Zechariah 14
14
Jerusalem Tánon Nakaonhwentsiakwé꞉kon
1Nenhní꞉sera nó꞉nenh ne Roiá꞉ner enhátsien ne tahahiató꞉rete ákta í꞉wes. Ethò꞉ne ne Jerusalem kwáh enkonhwanenskwenhá꞉ton, tánon ne kanénhskwen kwáh tenkaiákhonke ne sahénton. 2Ne Roiá꞉ner akaonwenhtsiakwé꞉kon enteshakohiaʼténhawe nahonteriiosehrón꞉ni ne Jerusalem. Ne kanahtowá꞉nenh enkonwahsén꞉ni, ronwahthinonhskarhiáshion, tánon ne konhnón꞉kwe thitkonhwanahnonhthón꞉ni. Sahtekanenhrí꞉hen enhionhnahkerá꞉ko, ók ne ronáhtiaʼkes iáh ne tahonwahnatekwáhte tsi nahnatowá꞉nen. 3Ethò꞉ne ne Roiá꞉ner ienhahiá꞉kenhne tánon enhonterí꞉io nonhkweshón꞉ʼa, tsi ki ní꞉ioht tsi rohterí꞉io ne tiotohesthánion. 4Ne thóh nenhkahá꞉wike tsi ionónhte ne Olives nón꞉we natenhátahne, né꞉ne tsitkarahkwí꞉nekens nokwá꞉ti ne Jerusalem. Ethò꞉ne ne tsi iohnónhte ne Olives tenwahtó꞉ren tsitkarahkwí꞉nekens tsi nió꞉re ne tsi iaʼtewatséntos kowá꞉nenh ahonráhkwakon enwá꞉ton. Sahtehionnonhtí꞉en othorè꞉ke nienkaié꞉rahte nenhiotáhtere entiè꞉ne ne nienhkaié꞉rahte. 5Tsi ensheniá꞉kenhne iatensoʼhéste kí꞉ken ahonráhkwakon né꞉ne tékeni tsi ní꞉ioht tsi tehiotó꞉ren tsi iohnonhtáhere. Enshá꞉teko tsi nihotihié꞉ren ne sehsothonkonhkén꞉en nó꞉nen satsahontsí꞉sonkwe né꞉ne Uzziah shihononhtí꞉io ne Judah. Ne Roiá꞉ner á꞉ke Ní꞉io kwáh éntʼre, rathikwé꞉kon ne ratironhiakeró꞉nonhs enteshakohiaʼténhawe.
6Nó꞉nenh ienkáhewe, iáh ó꞉nenh tahonshontó꞉rahte keks nahonsahkenhserá꞉ien; 7Iáh ó꞉ni ne tetiò꞉karas. Kwáh tió꞉konhte tsi teioswatʼtheke, shé꞉kon noʼkarasné꞉ha nikahá꞉wi tenioswatʼtehke. Nó꞉nen kí꞉ken é꞉tho nenhiá꞉wenhne Roiá꞉ner khók nenhné꞉e roterièn꞉tare.
8Nó꞉nen énwahwe né꞉tho enhní꞉sera, ne kahnekí꞉io Jerusalem nón꞉we nénhtewe, ashén꞉non Dead Sea nienhénwe tánon nó꞉ia ashén꞉non Mediterranean ne nienhénwe. Kwáh oserahkwé꞉kon tsi enhionekótahke, nó꞉nen iokennátʼten ó꞉ni nó꞉nen ionahná꞉wenh. 9Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.
10Kwáh atenahthakwé꞉kon, tsi nió꞉re ne Geba né꞉ne othorè꞉ke ne Rimmon nieniawé꞉nonh ó꞉ni entiè꞉ne, kwáh enkahtahkwarí꞉shionke. Jerusalem ienhioniashakethótahke ne tsi ionwenhtsá꞉ien ne aktónties; ne kanatowá꞉nenh ienkanihá꞉rahne tsi nió꞉re ne Benjamin tiotenhenrénton tsi nió꞉re tsi iatekahiosáhien tiotenhenrénton, thóh nón꞉we nohén꞉ton tiotenhenrentónhakwe, tánon tsi nió꞉re tkanikáhthote ne Hananel né꞉ne thóh nón꞉we ne ronnonhtí꞉io nihanekonhniátha notsí꞉tsa. 11Thóh nón꞉we nonhkweshón꞉ʼa kwáh skén꞉nonh tsi enhatinákerehke, iáh ó꞉nenh tesohtì꞉terons nahonwanáhthonte.
12Ne Roiá꞉ner tehiotenonhianì꞉ton tehatenhrókwahte ne kannrahtariné꞉tsheras nonhkwè꞉ne nenhonteriiohserón꞉ni ne Jerusalem. Tsienhonnónhneke tsi enhothihiatátken; tsi rothikhá꞉ra ó꞉ni ne ronnáhhsahke enhiótʼken.
13Ne thóh nenhkahá꞉wike ne Roiá꞉ner kwáh í꞉ken tsi tenshakonithonniáten tánon enshakoterónkwen kwáh niatehionkwè꞉take tsi tenhiakorihwahráhseron ó꞉ni enhonterihioháton. 14Iekaníhare ne Judah iekonhwatiaʼtón꞉ti ne Jerusalem. Tánon nahkotsokowahtié꞉ras nonhkweshón꞉ʼa naktatsésons káti enkaró꞉ron, ne nowistanó꞉ron, kawistará꞉ken, ó꞉ni kwáh iawehtowá꞉nen natsherón꞉nia.
15Kahnratarinhetserowá꞉nen ó꞉ni enhiotinhratá꞉rine ne koshá꞉tens, tewahòn꞉tes, iotiniakwáhere, ó꞉ni ne kenséhris—konhtikwé꞉kon ne kaʼtshé꞉nens tsi konhtì꞉terons ne tehontátswenhs.
16Ethò꞉ne ne iatehonahthatén꞉ron nonhkweshón꞉ʼa ne iekonhwatsiathóntion ne Jerusalem kwáh iatehiosehráhke thóh ienhonhnéthake nahonwahshén꞉naien ne Roiá꞉ner Roshatstenhserowá꞉nen tsi ronhnontí꞉io í꞉ken tánon nahonteʼnikonhró꞉ri tahontenonhwerá꞉ton ne tsi rahthiterón꞉tons. 17Ne niateiakahontiákes ne iáh thahontʼthontátʼthe ne thóh iáhien nahonwashenhnaiénhna ne Roiá꞉ner Roshatstenhserowá꞉nen tsi ronhnonhtí꞉io í꞉ken, iáh ki tahonsahhiokén꞉nore ne rahononhontsá꞉ke. 18Ne Egyptró꞉nons ne iáh tahonthónthate nahonteʼnikonhró꞉ri tahontenónhweron ne tsi rahthiʼterón꞉tons, ethò꞉ne ki kwáh ne sahkánhrah tenhothikwáhte ne Roiá꞉ner ienshakothénieten tsi nihá꞉ti ne iáh tehonatʼthontháton iahonéhnonh. 19Ne kí꞉ken ne karewahthátshera enkahié꞉na ne Egypt ó꞉ni nonhwenhtsiakwé꞉kon tó꞉ka iáh tahonteʼnikonhró꞉ri ó꞉ni tahontenonhwerá꞉ton tsi rathiʼterón꞉tons.
20Ne thóh nenhkahá꞉wike iekaní꞉hare ne ionatwistahnihióntons ne koshá꞉tens enkahiá꞉tonke kí꞉ken owenhnaʼshón꞉as “Rohiatatokénhti ne Roiá꞉ner” Tánon ne katsahsónhas thóh nenhiotokenhtí꞉ke tsi ki ní꞉ioht ne katsahsónhas ne kahkérons ohén꞉ton ne ietsienharáhkwa. 21Tánon kwáh ne iatekatsáhkes ne Jerusalem ó꞉ni ne Judah kwáh káti enhiotokenhtí꞉ke rahohén꞉ton ne Roiá꞉ner Roshatstenhserowá꞉nen. Nonhkweshón꞉ʼa ne iétats ne karihwiiosehiohonkón꞉as ne enhiónste tsi tehienekónhtiesthe noʼwá꞉ron. Nó꞉nen ienʼkáhewe, iáh ó꞉nenh tahonsahenteróntahke ne ratenhní꞉nonhs ne Rahononhsahtokenhtí꞉ke ne Roiá꞉ner Roshatstenhserowá꞉nen.
Currently Selected:
Zechariah 14: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Zechariah 14
14
Jerusalem Tánon Nakaonhwentsiakwé꞉kon
1Nenhní꞉sera nó꞉nenh ne Roiá꞉ner enhátsien ne tahahiató꞉rete ákta í꞉wes. Ethò꞉ne ne Jerusalem kwáh enkonhwanenskwenhá꞉ton, tánon ne kanénhskwen kwáh tenkaiákhonke ne sahénton. 2Ne Roiá꞉ner akaonwenhtsiakwé꞉kon enteshakohiaʼténhawe nahonteriiosehrón꞉ni ne Jerusalem. Ne kanahtowá꞉nenh enkonwahsén꞉ni, ronwahthinonhskarhiáshion, tánon ne konhnón꞉kwe thitkonhwanahnonhthón꞉ni. Sahtekanenhrí꞉hen enhionhnahkerá꞉ko, ók ne ronáhtiaʼkes iáh ne tahonwahnatekwáhte tsi nahnatowá꞉nen. 3Ethò꞉ne ne Roiá꞉ner ienhahiá꞉kenhne tánon enhonterí꞉io nonhkweshón꞉ʼa, tsi ki ní꞉ioht tsi rohterí꞉io ne tiotohesthánion. 4Ne thóh nenhkahá꞉wike tsi ionónhte ne Olives nón꞉we natenhátahne, né꞉ne tsitkarahkwí꞉nekens nokwá꞉ti ne Jerusalem. Ethò꞉ne ne tsi iohnónhte ne Olives tenwahtó꞉ren tsitkarahkwí꞉nekens tsi nió꞉re ne tsi iaʼtewatséntos kowá꞉nenh ahonráhkwakon enwá꞉ton. Sahtehionnonhtí꞉en othorè꞉ke nienkaié꞉rahte nenhiotáhtere entiè꞉ne ne nienhkaié꞉rahte. 5Tsi ensheniá꞉kenhne iatensoʼhéste kí꞉ken ahonráhkwakon né꞉ne tékeni tsi ní꞉ioht tsi tehiotó꞉ren tsi iohnonhtáhere. Enshá꞉teko tsi nihotihié꞉ren ne sehsothonkonhkén꞉en nó꞉nen satsahontsí꞉sonkwe né꞉ne Uzziah shihononhtí꞉io ne Judah. Ne Roiá꞉ner á꞉ke Ní꞉io kwáh éntʼre, rathikwé꞉kon ne ratironhiakeró꞉nonhs enteshakohiaʼténhawe.
6Nó꞉nenh ienkáhewe, iáh ó꞉nenh tahonshontó꞉rahte keks nahonsahkenhserá꞉ien; 7Iáh ó꞉ni ne tetiò꞉karas. Kwáh tió꞉konhte tsi teioswatʼtheke, shé꞉kon noʼkarasné꞉ha nikahá꞉wi tenioswatʼtehke. Nó꞉nen kí꞉ken é꞉tho nenhiá꞉wenhne Roiá꞉ner khók nenhné꞉e roterièn꞉tare.
8Nó꞉nen énwahwe né꞉tho enhní꞉sera, ne kahnekí꞉io Jerusalem nón꞉we nénhtewe, ashén꞉non Dead Sea nienhénwe tánon nó꞉ia ashén꞉non Mediterranean ne nienhénwe. Kwáh oserahkwé꞉kon tsi enhionekótahke, nó꞉nen iokennátʼten ó꞉ni nó꞉nen ionahná꞉wenh. 9Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.
10Kwáh atenahthakwé꞉kon, tsi nió꞉re ne Geba né꞉ne othorè꞉ke ne Rimmon nieniawé꞉nonh ó꞉ni entiè꞉ne, kwáh enkahtahkwarí꞉shionke. Jerusalem ienhioniashakethótahke ne tsi ionwenhtsá꞉ien ne aktónties; ne kanatowá꞉nenh ienkanihá꞉rahne tsi nió꞉re ne Benjamin tiotenhenrénton tsi nió꞉re tsi iatekahiosáhien tiotenhenrénton, thóh nón꞉we nohén꞉ton tiotenhenrentónhakwe, tánon tsi nió꞉re tkanikáhthote ne Hananel né꞉ne thóh nón꞉we ne ronnonhtí꞉io nihanekonhniátha notsí꞉tsa. 11Thóh nón꞉we nonhkweshón꞉ʼa kwáh skén꞉nonh tsi enhatinákerehke, iáh ó꞉nenh tesohtì꞉terons nahonwanáhthonte.
12Ne Roiá꞉ner tehiotenonhianì꞉ton tehatenhrókwahte ne kannrahtariné꞉tsheras nonhkwè꞉ne nenhonteriiohserón꞉ni ne Jerusalem. Tsienhonnónhneke tsi enhothihiatátken; tsi rothikhá꞉ra ó꞉ni ne ronnáhhsahke enhiótʼken.
13Ne thóh nenhkahá꞉wike ne Roiá꞉ner kwáh í꞉ken tsi tenshakonithonniáten tánon enshakoterónkwen kwáh niatehionkwè꞉take tsi tenhiakorihwahráhseron ó꞉ni enhonterihioháton. 14Iekaníhare ne Judah iekonhwatiaʼtón꞉ti ne Jerusalem. Tánon nahkotsokowahtié꞉ras nonhkweshón꞉ʼa naktatsésons káti enkaró꞉ron, ne nowistanó꞉ron, kawistará꞉ken, ó꞉ni kwáh iawehtowá꞉nen natsherón꞉nia.
15Kahnratarinhetserowá꞉nen ó꞉ni enhiotinhratá꞉rine ne koshá꞉tens, tewahòn꞉tes, iotiniakwáhere, ó꞉ni ne kenséhris—konhtikwé꞉kon ne kaʼtshé꞉nens tsi konhtì꞉terons ne tehontátswenhs.
16Ethò꞉ne ne iatehonahthatén꞉ron nonhkweshón꞉ʼa ne iekonhwatsiathóntion ne Jerusalem kwáh iatehiosehráhke thóh ienhonhnéthake nahonwahshén꞉naien ne Roiá꞉ner Roshatstenhserowá꞉nen tsi ronhnontí꞉io í꞉ken tánon nahonteʼnikonhró꞉ri tahontenonhwerá꞉ton ne tsi rahthiterón꞉tons. 17Ne niateiakahontiákes ne iáh thahontʼthontátʼthe ne thóh iáhien nahonwashenhnaiénhna ne Roiá꞉ner Roshatstenhserowá꞉nen tsi ronhnonhtí꞉io í꞉ken, iáh ki tahonsahhiokén꞉nore ne rahononhontsá꞉ke. 18Ne Egyptró꞉nons ne iáh tahonthónthate nahonteʼnikonhró꞉ri tahontenónhweron ne tsi rahthiʼterón꞉tons, ethò꞉ne ki kwáh ne sahkánhrah tenhothikwáhte ne Roiá꞉ner ienshakothénieten tsi nihá꞉ti ne iáh tehonatʼthontháton iahonéhnonh. 19Ne kí꞉ken ne karewahthátshera enkahié꞉na ne Egypt ó꞉ni nonhwenhtsiakwé꞉kon tó꞉ka iáh tahonteʼnikonhró꞉ri ó꞉ni tahontenonhwerá꞉ton tsi rathiʼterón꞉tons.
20Ne thóh nenhkahá꞉wike iekaní꞉hare ne ionatwistahnihióntons ne koshá꞉tens enkahiá꞉tonke kí꞉ken owenhnaʼshón꞉as “Rohiatatokénhti ne Roiá꞉ner” Tánon ne katsahsónhas thóh nenhiotokenhtí꞉ke tsi ki ní꞉ioht ne katsahsónhas ne kahkérons ohén꞉ton ne ietsienharáhkwa. 21Tánon kwáh ne iatekatsáhkes ne Jerusalem ó꞉ni ne Judah kwáh káti enhiotokenhtí꞉ke rahohén꞉ton ne Roiá꞉ner Roshatstenhserowá꞉nen. Nonhkweshón꞉ʼa ne iétats ne karihwiiosehiohonkón꞉as ne enhiónste tsi tehienekónhtiesthe noʼwá꞉ron. Nó꞉nen ienʼkáhewe, iáh ó꞉nenh tahonsahenteróntahke ne ratenhní꞉nonhs ne Rahononhsahtokenhtí꞉ke ne Roiá꞉ner Roshatstenhserowá꞉nen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.