Esther 10
10
Tsi Niʼnihsennowá꞉nen Ne Xerxes Tánon Mordecai
1Ronontí꞉io Xerxes thontahshakonónhtonse nón꞉kwe ne raonakerahserá꞉kon nahotiió꞉ten tsi nihá꞉ti kaniaʼtarákta ratí꞉teron ók ó꞉ni ne kanatakweʼniió꞉ke. 2Akwé꞉kon tsi nihotieránion tsi nahò꞉ten roioʼtén꞉ʼen iorihowá꞉nenʼs tánon niaʼté꞉kon iohnerakwahténion, ók ó꞉ni tsi nikakarò꞉ten tsi ní꞉ioht tsi wahorihón꞉ten tánon wahosennakará꞉taʼte ne Mordecai, akwé꞉kon iotʼhià꞉ton ronontiióhshon raotihiatonhseraʼshón꞉ʼa ne Persia tánon Media. 3Kí꞉ken Sitaeró꞉non Mordecai tekeníhaton é꞉neken rotirihón꞉tahkwe; Ronontí꞉io Xerxes khok sénha é꞉neken roterihón꞉tahkwe. Ronwakweniénhsthahkwe ne Mordecai tánon akwé꞉kon nihonwanón꞉weʼskwe ne ronatiaʼkéhshon Sitaeró꞉non. Wahoióʼten ne ioiánere raotirihwà꞉ke ne raonkweʼtaʼshón꞉ʼa tánon skén꞉nen ahonnonhtonniónhake ne takahwatsiratátie.
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.