Zechariah 4
4
Ne Atetʼtsénsehra Ne Watʼthaseranihiontháhkwa,
1Ne raronhiakeró꞉nonh ne tehionkenithá꞉rahkwe shé꞉kon thontáhre tánon wahakathontó꞉rhathe tsi shí꞉ken ní꞉ioht nahonkitáhsehke. 2“Nahò꞉ten satkáthos?” wahariwanónhton.
“Watʼthasehrahnihiontháhkwa owisthanó꞉ron ionniáhton,” watʼkeriwahserá꞉ko. “Ne è꞉neken thón káhere kátʼtse ne watehienaráhkwa. Ne watʼthasehranihiontháhkwake thóh iorenthónʼnion tsáta ní꞉kon kaháhseras, ne skátʼtions tsáta ní꞉kon ioiénhton nahontháwah ne kénhie ahosehríhies. 3Tekaróntahke iakeniewáhtha iorón꞉tote ákta ne waʼthasehrahnihiontháhkwa, énska ne skatí꞉sons nokwá꞉ti.” 4Ethò꞉ne wahiriwahnón꞉tonhse ne raronhiakeró꞉nonh, “Nahoʼténhsons ki konhtí꞉tons, sénshion?”
5“Iáh ken teshaterièn꞉tahre?” wahakerihwanón꞉tonhse.
“Iáh tewahkaterièn꞉tahre, sénshion,” watʼkerihwaʼserá꞉ko.
10bNe raronhiakeró꞉nonh wahakénhase, “Ne tsáta nikaháhserake ne tsi tsáta natehákarahs ne Roiá꞉ner, ne kontkáthos akwé꞉kon ratʼkátos ne tsi nihiowénhtsia.” 11Ethò꞉ne wahiriwahnón꞉tonhse, “Nahò꞉ten kéntons thí꞉ken tekaróntahke iakeniewáhtha ne skatí꞉sons nokwá꞉ti iohnhóton ne watʼthaserahnihiontháhkwa? 12Tánon nahò꞉ten kéntons ne thekanhátahke ne iakeniewáhtha ákta ne tékeni owistanó꞉ron ohorhótas tsi nitewahwéhrons ne iakeniehwáhtha kénʼhie?”
13Wahakerihwahnón꞉tonhse, “Iáh ken teshaterièn꞉tare?”
“Iáh, tewahkaterièn꞉tahre, shénshion,” Waʼkeriwahserá꞉ko.
14Ethò꞉ne wahèn꞉ron, “Ne kí꞉ken ne tehnihiá꞉se tsi niká꞉ien ne Rawenni꞉io shakohiatahrákwen tánon ne tahonwahriwasniéhse, raónha ne Roiá꞉ner rashá꞉rine nowenhtsiakwé꞉kon.”
Ne Rawenni꞉io Rorahratstén꞉ni Ne Zerubbabel
6Ne raronhiakeró꞉nonh wahakró꞉ri ne Zerubbabel ahontahíhion kí꞉ken ateriwahnhothátshera né꞉ne Roiá꞉ner nón꞉we nitsawè꞉non: “Iatensotkáwe, iáh ne tahkarihón꞉ni ne ronterí꞉ios rahothishatsténhsera tóka ó꞉ni ne shonháhak sashatsténhsera akénhake, ók ne nahkeʼnikòn꞉ra. 7Ne ononhwénhseras thóh natehiotenonhianì꞉ton tsi ní꞉ioht ne iononhtahrónnions tók tenwáhton ne shahén꞉ton. Kwáh enshesenonhsón꞉ni nononhsatokénhti, tánon tsi ní꞉ioht tsi énshien ó꞉ni enskwahtáhko nonhakénkha onénhia, nonhkweshón꞉ʼa tenhiakohén꞉rehte, ‘Ioráse, ioráse.’”
8Shé꞉kon ó꞉ia nateriwanhothátshera sontiató꞉renʼne Roiá꞉ner thontahathéniete. 9Wahèn꞉ron, “Zerubbabel tehostenró꞉the nononhsatokenhtí꞉ke, tánon ienhásha tsi rotenonhsonnihátie. Nó꞉nen kí꞉ken é꞉tho nenhiá꞉wenhne, nakonkweʼtahshón꞉ʼa enhonahterienʼtá꞉rahne tsi Í꞉i hiekwahtó꞉rion ne rononhà꞉ke. 10aThóh thinikonrén꞉en shótsi iáh wé꞉so tekahioʼtén꞉en. Ók ki enhonwáhken ne Zerubbabel rotenonhshonhnihátie Nononhsatokénhti, tánon enhontonhnháren”
Currently Selected:
Zechariah 4: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
