Sák 3
3
Nawennáson
1Tewatenrosónhas, iáh shótsi tatehiothonwentióʼon nahisewentiokowánenke nahietsirihonnienníseke. Tsi nisewateriéntare, í꞉i né iethirihonniénnis sénha enhioníronke tsi tenhionkiʼiatórete tsi ní꞉ioht ne ronatiakhésons. 2Kwá tewakwékon iotkáte tentewaterientawénrie. Nók tóh꞉ka ne ónkak iáh nonwénton tatehoterientawénrie tsi nahóten ahawénke, kwá kíʼ tronkwetaiéri ó꞉ni kwá rokwénion nahontahaniarótarohke ne rahiatakwékon. 3Entewaristhanónta ne akosátens né꞉ne ahionkwawénʼnarakwe, tánon entewakwéni né꞉ne thóh nónwe niáwe tsi nónwe ahìtewere. 4Tóhkaʼ ó꞉ni né sanonthónnionf ne kahonwehiakówa; tsi nikahonhiowánen tánon né꞉ne kwá kawerasátste ne iorehátie, enwáthon ne kwa kén nitewáha nakawe ne entsioniarótaroke, tánon thóh nón꞉we nienhénwe tsi nónwe nienháhawe ne thoniarótaron. 5Éhʼtho káti nòn꞉ne ní꞉ioht nawenʼnáson; kénk níwa, enkakwéni thehiotenonʼhia꞉níton tsi nihioríwa tenkarénsaron.
Nek sanonthónnionf thonakáh꞉raske iothónʼon né꞉ne akatsirótake ne kénk nikentónkwa. 6Tánon kíʼ nawenʼnáson kwá né꞉ne ótsire. Kwá ohontsiakwékon tsi iáh tetkaiéri, thóh nón nihiotienawáston nonkwaiéronke tánon ne tehioreniáton ne wahétken ne tewahiatakwékon. Kwá enhiotsirótake tsi nikaríwes entiónnheke, nótsire kwá onèson nón nitewétha tsi hioʼtsiénnis. 7Kí tsiónkwe hionkwakwénion ne kwá tsít niatekariótake naietʼthirihónnien—konthírios ó꞉ni notsiténhas, óniares ó꞉ni ne kéntsionk. 8Nók iáh kíʼ nonwénton ónhka teiakokwénion nakonwarihonniénni nawen꞉náson. Kwa kariwáksen ó꞉ni iáh tahónton nahontakonwaniarótaroke, thitʼkáhere kanonkwatseráksen ne iakoriótha. 9Ne tewástha ne tatsitewanonwehráton ne Sonkwaiáner ó꞉ni ne Kanísera tánon ó꞉ni naietʼthikenrenserónni nakorénson, tsi nikáien né꞉ne tetʼthonwanathenenténston ne Rawenni꞉io tsi ronwathihiathíson. 10Nowennasónhas ne kanonwerathóntsera ó꞉ni ne kakenronnia꞉tseras kwá ne sahothihá-a tsi nónwe tkhonʼthiʼiákens ne tsi iesakáronte. Tewahtenrosónhas, tóhsa éhʼtho niʼiáwen! 11Né ionekothéhonwe nohnèkanos iáh ne thetewahwérons ne tahiotsikhétarake tóh꞉ka ó꞉ni tahionekahiohtsistá꞉rake tsi skát꞉ke nenk kòn꞉ne. 12Tsi kèrite ne tsio꞉nionwarontonhakówa, tewatenrosónhas, iáh tahónthon nahonhiani꞉iónten ne iohtheiéna káhik; ne watenenharíseres iáh tahónton ne ohíkta iahónton, thóh kíʼ nòn꞉ne ní꞉ioht ne tehionekahiótsis iáh tahónton ne tahionekatsikʼkhétara꞉ne.
Ne Kanikonraienthátsera Karonhiáke Nón Nitewétha.
13Ónhka kén tsi nítion naihsewatʼthókake ó꞉ni ahisewanikonraientáseke? Né seriwanírat tsi niʼioiánere tsi nishón꞉ne, tsi nikahiotenserí꞉io sahiotén꞉en né tsi nithisariwaiéri ó꞉ni sanikonraientáskon. 14Nók tóhka ne seriá꞉ne ne iónnis nasatekéf꞉fa, asonkwetaʼtsénhake, ó꞉ni satétʼtsen, tóhsa ne seriwanérat né tkariwaiéri tsi natasathaterénsaron ne satʼthokhátsera. 15Né niwanonthonniontseróten iáh ne karonhiáke non tethewétha; né꞉ne tsi ionwentsiáte ahówenk, iáh tehioriwiʼiosthontseráien nók kíʼ hionesonronnontseráien. 16Kanónwe ne kanhosátsera tánon naskeʼnátsera, tánon ó꞉ni iáh thènen tehioʼianerenseráien kwá káti tsík nahoténson tsiewahétken. 17Nók ne karonhiáke nitiawénon ne kanikonraienthátsera kwa né aóskon íken; tánon ó꞉ni sakthíken, tioriwaiéri, ó꞉ni wateroserí꞉io; kwá thitʼkáhere nataniténron ó꞉ni ne kaientwákwas ne kahiotenseríʼios; iáh ó꞉ni tehiotkenronniáskon iáh ó꞉ni kaierónsera tèken. 18Tánon ne tkariwaiéri né kaientʼtkwáʼkwas tsi nihothiiénhthoserons ne rathinónwes ne skén꞉nen.
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.