Hosea 14
14
Ahionhnithénten Tsi Tiontateriwastáni
1Tonhtásehwe, O Israel, rahonhà꞉ke ne Roiá꞉ner Sewaní꞉io,
asè꞉ken tesewarakwénhtaras ne karihón꞉nis sehwarihwaneraháktshera.
2Iasewáhaf nowén꞉nas
tánon rahonhà꞉ke ne Roiá꞉ner nionshá꞉sewe;
tsi sewénhas,
“Akwé꞉kon é꞉ren sáwit ne kanhí꞉tshera;
ne tséna nahó꞉then ne ioiánere,
tánon kwáh kí ienhiakwáhthate
tsi nitsakwahtateriwastá꞉ni.
3Ne Assyria iáh ne nonwénhton tahkakwé꞉ni nahionkwanónsthate;
kwáh iáh nonhwén꞉ton tahionkwsáhthen ne koshá꞉tens;
kwáh iáh í꞉si nón꞉we tahonsahiakwénhron, ‘Ónhkwah Ní꞉io,’
tsi nihionkwahiò꞉thens ne iakwahtsánakes.
Shonhà꞉ke ne tehontonhnakárias ratitsénhries ne kenténhron.”
Karihwaní꞉rats Tsi Tiontatenikonhrénhse
4Kwáh ensehkhetsénthe tsi níhia tehotirihwató꞉ken;
Kwáh iáh othé꞉nen thatakeninerénhke tsi enkhenorónhkwe,
asè꞉ken nakenakwáhtshera tetsiotʼton ne rononhà꞉ke.
5Kwáh thóh nenhtiatothénhake kwáh né꞉ne iohawé꞉ien ahonhà꞉ke ne Israel;
kwáh thenhatsitsanékare tsi ní꞉ioht ne katsitsará꞉kens,
kwáh enhioteréshonkes tsi ní꞉ioht tsi ioronhtó꞉tons ne Lebanon nón꞉we.
6Ne tehorenháron kwáh kí tenhwaré꞉ni;
tsi nihatkatotserí꞉io kwáh né꞉ne iakeniewáhtha karón꞉ta,
tánon tsi nirenhserá꞉kon kwáh né꞉ne Lebanon.
7Kwáh shé꞉kon thóh nón꞉we nenhonhnónheke ná꞉kon ne tsi wakatasátare,
kwáh enhotihianerásthen tsi ní꞉ioht ne kahetáien;
kwáh enhotitsitióntake tsi ní꞉ioht ne watenenharíseres,
tsi nihonhnonserá꞉kon kwáh né꞉ne onenharákeri ne Lebanon.
8O Ephraim, onhnahó꞉ten á꞉kaste ne kahiatonhnishón꞉as?
Í꞉i seh ne tekonrihwasehrakwén꞉nis tánon konhnikónrare.
Thóh nitiató꞉then kwáh né꞉ne óhonte nikaronhtóthen cypress nón꞉we niwatonhniá꞉tha;
ne sarihwatokentí꞉tshera i꞉i nonwe nitewetha.
9Tsi nihiá꞉kon ne iontenikonraʼthókha iakonikonraiéntas kí nahorihothénsons;
tsi nihiá꞉kon ne ieierihwákens iakoteriènhtare.
Asè꞉ken ne raoweiénhnas ne Roiá꞉ner tkariwaié꞉ri í꞉ken,
tánon ne tionkweʼtaié꞉ri thóh nón꞉we nihiakothaí꞉take,
ók ne rotiriwanerahátskon né꞉ne tonasitsiátstha.
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.