Leeweta 17
17
Suuthu Moonna Mela Digetis
1Goday Museko haysada yaagis; 2“Aaronas iya adde naytasinne Isra7eele asa ubbaas haysada yaagada oda; Goday kiittidaysi haysa; 3Isra7eele asaape oonika boori woyko maraze woyko kole gutan woyko gutaape gaxan shukidi, 4Godaas imota oothidi immanaw Geeshsha Dunkaaniya penge Godaa sinthe ehonna ixiko, I he suuthan oyshetees. He uray suuthu gussida gisho ba asaa giddofe kuretto. 5Hessa gisho, Isra7eele asay yarsho mehe coo denban shukeysa aggidi, Godaa sinthan Geeshsha Dunkaaniya pengen de7iya kahiniyako eho. Kahiney hessa ekidi, Godaas issifetetha yarsho oothidi shuko. 6Kahiney Geeshsha Dunkaaniya pengen de7iya yarsho bessa bolla he suuthaa wurxo. Modhdhuwa Godaas sawo tonku giya yarsho oothidi xuuggo. 7Isra7eele asay Godaa aggidi kaallida tuna ayyaanatas zaaridi banta yarshuwa yarshofo. Hessi entawunne yaana yeletethaa ubbaas merinaa woga gido.
8“Entako haysada yaaga; Isra7eele asaape gidin woyko enta giddon de7iya allaga biitta asape gidin, oonika xuussa yarsho woyko hara yarsho shiishiya wode, 9Godaas yarshanaw Geeshsha Dunkaaniya penge ehonna ixiko, he uray ba asaa giddofe kuretto.
10“Isra7eele asaape woyko enta giddon de7iya allaga biitta asaape oonika suuthu miiko, he suuthaa miya uraa bolla ta zoko zaarana; taani he uraa asaa giddofe kurana. 11Ayis giiko asho ma7ida ubbaa de7oy iya suuthaa giddon de7ees; suuthi de7oy iya giddon de7iya gisho nagara atto giisees. Hinte nagara atotethas suuthu yarshana mela hintew immas. 12Taani Isra7eele asaako, hintefe woyko hinte giddon de7iya allaga biitta asaape oonika suuthu moopo yaagiday hessa gishosa.
13“Isra7eele asaape woyko enta giddon de7iya allaga biitta asaape oonika meetetiya do7a woyko kafo shankatidi wodhiko, iya suuthaa sa7an gussidi biitta kammo. 14Ayis giiko asho ma7ida ubbaa de7oy iya suutha giddona. Asho ma7ida medhetethata ubbaa de7oy iya suutha giddon de7iya gisho, suuthu moopite; qassi miya oonika ba asaa giddofe kuretto yaagada Isra7eele asaas odas.
15“Isra7eele asaa gidin woyko enta giddon de7iya allaga biitta asaa gidin, oonika bawuta woyko do7i wodhidaba miiko, ba ma7uwa meecco; ba asatethaa meeceto; yaatidi omarsi gakanaw tuna gidees. Hessafe guye, I geeshshi gidana. 16Ba ma7uwa meecconna ixiko, ba asatethaa meecetonna aggiko, I ba nagaraa baw tookees.”
Currently Selected:
Leeweta 17: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
