Hosea 3
3
Sénha í꞉si nón꞉we Nikarihwaní꞉rats Ne Rawenni꞉io Tsi Tsakoiatákwas Ne Raonoronhkwáhtshera
1Ne Roiá꞉ner shé꞉kon sahakénhase, “Wás, iashenó꞉ronht tiontonwí꞉sen nahónha ó꞉nen ioskaraien tánon kí watenakwahiesátha, kwáh thóh ní꞉ioht tsi senóront tsi kí nisakonorónhkwa ne Roiá꞉ner nonkweshón꞉as Nisraeró꞉nonke, iawerohátien tsi thóh nokwáh niehoné꞉non ne tikaniioserá꞉tes tánon roné꞉kas ne tkanenhára watenatáronhte.” 2Káti watsata꞉ní꞉non wísk iawén꞉re nikahwístake kawistará꞉kens tánon tsáta nikawinotserá꞉ke tehiotikonstónhres. 3Tánon waʼkénhase, “Ní꞉se ó꞉nenk tsi thenthenihiaséhake ne kwáh wé꞉so wenhniserá꞉ke; iáh ó꞉nen tahonshasatenakwahiesáte, iáh ó꞉nen tahonsheseninawine ne rónhkwe, iáh ó꞉ni ní꞉i.” 4Asè꞉ken nʼIsraerʼró꞉nons wé꞉so wenhniserá꞉ke iáh tahonsaotinontiiotsheraiéntake iáh ó꞉ni ne sakotihenthénse, iáh ó꞉ni thahonsahontsienkwahronhniá꞉take iáh ó꞉ni tahonsahonón꞉ni ne iotokénhtis kanawahátas, ne iáh káneka tahonhnésehke ne ephod khés ne teraphim. 5Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.