Zechariah 5

Ne Atetʼtsénhsera Ne Káhtsies Kahorotakwenón꞉ni Kahiatónhsera

1Shé꞉kon shakatkáto, tánon nón꞉wa wahkatkáto kahorotakwenón꞉ni kahiatónhsera kátsies tsi iówerahre. 2Ne raronhiakeró꞉nonh wahakeriwanón꞉tonhse nahó꞉ten wakatʼkáto. Watkeriwaʼserá꞉ko, “Kahorotakwenón꞉ni kahiatónhsera kátsies tsi iówerahre, né꞉ne áhsen-niwahshì꞉tahke ní꞉ions tánon wiskhiawénhre niwahshì꞉tahke nahtewahtahkáron.”

3Ethò꞉ne wahakénhase, “É꞉tho kahiá꞉ton ne karewahthátshera tsi ienkaiá꞉kenʼne nowenhtsiakwé꞉kon tenwahréni. Ne skáti nokwá꞉ti tsi kahorotakwenón꞉ni ne kahiatónhsera wáton kwáh tsi niatehionkwè꞉tahke ne rahthinénskwas tsi éhren enhonwahthihiaʼtenhá꞉wite ne tsi ionwenhtsiá꞉te: tánon ne skáti nokwá꞉ti wá꞉ton nenhʼné꞉ʼe kwáh tsi nihiá꞉kon nenhionnhowénhte nó꞉nen iakoriwahní꞉rahton ne ó꞉ni éhren enhiontahtiatenhá꞉withe. 4Ne Roiá꞉ner Roshatstenhserowá꞉nen ráton ienhaténiethe kí꞉ken karewahthátshera, tánon ienhiakonnonhsohrénʼne kwáh tsi niatehionkwè꞉take ne ienénhskwas ó꞉ni tsi nihiá꞉kon ne ionnhowénhtha nó꞉nen iakorihwahní꞉raton. Akonónhskon enkaiénthake tánon enhiakohetkénten.”

Natetʼtsénhsera Ne Iónkwe atheráhkon Kahiá꞉ti

5Ne raronhiakeró꞉non shé꞉kon shahathotáshi tánon rá꞉ton, “Satkátho! Sehknahótenk thontáhwe!”

6“Nahò꞉ten káti?” wakeriwahnónhton.

Wahthariwaʼserá꞉ko, “À꞉there, tánon ne kaháweh ne karihwanerahákʼtshera nonwenhtsiakwé꞉kon.”

7Ne áthere iotenonhtékʼton karísthatsi ionhniáton. Tsi wahkateró꞉ron, natenonhtékʼta onhtharáhtahte, tánon thóh nahtheráhkon kenskóthe iónkwe!

8Ne raronhiakeró꞉non wahèn꞉ron, “Ne kí꞉ken iakotahtiáse ne kariwahetkénhseras.” Ethò꞉ne atheráhkon iathonshahahiathashihárahte tánon shahanhó꞉ton nahtenonhtékta. 9Wakatharahkétsko tánon tekenihiáse tekenónhkwe wahkhéken tsi khés nónh thontahkení꞉ten tsi nikaʼshátstes ne kenihnerahontsiákes kwáh tsi ní꞉ioht ne katsitenhserowá꞉nen. Watʼkhénekwe ná꞉there tánon thonsahkení꞉ten.

10Wahirihwahnón꞉tonhse ne raronhiakeró꞉nonh, “Kaʼnón꞉we nienkení꞉hawe?”

11Watharihwaʼserá꞉ko, “Babylonia, ehnón꞉we ionterenhnaientháhkwa enkeninonhsonhniatháhkwe. Nó꞉nen enkanonhshisonhónhake ne ionterenhnaientháhkwa, ne à꞉there thóh nón꞉we nenkaiéntahke nakonwahshén꞉naien.”

Currently Selected:

Zechariah 5: MHK

Highlight

Copy

Want to have your highlights saved across all your devices? Sign up or sign in

Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.

The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).

Learn More About Ohiatonhseratokénti