Zechariah 6
6
Ne Atetʼtsénsera Ne Otiónhkwas Ká꞉sehre
1Seh ó꞉ia shonkwatetʼtsen. Ne nón꞉wa sahkatkáto ne kaié꞉ri nikasehréhtake otiónhkwas koshá꞉tens iothihiaténtons thóh tahiotihiakenʼenhátie tsi naʼthetiátere ne tehionónhtahke ne teiotwistáron otsí꞉nekwar karístatsi. 2Ne tiotierénhton otiónhkwa ká꞉sehre kaié꞉ri nikón꞉ti koshá꞉tens tsonahthíronte né꞉ne onekwénhtara kikonsohkó꞉ten, ne tekeníhaton kahón꞉tsi ne kikonsohkó꞉ten, 3nahsénhaton kará꞉ken ne kikonsohkó꞉ten, tánon ne kaieríhaton iothirahkwahʼrónnion nenhné꞉e. 4Ethò꞉ne wahirihwanón꞉tonhse ne raronhiakehró꞉non, “Sénshion, nahó꞉ten kí꞉ken otiónhkwas ká꞉sehres kentons?”
5Watharihwaʼserá꞉ko, “Ne kí꞉ken ne kaié꞉ri nikahwerá꞉kes; né꞉ne Roiá꞉ner rashá꞉rine nonhwenhtsiakwé꞉kon né꞉ne rahohén꞉thon kaienthákwe tánon ónhwak thóh nahthonhtahkón꞉ne.”
6Ne otiónhkwa ká꞉sehre ne khonthihóntsi koshá꞉tens iothihiaténton othorè꞉ke niahonehnonhátie né꞉ne Babylonia nón꞉we, ne konhthirá꞉kens kohshá꞉tens tsi iaʼtewatshénthos ne niahonenonhátie, tánon ne iothirahkwarónnions koshá꞉tens tsik kanakerahserá꞉ien ne entiè꞉ne ne niakónhne. 7Tsi tahkonhthihiá꞉kenʼne ne iothirahkwarónnion kohshá꞉tens kwáh tehiotistheríhes niakónhʼne tánon nahkonhthikenhenhiónna tsi ionwenhtsá꞉te. Ne raronhiakeró꞉non wahèn꞉ron, “Wás tánon kenshenhiónʼna nowénhtsia!”—tánon thóh nahkonhthí꞉hiere. 8Ethò꞉ne ne raronhiakeró꞉non thontahakeʼnháton, “Ne koshá꞉tens nothorè꞉ke niehionè꞉nonh tsi nón꞉we ne Babylonia thontahkonhsehrónhnenthe ne Roiá꞉ner rahonhakwáhtshera.”
Ne Roiá꞉ner Wahonhaʼne Ne Zechariah Nahononhwaró꞉rohke Ne Ratsihenstowá꞉nen Joshua
9Ne Roiá꞉ner tahá꞉kon kí꞉ken ateriwahnhothátshera. 10Wahèn꞉ron, “Hiahásaf nahthatahwí꞉tsheras tsi nithonatkawáhnion ne ronwahthinahkerahkwáhthons Heldai, Tobijah, tánon ne Jedaiah, tánon ó꞉nenk thóh iaháseh tsi thóh nónhsohte ne Josiah ne roiénha ne Zephaniah. Rathikwé꞉kon sóhthi ne Babylonia tsi rohnahnakerahkwénʼne. 11Ne shanonhwarohtsherón꞉niat ne kawistará꞉ken ó꞉ni ne owistahnó꞉ron thóh nahkáhwenh, tánon ne tianonhwaró꞉rot ne ratsihenstowá꞉nen, Joshua ne roʼní꞉ha né꞉ne Jehozadak. 12Tiorì꞉wa né꞉tho Roiá꞉ner Roshatstenhserowá꞉nen ráton, ‘Rónkwe ne Onénhrah ronwáhiats kwáh enhohianerásten tsi nonhwehnenhréhseke tánon enshanonhsón꞉ni ne Roiá꞉ner raononhsatokénhti. 13Kwáh raónha enshanonhsón꞉ni tánon enhaié꞉na ne kakweniensthátshera tsi ní꞉ioht ne Rononhtí꞉io, tánon enteshakoniarotáhrohke ne rahonkweʼtahshón꞉ʼa. Tánon ratsihénstahtsi enhoterihóntahke ne raononhthiiotsherá꞉kon, tánon tetiá꞉ron tsi enhothiiò꞉ten ne skén꞉nonh ó꞉ni shahothirì꞉wa enkénhake.’ 14Nahnonhwaróh꞉re ne enwehiarasthákwen ne Roiá꞉ner Raononhsatokenhtí꞉ke tsi enhonwahtikwénienste ne Heldai, Tobijah, Jedaiah, ó꞉ni ne Josiah.”
15Ronhnón꞉kwe nahinónhson nón꞉we thathinahkerénion eʼthò꞉ne nahonshahatinonhsón꞉ni ne Raononhsatokénhti ne Roiá꞉ner. Tanon nó꞉nenh enskanónhshison, enshaterienʼtá꞉rahne né꞉tho tsi Roiá꞉ner iehakató꞉rion ne shonhà꞉ke. Tóh꞉ki nenhiá꞉wenhne tó꞉ka kwáh entiewén꞉narahkwe ne Roiá꞉ner Saní꞉io.
Currently Selected:
Zechariah 6: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Zechariah 6
6
Ne Atetʼtsénsera Ne Otiónhkwas Ká꞉sehre
1Seh ó꞉ia shonkwatetʼtsen. Ne nón꞉wa sahkatkáto ne kaié꞉ri nikasehréhtake otiónhkwas koshá꞉tens iothihiaténtons thóh tahiotihiakenʼenhátie tsi naʼthetiátere ne tehionónhtahke ne teiotwistáron otsí꞉nekwar karístatsi. 2Ne tiotierénhton otiónhkwa ká꞉sehre kaié꞉ri nikón꞉ti koshá꞉tens tsonahthíronte né꞉ne onekwénhtara kikonsohkó꞉ten, ne tekeníhaton kahón꞉tsi ne kikonsohkó꞉ten, 3nahsénhaton kará꞉ken ne kikonsohkó꞉ten, tánon ne kaieríhaton iothirahkwahʼrónnion nenhné꞉e. 4Ethò꞉ne wahirihwanón꞉tonhse ne raronhiakehró꞉non, “Sénshion, nahó꞉ten kí꞉ken otiónhkwas ká꞉sehres kentons?”
5Watharihwaʼserá꞉ko, “Ne kí꞉ken ne kaié꞉ri nikahwerá꞉kes; né꞉ne Roiá꞉ner rashá꞉rine nonhwenhtsiakwé꞉kon né꞉ne rahohén꞉thon kaienthákwe tánon ónhwak thóh nahthonhtahkón꞉ne.”
6Ne otiónhkwa ká꞉sehre ne khonthihóntsi koshá꞉tens iothihiaténton othorè꞉ke niahonehnonhátie né꞉ne Babylonia nón꞉we, ne konhthirá꞉kens kohshá꞉tens tsi iaʼtewatshénthos ne niahonenonhátie, tánon ne iothirahkwarónnions koshá꞉tens tsik kanakerahserá꞉ien ne entiè꞉ne ne niakónhne. 7Tsi tahkonhthihiá꞉kenʼne ne iothirahkwarónnion kohshá꞉tens kwáh tehiotistheríhes niakónhʼne tánon nahkonhthikenhenhiónna tsi ionwenhtsá꞉te. Ne raronhiakeró꞉non wahèn꞉ron, “Wás tánon kenshenhiónʼna nowénhtsia!”—tánon thóh nahkonhthí꞉hiere. 8Ethò꞉ne ne raronhiakeró꞉non thontahakeʼnháton, “Ne koshá꞉tens nothorè꞉ke niehionè꞉nonh tsi nón꞉we ne Babylonia thontahkonhsehrónhnenthe ne Roiá꞉ner rahonhakwáhtshera.”
Ne Roiá꞉ner Wahonhaʼne Ne Zechariah Nahononhwaró꞉rohke Ne Ratsihenstowá꞉nen Joshua
9Ne Roiá꞉ner tahá꞉kon kí꞉ken ateriwahnhothátshera. 10Wahèn꞉ron, “Hiahásaf nahthatahwí꞉tsheras tsi nithonatkawáhnion ne ronwahthinahkerahkwáhthons Heldai, Tobijah, tánon ne Jedaiah, tánon ó꞉nenk thóh iaháseh tsi thóh nónhsohte ne Josiah ne roiénha ne Zephaniah. Rathikwé꞉kon sóhthi ne Babylonia tsi rohnahnakerahkwénʼne. 11Ne shanonhwarohtsherón꞉niat ne kawistará꞉ken ó꞉ni ne owistahnó꞉ron thóh nahkáhwenh, tánon ne tianonhwaró꞉rot ne ratsihenstowá꞉nen, Joshua ne roʼní꞉ha né꞉ne Jehozadak. 12Tiorì꞉wa né꞉tho Roiá꞉ner Roshatstenhserowá꞉nen ráton, ‘Rónkwe ne Onénhrah ronwáhiats kwáh enhohianerásten tsi nonhwehnenhréhseke tánon enshanonhsón꞉ni ne Roiá꞉ner raononhsatokénhti. 13Kwáh raónha enshanonhsón꞉ni tánon enhaié꞉na ne kakweniensthátshera tsi ní꞉ioht ne Rononhtí꞉io, tánon enteshakoniarotáhrohke ne rahonkweʼtahshón꞉ʼa. Tánon ratsihénstahtsi enhoterihóntahke ne raononhthiiotsherá꞉kon, tánon tetiá꞉ron tsi enhothiiò꞉ten ne skén꞉nonh ó꞉ni shahothirì꞉wa enkénhake.’ 14Nahnonhwaróh꞉re ne enwehiarasthákwen ne Roiá꞉ner Raononhsatokenhtí꞉ke tsi enhonwahtikwénienste ne Heldai, Tobijah, Jedaiah, ó꞉ni ne Josiah.”
15Ronhnón꞉kwe nahinónhson nón꞉we thathinahkerénion eʼthò꞉ne nahonshahatinonhsón꞉ni ne Raononhsatokénhti ne Roiá꞉ner. Tanon nó꞉nenh enskanónhshison, enshaterienʼtá꞉rahne né꞉tho tsi Roiá꞉ner iehakató꞉rion ne shonhà꞉ke. Tóh꞉ki nenhiá꞉wenhne tó꞉ka kwáh entiewén꞉narahkwe ne Roiá꞉ner Saní꞉io.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.