Numbers Kanontonkwáh꞉tha
Kanontonkwáh꞉tha
Ne kahiatonsera ne Iahonwentsathenhake watkaratʼrorios ne Israerʼró꞉nons tsi nikariwas ne kak nonhwe ne kaieri-niwásen niioserakewe tsi nahe here roneton tsi iononte ne Sinai tsi nióre iahonnewe ne tsikʼksarakwinekens tkaristatatse ne tsi iohontsáien netho Rawenni:io sakoraratstenhni enshakawen. Nahosenhna ne kahiatónhsera ne wakrorhiatha ne kaiatakweniio okara. Netho tsi, nihonwanasehton tsi niiot ne Mahís tsi iesakohiatenha Israerʼró꞉nons tsi tionónhte ne Sinai nohenton ne ehren shahonhnete, tanon oni shekon ne Moab nonhwe, tsikʼkarakwinekens nokwati ne Jordan, kak nonhne enskat ateresera nióre onakenke. Tsi niioriwatoken tsi natetsetere ne teioriwake ronwatisenhnaronhnion ne Israerʼró꞉nons tsi ne onenon ne thóh nonhwe Kadesh Barnea thononwe nentiene nokwati tsi tkaristatatse ne Canaan, ok wahotiriwanoron niahonatawehiston ne warahratston ohontsa neh thoʼnonhwe. Ne nonen thoka niioserake ehtho nonhwe nihonhneskwe tsi iokwenrare. thoʼnionsahonhne tsi iokwenrare ne Jordan kaniataratatse, thoʼnonhwe tokara nihati nonhkwesonhas wahontenataien tanon thoʼnonhwe ne ronatsakes wahontateweienenhtane tahatiniatarihiake ne niahónhne Canaan.
Ne kahiatónhsera ne Iahonwentsathenhake tsi ratisenhnaronhnion nonhkweshonha rononha ne sewatseren ronikonrotʼtha tanon ratitsanis nahonenhtorase, tanon wahonwariwakwase ne Rawenniio tanon ne Mahís, ne ne rawenniio rahonkwéta rahonha ronwahiatarakwen nasakohentenhse. Ne ne kakararaston ne Rawenniio roriwatoken iehonkontakwen sakonikonrare rahonkwetashonhas iawerohatsen tsi iah tenen tehatistas tanon iah tehontewenhnarakwa, oni ne Mahís roteriwatokenston. Sewatseren iah tateiostʼteriha, kanoronkwatserakon tetsaron ne Rawenniio oni ne rahonkwetashonhas.
Tsi Nikahentenhstánion
Nisraeronons wahontateweienenhtane ne ehren ahonhnete tsi ionónhte Sinai (1.1—9.23)
a. Ne tiotserenton kasennaroron (1.1—4.49)
b. Niatekaianereserake oni tsi nikaianerenserotens (5.1—8.26)
c. Ne tekenihaton eneken watohestakwen (9.1-23)
Tsi nitkahas tsi Iononte Sinai tsi nióre ne Moab (10.1—21.35)
Tsi niioteriwatseren ne Moab (22.1—32.42)
Tsi nieioteson tsi nihontahine tsi nitonenon ne Egypt tsi nióre ne Moab (33.1-49)
Tsi nikarihoten nohenton taiehiahiake ne Jordan (33.50—36.13)
Currently Selected:
Numbers Kanontonkwáh꞉tha: MHK
Highlight
Copy
Compare
Share
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.