Zechariah 3
3
Ne Rotokénhse Wahotéttsen Ne Ratsihenstowá꞉nen
1Ne ó꞉iah atettsénsehre ne Roiá꞉ner wahakenaʼtónhase ne Ratsihenstowá꞉nen Joshua í꞉rahte rahohénton ne Roiá꞉ner rahoronhiakeró꞉nonh. Tánon é꞉tho ne rahiatákʼta ne Joshua í꞉rate ne Sakoriwaros, rothatehweiennenhtà꞉on nahorihwáhro. 2Ne Roiá꞉ner rahoronhiakeró꞉nonh wahawénhase ne Sakoriwaros, “Aiá꞉wens ne Roiá꞉ner ahiaré꞉wahte ní꞉se, Seriwaros! Aiáwens ne Roiá꞉ner ne ranoronhkwa ne Jerusalem, ahiaré꞉wahte. Kí꞉ken rónkwe ne teskaieróntahre ne kánia tsiakahonthákwen notsírake.”
3Joshua thóh rahtáhkwe, tehiokweniáhtion rotʼtseronhniáton. 4Ne raronhiakeró꞉nonh wahsakawénhase ne raonhatsherahó꞉kons ne karonhià꞉ke, “Ahé꞉ren sehwahá꞉wit ne tehiokweniáhtion kí꞉ken rónkwe rhotieronniáhton.” Ethò꞉ne wahawénhase ne Joshua, “héren wahkhá꞉withe ne sharihwaneraháktshera tánon akweniáhse tentʼkónhion nahonshasháste.”
5Wahoró꞉ri ne ranhá꞉tshera né꞉ne iotkwéniens atenonhwarahnákstha sattsishewanonhwaró꞉rok ne Joshua. Káti thóh nahatí꞉iere, tánon ethò꞉ne ahkwéniahse shahonwasehronniáhte thóh náhe ne Roiá꞉ner raoronhiakeró꞉nonh thorahthákwe.
6Ethò꞉ne ne raronhiakeró꞉non wahohró꞉ri ne Joshua né꞉tho 7ne Roiá꞉ner Roshatstenhserowá꞉nen tsi ráhwen: “tóka enshatewenhnhárahkwe natianerénhsera tánon ne enshateriwahténtiahte ne kahioʼténhsera tsi nitkonhiá꞉wi, ethò꞉ne ki ienskóntahkwe nahshateriwatsté꞉riste Nahkenonhsatokenhtí꞉ke ó꞉ni nahotenáhthake, tánon enwahkatʼthónteke ne shaterennahienthátsheras, kwáh tsi ní꞉ioht tsi niwakatʼthónte ne ratironhiakeró꞉nonhs rahonahterennahienthátsheras ne akʼkhénton rón꞉nete. 8Shatahónshatat káti Joshua, i꞉se ne tsihenstowá꞉nen: ki shatahónshatat, i꞉se tánon ne sewahtenroshón꞉a ne kén꞉en skátke sehwenhtskó꞉ton, i꞉se ne tiónkwe ioiánere ne thé꞉nen iahisehwariwáhken: Enhihiathotáhsi nakhenhátshera, né꞉ne Onénhra ronwáhiats! 9Rahohénton ne Joshua skanénhia éntien né꞉ne tsá꞉ta nateiohiosohkéronte. É꞉tho entierón꞉nitste enkʼkhiáton, tánon tókok sewenhní꞉sera ahé꞉ren entkhá꞉withe ne karihwáneren ne kén꞉en iowenhtsá꞉te. 10Nó꞉nen enwáhwe né꞉tho enhní꞉sera, kwáh tsi sewahiatáttion enhiettsihónkaron ne tesehwanonhshanéken nahontahón꞉ne tánon nahontónnharen ne skén꞉non ó꞉ni ne ioriwahní꞉ron, ne tehiowá꞉nenh ne onénhare ó꞉ni ne wisonkó꞉wahs karontaʼshón꞉as.”
Currently Selected:
Zechariah 3: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
