Kessa 40
40
Geeshsha Dunkaane Tokethi
1Goday Museko haysada yaagis; 2“Koyro ageenan, koyro gallasan, Geeshsha Dunkaaniya toka. 3Tammu kiitata oykida Caaqo Taabotiya iya giddon wothada, iya sinthan magarajuwa kaqa. 4Xarpheezaa gaathi gelsada, koshshiya miisheta ubbaa iya bolla wotha. Xompe wothiya kocaa gelsada iya bolla xompeta wotha. 5Ixaane cuyisiya worqa xarpheezaa Caaqo Taabotiya sinthan wotha. Geeshsha Dunkaaniya penge magarajuwa kaqa. 6Xuugetiya yarsho bessi Geeshsha Dunkaaniya sinthan wotha. 7Meecha keriya Geeshsha Dunkaaniyapenne yarsho bessaafe giddon wothada, iyan haathe kuntha. 8Geeshsha Dunkaaniyape karera dabaaba yuushsha aatha giigisada, magarajuwa Dunkaaniya penge bolla kaqa.
9“Yaatada, geeshsha zaytiya ekada, Geeshsha Dunkaaniyanne iya giddon de7iya ubbaba tiyada, dummaya; I geeshshi gidana. 10Kaallada, xuussa yarsho bessinne iyan go7etiya miishe ubbaa tiyada, dummaya; I polo geeshshi gidana. 11Meecha keriyanne iya wothiya miisheta tiyada, dummaya.
12“Aaronanne iya nayta Geeshsha Dunkaaniya penge ehada haathan enta meecca. 13Kahine ma7uwa Aarona mayzada, I taw kahinetethan oothana mela iya tiyada, dummaya. 14Iya adde naytaka ehada shamize mayza. 15Enti taw kahinetethan oothana mela, enta aaway tiyetidaysada, entaka tiya. He tishsha gaason, yaana laytha ubban, enti taw kahine gididi oothana” yaagis.
16Musey, ubbaba Goday kiitidaysada oothis.
17Hessa gisho, enti Gibxefe keyida nam7antho laythan, koyro ageenan, koyro gallasan Geeshsha Dunkaaniya tokis. 18Musey, Dunkaaniya tohota essis, tuuqeta, liyootanne tuussata aathis. 19Goday kiitidaysada, Musey, garsa kamaanne bolla kamaa Dunkaaniya bolla kammis.
20Yaatidi, tammu kiitata oykida nam7u loche shuchata, Taabotiya giddon wothis. Tooho kaso mithata Taabotiya sagaayotan aathis; nagara atotetha kamaka Taabotiya bolla wothis. 21Taabotiya Geeshsha Dunkaaniya giddo gelsidi, geshe magarajuwa kaqis. Yaatidi, Goday kiitidaysada, Caaqo Taabotiya kammis.
22Musey, xarpheezaa Geeshsha Dunkaaniya giddo gelsidi, magarajuwafe karera, pudeha baggan wothis. 23Goday kiitidaysada, Godaa sinthan wothiya geeshsha daabbuwa iya bolla wothis.
24Xompe wothiya kocaa, Geeshsha Dunkaaniya giddo gelsidi, xarpheezape sintha baggara Geeshsha Dunkaaniyas dugeha baggan wothis. 25Goday kiitidaysada, Musey, Godaa sinthan xompeta oythis. 26Musey, worqa yarsho bessa Geeshsha Dunkaaniya giddo gelsidi, magarajuwafe sintha baggara wothis. 27Goday kiitidaysada, sawiya ixaane iya bolla cuyisis. 28Geeshsha Dunkaaniya pengen magarajuwa kaqis.
29Xuugetiya yarsho bessi, Geeshsha Dunkaaniya penge sinthan wothis. Goday kiitidaysada, iya bolla xuussa yarshonne katha yarsho yarshis.
30Meecha keriya Geeshsha Dunkaaniyapenne yarsho bessaafe giddon wothidi, iyan haathe kunthis. 31Musey, Aaroninne iya nayti banta kushiyanne tohuwa iyan meecetidosona. 32Goday kiitidaysada, enti Geeshsha Dunkaaniya geliya wode woyko yarsho bessi shiiqiya wode hessa oothosona.
33Geeshsha Dunkaaniyanne yarsho bessa yuushshi aathidi dabaaba giigisidi, he dabaaba pengen magarajo kaqis. Hessada oothidi, Musey oosuwa polis.
Godaa Bonchuwa
(Taybo 9:15-23)
34Hessafe guye, shaaray Geeshsha Dunkaaniya kammis; Godaa bonchoyka iya kumis.#1 Kawo 8:10-11; Isa 6:4; Hiz 43:4-5; Qon 15:8. 35Shaaray Geeshsha Dunkaaniya kammida gishonne Godaa bonchoy iyan kumida gisho, Musey iya giddo gelanaw danda7ibeenna.
36Isra7eeleti banta de7iya bessaa yeddidi, baanaw dendey, he shaaray Dunkaaniyape dendiya wodena. 37Shin shaaray dendonna ixiko, enti banta de7iya bessaa yeddidi bookona. 38Godaa shaaray gallas gallas Geeshsha Dunkaaniya kammees, qamma qamma qassi shaara giddon tamay eexees. Isra7eele asay biya wode ubban he shaara be7oosona.
Currently Selected:
Kessa 40: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
