawénhhre kwáh thóh ní꞉ioht tsi shí꞉ken ní꞉ioht ne teiotinakarontón꞉a ahionahtiathatónʼon. Rothiʼnikonrahronhiáken né tsi iáh tehononhkwè꞉thaien nahshakohén꞉thenhse.
3Ne Roiá꞉ner ráton, “Khenáhkwase né꞉tho thihononhontsá꞉tes tsi rohnónha tsieshakotihiaʼthakwehní꞉io nakonhkweʼtahshón꞉ʼa, tánon kwáh enkheré꞉wahte. Nonhkweshón꞉ʼa ne Judah Í꞉i akonhkweʼtashón꞉ʼas, tánon í꞉ih ne Watiá꞉ner Wakeshatstenhserowá꞉nen, enkhehiatenhnikónhraren. Kwáh rohnónha enkénhake ne konhthiʼshátses koshá꞉tens né꞉ne iakoshaténhstas tsi wahterí꞉io. 4Rahothitióhkwakon nón꞉we nenhtón꞉ne ne rathikoráhshons, ronateriónton, sakotihén꞉tenhse, tánon ne ronterihiosehrakweʼní꞉ios nahonwahnatʼkórasthe nakonkweʼtashón꞉a. 5Ne nonhkweshón꞉ʼa ne Judah nón꞉we kwáh enhonatʼkwénionke tsi ní꞉ioht ne ronterí꞉ios ne teshakonaskwasheronkwáhton ne ronwahthí꞉sons nonahwásthakes ne tsi tekanatokenhá꞉tons. Kwáh enhonterí꞉io tiorì꞉wa ne Roiá꞉ner tsi ratikwekonháties, kwáh ó꞉ni enshakothishén꞉ni ne tehontátʼtsions ne rohtishá꞉tens tsi ronterí꞉ios.
6“Kwáh enkheshatsténhseron nonhkweshón꞉ʼa ne Judah nón꞉we;
Kwáh ensehkheniá꞉kente ne Israerʼró꞉nons.
Kwáh tenkhehiaró꞉ton
tánon rahthikwé꞉kon thentekhehiaʼténhawe tsi nón꞉we nihothinonhsóhton.
Kwáh thonenhʼhiotónhake tsi shí꞉ken ní꞉ioht ne iáh nonhwén꞉ton takhekenronhní꞉onhke.
Í꞉i ne Watiá꞉ner ne Raotiní꞉io; kwáh tekheriwahserá꞉kwaʼse ne raonahterén꞉naient.
7Nisraheró꞉nonhs kwáh thonenhathiʼshátstekes tsi ní꞉ioht ne ronterí꞉ios,
ronatʼtsenhnón꞉ni tsi ní꞉ioht ne ónhkak otsí꞉tsa iakonekí꞉ren.
Ne iesheshakotiienokónha kwáh enhonnehiá꞉rahke kí꞉ken atesenhnié꞉tshera
tánon enhonahthonnharahke tiorì꞉wa tsi nihoié꞉ren ne Roiá꞉ner.
8“Ienkhenónhke nakonhkweʼtashón꞉ʼa
tánon skatʼke tsi enkhehiaʼtaró꞉rohke.
Kwáh enkheniá꞉kente
tánon ensehkhehiónnien ne thóh nahonsahonhatiohkowanahʼne tsi nihothirenhnhahón꞉ne.
9Ethosà꞉ne tekhehiareniáhton tsi rahthinahkeréhnion nonhkweshón꞉ʼa,
Shé꞉kon ki nahinónhsons nióre tkanahkerahseraké꞉rons kwáh ki enhionkhehiá꞉rahke.
Ronónha tánon ne sakothiʼienhokón꞉a enhonhnón꞉neke ki
tánon skátke tsi ienshón꞉ne tsi tohthinonhsóhton.
10Tsi nió꞉re ne Egypt tánon Assyria tsi kwáh tethekhehiaʼténhawe
tánon ensehkhéteron ne rahothinakerahserá꞉kon.
Kwáh ó꞉ni Gilead tánon Lebanon nón꞉we nenhkhetéron;
kwáh owenhtsakwé꞉kon ónhkwe enhienáhne.
11Nó꞉nenh thóh nón꞉we nenhontó꞉hetsthe ne kaniatarakeʼkó꞉wa ne tekanihkónhrare,
Í꞉i ne Watiá꞉ner, enkenonhwáhrehke ne iononhthakwahronhthónties,
tánon tsi nihionótes ne Nile kwáh enwastátʼten.
Tsi niwahthatón꞉ni ne Assyria kwáh tenkonhwenhtsó꞉ten,
tánon tsi nihioshatstenhserowá꞉nen ne Egypt kwáh enhiothónse nahoshatsténhsera.
12Kwáh enkhéhion nahkonhkweʼtashón꞉ʼa nahathishátsteke;
kwáh enhiontsén꞉nahien ó꞉ni enhionkewenhnaráhkwake.”
Ne Roiá꞉ner rothatí꞉hon.
Currently Selected:
Zechariah 10: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Zechariah 10
10
Ne Roiá꞉ner Rarahrátstha Nathatewenhnihió꞉tshera
1Tsi seh wariwahnónhtons ne Roiá꞉ner nahiokén꞉nore ne kokwitè꞉ne. Roiá꞉ner seh thateniéhtha tsi nikanekarión꞉nion notsiátas ó꞉ni tsi iohtsatharáhties, ne nakwé꞉kon ahiakohianeráhsten ne kaienʼthó꞉tsheras. 2Nonhkweshón꞉ʼa ne shakotinikonríhsats ne kahiatón꞉nis tánon ne rontthiathonsehratkénses, ók tsi tehonwahthirihwasehrahkwén꞉nis ne nonhówenh ó꞉ni ononhwahrohríhtha. Ó꞉tiaʼkes tehierihwakʼthétha nateʼtsénhseras, ók kwáh ne khók nahieshanikonráhten; ne kaʼnikonranirákʼtshera teshakoná꞉wis iáh othé꞉nen tehiorihón꞉te. Káti nonhkweshón꞉ʼa tsi tehiakotawénhhre kwáh thóh ní꞉ioht tsi shí꞉ken ní꞉ioht ne teiotinakarontón꞉a ahionahtiathatónʼon. Rothiʼnikonrahronhiáken né tsi iáh tehononhkwè꞉thaien nahshakohén꞉thenhse.
3Ne Roiá꞉ner ráton, “Khenáhkwase né꞉tho thihononhontsá꞉tes tsi rohnónha tsieshakotihiaʼthakwehní꞉io nakonhkweʼtahshón꞉ʼa, tánon kwáh enkheré꞉wahte. Nonhkweshón꞉ʼa ne Judah Í꞉i akonhkweʼtashón꞉ʼas, tánon í꞉ih ne Watiá꞉ner Wakeshatstenhserowá꞉nen, enkhehiatenhnikónhraren. Kwáh rohnónha enkénhake ne konhthiʼshátses koshá꞉tens né꞉ne iakoshaténhstas tsi wahterí꞉io. 4Rahothitióhkwakon nón꞉we nenhtón꞉ne ne rathikoráhshons, ronateriónton, sakotihén꞉tenhse, tánon ne ronterihiosehrakweʼní꞉ios nahonwahnatʼkórasthe nakonkweʼtashón꞉a. 5Ne nonhkweshón꞉ʼa ne Judah nón꞉we kwáh enhonatʼkwénionke tsi ní꞉ioht ne ronterí꞉ios ne teshakonaskwasheronkwáhton ne ronwahthí꞉sons nonahwásthakes ne tsi tekanatokenhá꞉tons. Kwáh enhonterí꞉io tiorì꞉wa ne Roiá꞉ner tsi ratikwekonháties, kwáh ó꞉ni enshakothishén꞉ni ne tehontátʼtsions ne rohtishá꞉tens tsi ronterí꞉ios.
6“Kwáh enkheshatsténhseron nonhkweshón꞉ʼa ne Judah nón꞉we;
Kwáh ensehkheniá꞉kente ne Israerʼró꞉nons.
Kwáh tenkhehiaró꞉ton
tánon rahthikwé꞉kon thentekhehiaʼténhawe tsi nón꞉we nihothinonhsóhton.
Kwáh thonenhʼhiotónhake tsi shí꞉ken ní꞉ioht ne iáh nonhwén꞉ton takhekenronhní꞉onhke.
Í꞉i ne Watiá꞉ner ne Raotiní꞉io; kwáh tekheriwahserá꞉kwaʼse ne raonahterén꞉naient.
7Nisraheró꞉nonhs kwáh thonenhathiʼshátstekes tsi ní꞉ioht ne ronterí꞉ios,
ronatʼtsenhnón꞉ni tsi ní꞉ioht ne ónhkak otsí꞉tsa iakonekí꞉ren.
Ne iesheshakotiienokónha kwáh enhonnehiá꞉rahke kí꞉ken atesenhnié꞉tshera
tánon enhonahthonnharahke tiorì꞉wa tsi nihoié꞉ren ne Roiá꞉ner.
8“Ienkhenónhke nakonhkweʼtashón꞉ʼa
tánon skatʼke tsi enkhehiaʼtaró꞉rohke.
Kwáh enkheniá꞉kente
tánon ensehkhehiónnien ne thóh nahonsahonhatiohkowanahʼne tsi nihothirenhnhahón꞉ne.
9Ethosà꞉ne tekhehiareniáhton tsi rahthinahkeréhnion nonhkweshón꞉ʼa,
Shé꞉kon ki nahinónhsons nióre tkanahkerahseraké꞉rons kwáh ki enhionkhehiá꞉rahke.
Ronónha tánon ne sakothiʼienhokón꞉a enhonhnón꞉neke ki
tánon skátke tsi ienshón꞉ne tsi tohthinonhsóhton.
10Tsi nió꞉re ne Egypt tánon Assyria tsi kwáh tethekhehiaʼténhawe
tánon ensehkhéteron ne rahothinakerahserá꞉kon.
Kwáh ó꞉ni Gilead tánon Lebanon nón꞉we nenhkhetéron;
kwáh owenhtsakwé꞉kon ónhkwe enhienáhne.
11Nó꞉nenh thóh nón꞉we nenhontó꞉hetsthe ne kaniatarakeʼkó꞉wa ne tekanihkónhrare,
Í꞉i ne Watiá꞉ner, enkenonhwáhrehke ne iononhthakwahronhthónties,
tánon tsi nihionótes ne Nile kwáh enwastátʼten.
Tsi niwahthatón꞉ni ne Assyria kwáh tenkonhwenhtsó꞉ten,
tánon tsi nihioshatstenhserowá꞉nen ne Egypt kwáh enhiothónse nahoshatsténhsera.
12Kwáh enkhéhion nahkonhkweʼtashón꞉ʼa nahathishátsteke;
kwáh enhiontsén꞉nahien ó꞉ni enhionkewenhnaráhkwake.”
Ne Roiá꞉ner rothatí꞉hon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.