Zechariah 12
12
Tsi Nienhénwe Enskonwahiatáko Ne Jerusalem
1Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton, 2“Kwáh ne enkonhiá꞉te ne Jerusalem tsi ní꞉ioht ne káksa akaneká꞉rahke notsí꞉tsa; nonhkweshón꞉ʼa ne tekonhwatiatháton enhatiní꞉rah tánon tenhothihiaténthonwe tsi ní꞉ioht ne iakoné꞉ka. Tánon nó꞉nenh tenhatinahthánahke ne Jerusalem, ne kanahtowá꞉nenhs ne kenhiotié꞉ton ne Judah kwáh nónhne tenhathinahthánahke. 3Ók nó꞉nenh ienkáhewe, kwáh ne enkonhiá꞉te ne Jerusalem tsi ní꞉ioht ne ionenhiáste—nakentiokó꞉ten ahonteniénten tahónhnekwe enhothikaré꞉wahte. Kwáh kanenrahkwé꞉kon ne tsi ionwenhtsá꞉te enʼthonténrohwe ne iakonhwatiaʼtón꞉ti. 4Ne nenhkahá꞉wihke kwáh enkheterónhkwen ne koshá꞉tens tánon ne enkonhniá꞉te ne rothishá꞉tens ne tahonhnonhwarahwénrie. Kwáh ne enkhehiatenhnikónhraren nonhkweshón꞉ʼa ne Judah nón꞉we, ók kwáh ne enkonhniá꞉te ne tehontátʼtions ne rahothitienenhó꞉kons ne koshá꞉tens tahathironhwéhke. 5Ethò꞉ne ne rohthitahrahiéntons ne Judah nón꞉we enhontahténhase, ‘Ne Roiá꞉ner Ní꞉io Roshatstenhserowá꞉nen teshakó꞉wis ne kaʼshatsténhsera ne rahonkweʼtahshón꞉ʼa tsi niká꞉ien ne Jerusalem nón꞉we nihatináhkere.’
6“Ne nenhkahá꞉wike kwáh enkhehiónnenh ne rothitahrahién꞉tons ne Judah nón꞉we tsi ní꞉ioht nahiothékhake karáhkon tó꞉ka ó꞉ni tsi ní꞉ioht ne onátsia ionoráhri kahentà꞉ke—kwáh akwé꞉kon enhonwanahthón꞉te nonhkweshón꞉ʼa ne ákta rahthinákere. Nonhkweshón꞉ʼa ne Jerusalem kwáh nenhné꞉e sak tenkénhake ne kanathakónhson.
7“Í꞉i ne Watiá꞉ner, entkahénte entekhéhion nathesenhnié꞉tshera ne Judah ahonkweʼtahshón꞉ʼa ronterí꞉ios, né꞉ne kakwenienstháhtshera tsi nithotʼwahtsirí꞉nonh ne Táwit ó꞉ni nonhkweshón꞉ʼa ne Jerusalem nón꞉we kwáh enhatihié꞉na iáh sénha tahkowanénhake tsi ní꞉ioht nakorénhsons ne Judah nón꞉we. 8Ne nenhkahá꞉wike ne Roiá꞉ner enteshá꞉kone tsi nihiá꞉kon ne Jerusalem nón꞉we nihienákere, shé꞉kon ne kwáh tiakotsihióha thóh nenhieshátstehke tsi nihiothónhne ne Táwit. Tsi nienhontwatsirí꞉ne ne Táwit rahowá꞉tsire enshakothihenténhse tsi ní꞉ioht ne Roiá꞉ner rahoronhiakeró꞉nonh, kwáh thóh nenhiothónhake tsi shí꞉ken ní꞉ioht ne kwáh raónha Ní꞉io akénhake. 9Ne nenhkahá꞉wike kwáh onhkweʼtahkwé꞉kon enkhehiathónte nenhontheniénten niakonwahtiaʼtón꞉ti ne Jerusalem.
10“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien. 11Ne nenhkahá꞉wike tsi nihiakotsionhniónkwen ne Jerusalem nón꞉we thóh nahtenhiotenonhianí꞉thonke tsi nihiakotsiónhnionkwe ne Hadad Rimmon thóh nón꞉we ne Megiddo kahentahkeʼkó꞉wa. 12-14Skawatsiráktion ne tsi ionwenhtsá꞉te tiehiatáktion tsi enhiontsiónnion: ne kahwá꞉tsire tsi nitiakokwatsirí꞉nonh ne Táwit nón꞉we, ne Nathan nón꞉we nitiakokwatsirí꞉nonh, ne Levi nón꞉we nitiakokwatsirí꞉nonh, ne Shimei nón꞉we nitiakokwatsirí꞉nonh, tánon notiakhésons kahwá꞉tsires. Skawatsiráktions tsi enhiontʼtiónnion, tánon ne ronhnón꞉kwe ne skawatsiráktions iáh ne tiatahontiéste ne konhnón꞉kwe tsi enhontiónhnion.
Currently Selected:
Zechariah 12: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Zechariah 12
12
Tsi Nienhénwe Enskonwahiatáko Ne Jerusalem
1Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton, 2“Kwáh ne enkonhiá꞉te ne Jerusalem tsi ní꞉ioht ne káksa akaneká꞉rahke notsí꞉tsa; nonhkweshón꞉ʼa ne tekonhwatiatháton enhatiní꞉rah tánon tenhothihiaténthonwe tsi ní꞉ioht ne iakoné꞉ka. Tánon nó꞉nenh tenhatinahthánahke ne Jerusalem, ne kanahtowá꞉nenhs ne kenhiotié꞉ton ne Judah kwáh nónhne tenhathinahthánahke. 3Ók nó꞉nenh ienkáhewe, kwáh ne enkonhiá꞉te ne Jerusalem tsi ní꞉ioht ne ionenhiáste—nakentiokó꞉ten ahonteniénten tahónhnekwe enhothikaré꞉wahte. Kwáh kanenrahkwé꞉kon ne tsi ionwenhtsá꞉te enʼthonténrohwe ne iakonhwatiaʼtón꞉ti. 4Ne nenhkahá꞉wihke kwáh enkheterónhkwen ne koshá꞉tens tánon ne enkonhniá꞉te ne rothishá꞉tens ne tahonhnonhwarahwénrie. Kwáh ne enkhehiatenhnikónhraren nonhkweshón꞉ʼa ne Judah nón꞉we, ók kwáh ne enkonhniá꞉te ne tehontátʼtions ne rahothitienenhó꞉kons ne koshá꞉tens tahathironhwéhke. 5Ethò꞉ne ne rohthitahrahiéntons ne Judah nón꞉we enhontahténhase, ‘Ne Roiá꞉ner Ní꞉io Roshatstenhserowá꞉nen teshakó꞉wis ne kaʼshatsténhsera ne rahonkweʼtahshón꞉ʼa tsi niká꞉ien ne Jerusalem nón꞉we nihatináhkere.’
6“Ne nenhkahá꞉wike kwáh enkhehiónnenh ne rothitahrahién꞉tons ne Judah nón꞉we tsi ní꞉ioht nahiothékhake karáhkon tó꞉ka ó꞉ni tsi ní꞉ioht ne onátsia ionoráhri kahentà꞉ke—kwáh akwé꞉kon enhonwanahthón꞉te nonhkweshón꞉ʼa ne ákta rahthinákere. Nonhkweshón꞉ʼa ne Jerusalem kwáh nenhné꞉e sak tenkénhake ne kanathakónhson.
7“Í꞉i ne Watiá꞉ner, entkahénte entekhéhion nathesenhnié꞉tshera ne Judah ahonkweʼtahshón꞉ʼa ronterí꞉ios, né꞉ne kakwenienstháhtshera tsi nithotʼwahtsirí꞉nonh ne Táwit ó꞉ni nonhkweshón꞉ʼa ne Jerusalem nón꞉we kwáh enhatihié꞉na iáh sénha tahkowanénhake tsi ní꞉ioht nakorénhsons ne Judah nón꞉we. 8Ne nenhkahá꞉wike ne Roiá꞉ner enteshá꞉kone tsi nihiá꞉kon ne Jerusalem nón꞉we nihienákere, shé꞉kon ne kwáh tiakotsihióha thóh nenhieshátstehke tsi nihiothónhne ne Táwit. Tsi nienhontwatsirí꞉ne ne Táwit rahowá꞉tsire enshakothihenténhse tsi ní꞉ioht ne Roiá꞉ner rahoronhiakeró꞉nonh, kwáh thóh nenhiothónhake tsi shí꞉ken ní꞉ioht ne kwáh raónha Ní꞉io akénhake. 9Ne nenhkahá꞉wike kwáh onhkweʼtahkwé꞉kon enkhehiathónte nenhontheniénten niakonwahtiaʼtón꞉ti ne Jerusalem.
10“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien. 11Ne nenhkahá꞉wike tsi nihiakotsionhniónkwen ne Jerusalem nón꞉we thóh nahtenhiotenonhianí꞉thonke tsi nihiakotsiónhnionkwe ne Hadad Rimmon thóh nón꞉we ne Megiddo kahentahkeʼkó꞉wa. 12-14Skawatsiráktion ne tsi ionwenhtsá꞉te tiehiatáktion tsi enhiontsiónnion: ne kahwá꞉tsire tsi nitiakokwatsirí꞉nonh ne Táwit nón꞉we, ne Nathan nón꞉we nitiakokwatsirí꞉nonh, ne Levi nón꞉we nitiakokwatsirí꞉nonh, ne Shimei nón꞉we nitiakokwatsirí꞉nonh, tánon notiakhésons kahwá꞉tsires. Skawatsiráktions tsi enhiontʼtiónnion, tánon ne ronhnón꞉kwe ne skawatsiráktions iáh ne tiatahontiéste ne konhnón꞉kwe tsi enhontiónhnion.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.