Numbers 12
12
Ne Miriam Ontʼrèwathe
1Ne Mahís né rotaʼteniakʼtenhníhne ne Cushite nakahiató꞉tenhne, tánon ne Miriam ó꞉ni ne Aaron wahonwarihwákwaʼse. 2Waʼnhíron, “Né Roiá꞉ner Mahís khók kén nónhwe nihatátis?” Ne Roiá꞉ner wahothóntene tsi nahó꞉ten wanhíron. ( 3Ne Mahís kwáh íken tsi tiókonhte ronitenhthonháties, sénha rahónha roʼnitenhtónhakwe tsi ní꞉ioht nónhkak akóren ne tsi hiohontsáte.)
4Thontaiawénhstsi ne Roiá꞉ner wahawénhase ne Mahís, ne Aaron tánon ne Miriam, “Tewakatonhontsóni kíʼ áhsen nítsion natohsehrákon nahonhtésehwe tsi nónhwe nikíteron.” Thóh wahónhnheʼte, 5tánon ne Roiá꞉ner thóh taháts꞉nenhte tsi iotsikero꞉te, thóh wathá꞉tahne tsi iehionhtawehiatáhkwah natóhsehra, tánon iashaʼkonáhton, “Aaron! Miriam!” né tenihiáse ohénton nonhtáne, 6tánon ne Roiá꞉ner wahénron, “Ónen tsathahónshaʼtat tsi nahó꞉ten enkíron! Nónen ne rotitokénhse skát꞉ke ísehwes, tsi khehiatotashiénhnis ateʼtshenhserákon tánon rahonatetshenhserákons tsi khetaránis. 7Iáh né ètho tetiéra tsi nó꞉kwah nakenátshera Mahís; rahónʼa riʼríhonte nashaʼkotenhnikónhraren nakonhkwetaʼshón꞉ʼas NʼIsraerʼró꞉nons. 8Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”
9Ne Roiá꞉ner sakonakwahsène; tánon káti tsi èhren sárehte 10tánon notsíkera èhren sáwehte ne tsi watóhsehrote, ne Miriam ne tsi ioné꞉ware thonhtaiawénhstsi wahostaʼrónhnionhne tánon thóh nakaráhkenʼne tsi ní꞉ioht nóniete. Nó꞉nen ne Aaron sahaʼkenhʼénhion tánon wahatkátho thiʼtsioróhron iotsʼtháwis, 11wahawénhase ne Mahís, “Asatʼthontáʼtsheʼke, sénʼshion, tóhsa thaʼtsiónhnien nahiakwahronhiáken kí꞉ken karewatá꞉tshera né akarihónhni tsi natehiotenonhwaroʼríhtonte nonhkwahrihwaneraháktshera. 12Tó꞉sa sehríhon nàrokʼtehiakawenhnakeráton nowirá꞉ʼa, sók iakohiatakʼsénhʼen tsi wahonhnákerate.”
13Sók kíʼ ne Mahís hiataʼséntʼtho rahonháke ne Roiá꞉ner, “O Sewenní꞉io, séhtsent!”
14Ne Roiá꞉ner Watharihwasehráko, “Tó꞉ka ne roʼníha kanonsháke iahotiʼtskerónhtionke, ónenk kíʼ tsi tsáta nónhta nikaríhwes enwatʼtháwa nahotehénhsehra. Káti áhtste iekonhwahiatónti tsahiáksehra nikaríhwes, tánon kíʼ ethóne enwáthon ne tahontakonhwahiatínionhte.” 15Ne Miriam áhtste tkonhwahiatinekénʼen ne tsi watenátaien né꞉ne tsáta nónhta nikaríhwes, tánon nonhkweshón꞉ʼas iáh kíʼ thaʼteshonahnatáh꞉kwenh tsi nióre thonthakonʼwahiatínionhte. 16Ethóne kíʼ ónenh èhren sahónhnete ne Hazerothke tánon karahkonhkówa ionhsahonthahosehróhten ne Paran nónhwe.
Currently Selected:
Numbers 12: MHK
Highlight
Copy
Compare
Share
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
