Luc 13
13
Kitci kweskatisinaniwok
1Ani apitc atita iriniwok ki pe natawapamewok Cecoca kitci ki arimotamawatcik aniheriw ka ki iciwepasiritci anihi iriniwa ka ki nipahikoritci Pilata. Aniki ka ki nipahakaniwitcik, Galilée askik ki pe otciwakopan. Kitci aiamihe mikiwamik ki nipahakaniwiwakopan, mekwata e aiamihe pakitinikewakopanen. 2Cecoc itew: “Kit iteritenawaw ia, wetci ki ici nipahakaniwitcik aniki Galilée iriniwok, osam kirawe mictahi wirawaw e ki pactatitcik, patok kotakihik Galilée ka otcitcik? 3Ki witamatinawaw, nama nte icinakon. Kecpin aric aka kweskatisiekwe, ekoni kaie kirawaw kaskina e taciekw ke ici nipoekw.#13.3 ekoni kaie kirawaw kaskina e taciekw ke ici nipoekw: Pot wi itetake: Ki ka niponawaw kaie kirawaw tipaskonikoiekwe. 4Ki mikawinawaw ka pikockotek mikiwamicic ka ki icpaskahikatek, warawik kitci ki wapatcikatek kekwan, Siloé ka ki icinikatcikatek, nete Jérusalem otenak. Mitato acitc nicwaso#13.4 Mitato acitc nicwaso: (18) ki taciwok ka ki nipotcik e patakockosotcik. Kit iteritenawaw ia, wirawaw kirawe ki matci iriniwiwok patok kotakihik Jérusalem iriniwok? 5Ki witamatinawaw, nama nte icinakon. Kecpin aric aka kweskatisiekwe, ekoni kaie kirawaw kaskina e taciekw ke ici nipoekw.”
Atisokanicic: Wapiminatikw aka ka nitawikiritci owapimina
6Minawatc Cecoc atisokew ohweriw atisokaniciciriw, e itetc: “Takopan iriniw, wapiminatikwa#13.6 wapiminatikwa: Mia itemakan e emitikociwictek: “un figuier.” e tarikopanen okitikan askik. Peikwaw e kicikarik wi nta manipatekopan wapimina, nama aric tariwa. 7Aci itew kitike iriniwa ka mitaritci kitikaniw: ‘Kanawapam! Aci wiec nicto pipona irikik ni pe natawapamaw ohwa wapiminatikw e nantowapamimak owapiminima, aka tca moci e nitawikitc wapimin. Kickikohwakan tca! Ceckwat tcimoso ohwa wapiminatikw.’ 8Aci anahwe kitike iriniw itew ka tiperitamiritci: ‘Okimaw, ponihi kiapatc peikwo pipona. Ni ka waratawokahikan waska wapiminatikok kirika ni ka actan atikw okatci.#13.8 ni ka actan atikw okatci: Wetci actatc atiko okatciriw, kitci ki tca miro pimitewonik askiriw. 9Minawatc nipike pot kata nitawikiw wapimin. Kecpin aric aka nitawikite, ki ka ki kickikohwaw.’”
E kikehakaniwitc iskwew ka maskisitc e arwepi kicikarik
10Peikwaw e arwepi kicikarik, peikw cota aiamihe mikiwamik kiskinohamakepan Cecoc. 11Tapan neta peikw iskwew e maskisitc. Aci mitato acitc nicwaso#13.11 mitato acitc nicwaso: (18) pipona irikik esko ka icinakositc, matci manitowa e ki ici akohikotc. Mocak tca ki wakictakopan. Nama wiskat tekaci ki tacokapowikopan anahwe iskwew. 12Cecoc ka wapamatc anihi iskwewa, ki wicamew e itatc: “Iskwew, aci ki mirwatisin anihe ka ici akosiin.”
13Ki takinew anihi iskwewa. Tecikotc ki tacokapowiriw, e micta mirwatcimaritci Kice Manitowa.
14Aric iriniw ka nikaniwitc neta cota aiamihe mikiwamik ki kiciwasiw osam e ki kikehiweritci Cecoca e mekwa arwepi kicikarik. Ki itew iriniwa neta ka tacikerispana e mitcetinaniwonik: “Nikotwaso kickwa irikik matci otamironaniwon. Ekoni apitc ki ta pe nta kikehikosinawaw, nama aric e mekwa arwepi kicikak!”
15Ki naskamako Teperitcikeritci, e itikotc: “Ki micta miro iriniwikasonawaw! Mekwata ko e arwepi kicikak, tato neta e taciekw nta manapikonew omotcewotikoma kekotc ma otatikoma e iciwiratc kitci nta minikweritci. 16Anahwe tca iskwew, kaie wir Abraham otaniskotape osimiriw, mitato acitc nicwaso pipona irikik ki takopitiko Matci Manitowa!#13.16 Matci Manitowa: Satan icinikatakaniwiw Matci Manito ota. Kit iteritenawaw ia nama acteripan kitci apikonakaniwitc mekwata e arwepi kicikarik?”
17Aniki ka wi marerimawaspan Cecoca ki waneritamok aniheriw e itikotcik. Aric kaskina kotakihik iriniwok neta ka tacikewaspan ki micta mireritamok e wapamatcik Cecoca e miro totamiritci.
Atisokanicic: Rimotat okitamina
(Natawapata kaie Matio 13.31-32; Mark 4.30-32)
18Cecoc itew: “Tan e icinakonik Kice Manito Okimawin? Tan ke ki iteian kirawe kitci ki nisitotakonik e icinakonik? 19Mia mitowi okitamina, rimotat ka icinikatcikatek, iriniw e ki otapinak, minawatc e ki matce kitiketc okitikan askik. Ki mirokiriw, nac ki iti mictikowiw, nac pirecicak ki pe nta ocitawok otcictoniwaw neta otikonik.”
Atisokanicic: Ciwockitcitcikan
(Natawapata kaie Matio 13.33)
20Kiapatc itew Cecoc: “Tan ke ki iteian kitci ki kiskeritamekw e icinakonik Kice Manito Okimawin? 21Mia mitowi ciwockitcitcikan, iskwew e tcipaketc, e otapinatc nipara napanewa e tca mamowinatc ciwockitcitcikana, nac kaskina e opisoritci.”
Ickwatem ka cakwacik
(Natawapata kaie Matio 7.13-14,21-23)
22Minawatc Cecoc aiacockamopan e ici otenaskarik, e pa kiskinohamakespan mekwatc e icakopanen nete Jérusalem otenak. 23Kokwetcimakaniwiw: “Teperitcikein, nama ia kata mitcetiwok iriniwok ke akwacimakaniwitcik?”
Cecoc itew: 24“Tarasak nicino ickwatem ke ki pitakaniwok, pimatisiwinik itekera. Kaketin mantokasokw kitci pitakeiekw ickwatem ka cakwacik.#13.24 kitci pitakeiekw ickwatem ka cakwacik: Pot wi itemakanotake: Kice Manito Okimawinik. Mitcet iriniwok meka kata wikokwe pitakewok. Nama aric kata kackitawok. 25Apitc ka tiperitak mikiwamiriw#13.25 ka tiperitak mikiwamiriw: Pot arimomitisotake Cecoc, wir e tiperitak aniheriw ickwatemiriw Kice Manito Okimawinik e takonik. pisikote e nta kipwaskohak ickatemiriw, aka e ki pitakeiekw, ki ka papwahikanawaw, kitci iteiekw: ‘Okimaw, cenamacinan ickwatem!’ Ki ka tca itikowaw: ‘Nama ki kiskerimitinawaw tante wetciekw!’ 26Minawatc ki ka itawaw: ‘Ki ki witci mitcisomitonano, kaie tapickotc ki minikwatano, kaie tca ki pa kiskinohamakatai meskanak nete notenaminak ka ici tacikeiakipan.’ 27Kiapatc aric ki ka itikowaw: ‘Nama ki kiskerimitinawaw tante wetciekw! Ekoci nta matcakw, kaskina e taciekw ka matci totamekw!’ 28Aci nta ki ka matonawaw kirika e kakiceapiteciniekw, wapamekwe Abraham, Isak, Cakop acitc kaskina ka ki pe nikan tipatcimotcik nete Kice Manito Okimawinik e taciketcik, kirawaw tca e ki orowiticohikoiekw. 29Kotakihik iriniwok kata pe takociniwok, kaskina wiec kitci ototetcik, wapanok kirika nekapehonok, kiwetinok kaie cawonok, kitci tca pe nta natapitcik mitcisowakanatikok nete Kice Manito Okimawinik. 30Minawatc tca iriniwok anotc ka otananickatcik, kecko kata nikanickawok. Aniki tca anotc ka nikanickatcik kata otananickawok.”#13.30 Pot wi itemakanotake: Atita anotc aka ka kicterimakaniwitcik kata kicterimakaniwiwok nanake. Kotakihik tca ka kicterimakaniwitcik anotc, nama kata kicterimakaniwiwok nanake.
Cecoc e arimotak Jérusalem otenariw
(Natawapata kaie Matio 23.37-39)
31Ani apitc atita Pharisien iriniwok ki pe natcikapowictawewok Cecoca e itatcik: “Ki ta matcan ota tecikotc, pitoc wiec kitci icain. Osam anahwe okimaw Hérode nataweritam kitci nipahikoin!”
32Ki itew Cecoc: “Natawapamakw anahwe okimaw Hérode, witamawak mia wakoc e iterimak, ‘Ni orowiticohwawok matci manitowok, kaie ni pa kikehawok ka akositcik. Anotc kaie wapake ni ka itotiskan. Minawatc ickwa nicto kickokake, ekoni patama ke kictaian notamirowin.’ 33Aric otcitakotc kiapatc actew anotc kitci nosanetaian nimeskanam, kaie peikon wapake kirika awos wapake. Nama meka acteriw kotak wiec kitci nipahakaniwitc awik ka ki pe nikan tipatcimotc, tepirak neta Jérusalem otenak.”
34Itew kiapatc Cecoc: “Jérusalem, Jérusalem, kirawaw neta ka tacikeiekw Jérusalem otenak. Ki nipahawawok ko ka nikan tipatcimotcik kirika ki pe mosinihawawok iriniwok ka ki pe iciticohikotcik Kice Manitowa kirawaw otci. Mitcetwaw ni ki iteriten kitci pe mawotcihitakok kitci nanakatcihitakok, mia pakahakwan e ici nanakatcihatc opakahakwanicicima, cekotc otatakonik e aratc onitcanica. Nama aric ki ki otci ici naheritenawaw. 35Aci tca Kice Manito kata nakatam kotenamiwariw. Ki witamatinawaw ohwe: nama awocamec ki ka wapaminawaw, patoc otcitciparike kitci iteiekw e arimomiekw: ‘Caweritakosiw aniheriw Kice Manito ka ki pe iciticohwatc!’”
Currently Selected:
Luc 13: ATMK
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014