Zechariah 13

1“Nó꞉nenh né꞉tho kawistáhets enwáhwe,” rá꞉ton ne Roiá꞉ner Roshatstenhserowá꞉nen, “ne ionehkotehón꞉we kwáh enkanonhthónkwenhke nahonshahonthonnahkanón꞉ni tsi nithonatwatsirí꞉nonh ne Táwit ne nónhne sáhka Jerusalemró꞉nons tsi nokwáh ne rahotiriwahneraháktshera ó꞉ni tsi nokwáh ne rahothihiatonhnishón꞉ʼa 2Ne nenhkahá꞉wike kwáh ahè꞉ren enhkhá꞉wite ne raothisenhnaʼshón꞉as ne kahiatón꞉nis ne tsi ionwenhtsá꞉te, tánon kwáh iáh ónhka tahonshahonwenhnehiá꞉rahke. Kwáh éhren enkhehiatenhá꞉wite nónhka ihénreh iakohtó꞉kenhse tánon éhren enkahawí꞉ton naskanéktsheras nahonsahkonwahthishén꞉naien ne kahiatón꞉nis. 3Thó꞉ka ónhka shé꞉kon iahiakohkontáhkwen iarihwawahkénhseke, kwáh ronhwaiénha enhowahró꞉ri ó꞉nenhk tsi enrénheie, tiorì꞉wa tsi tawenhthakwénhne tsi ratró꞉riskwe ne Roiá꞉ner raowenhnahó꞉kons, ók kek ranhowénhthakwe. Nó꞉nenh ienhariwáhken, kwáh ronhwahiénha enhonwáhase. 4Nó꞉nenh ne kawistáhets enwáhwe, iáh ónhka ne rotokénhse thataharenshá꞉ron ne rahoteʼtsénhsera tó꞉ka ó꞉ni thonahronnhoténhake tsi ní꞉ioht ne rotokénhse tó꞉ka ó꞉ni ne ahatʼtseronhniá꞉te ne iohnonhwérahre ne nahónton ashakonikonhráten nonhkweshón꞉ʼa. 5Kek, enhén꞉ron, ‘Iáh ní꞉ih tewaʼtó꞉kenhse. Tsiéntʼtos ní꞉ih—kwáh tsi nikónnhes tsi onhwenhtsá꞉te tsientʼtóstha.’ 6Tó꞉ka ónhka ahonwahriwahnón꞉tonhse, ‘Nahó꞉ten thí꞉ken sahtewí꞉rahre senskwénahke?’ tsi tenhariwaʼserá꞉ko, ‘Onhtsiaténroke nón꞉we tewakʼkharewáhton.’”

Tsi Watenhnhá꞉on Nahonwanonhwahrhià꞉kon Ne Rawenni꞉io Rahonkwè꞉ta Ranónhnhe

7Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa 8tánon kwáh tsi niionwénhtsia tehionkwè꞉tahke ne áhsen nihá꞉ti enhonhní꞉heie. 9Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Currently Selected:

Zechariah 13: MHK

Highlight

Copy

Want to have your highlights saved across all your devices? Sign up or sign in

Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.

The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).