Romabi 14

Koo kojo o nyɛmi

1Nɔ nɛ gbɔjɔ ngɛ hemi kɛ yemi mi ɔ, nyɛ he lɛ atuu, se nyɛ ko kojo e susumi ɔmɛ. 2Nɔ ko ngɛ hemi kɛ yemi nɛ e kɛ yeɔ nɔ tsuaa nɔ; se nɔ nɛ gbɔjɔ ɔ, pui kɛkɛ e yeɔ. 3Nɔ nɛ yeɔ ɔ, e ko gbe nɔ nɛ yi ɔ he guɛ; nɛ nɔ nɛ yi ɔ, e ko kojo nɔ nɛ yeɔ ɔ, ejakaa Mawu ngɔ lɛ. 4Moo lɛɛ mɛnɔ ji mo nɛ o kojoɔ nɔ kpa sɔmɔlɔ? Lɛ nitsɛ e nyɔmtsɛ ɔ e daa si aloo e nɔɔ si haa; se a ma ha e maa da si, ejakaa Mawu ngɛ he wami nɛ e ma ha e da si. 5Nɔ ko buu ligbi ko pe eko, nɛ nɔ ko hu buu ligbi tsuaa ligbi pɛpɛɛpɛ. Nɔ tsuaa nɔ nɛ na lɛ nitsɛ e juɛmi ɔ nɔ he wami. 6Nɔ nɛ buu ligbi ɔ, Nyɔmtsɛ ɔ e buu haa; nɛ nɔ nɛ yeɔ ni ɔ, Nyɔmtsɛ ɔ eyeɔ haa, ejakaa e naa Mawu si. Nɛ nɔ nɛ yi ni ɔ, Nyɔmtsɛ ɔ e yi ha, nɛ e naa Mawu si hulɔ. 7Ejakaa wa ti nɔ ko hɛ ka we hi lɛ nitsɛ e he. 8Se ke wa hɛ ngɛ ɔ, Nyɔmtsɛ ɔ wa hɛ ngɛ kɛ ha; nɛ ke wa gbo hu, Nyɔmtsɛ ɔ wa gbo kɛ ha. Lɔ ɔ he ɔ wa hɛ ngɛ jio, wa gbo jio, Nyɔmtsɛ ɔ nihi ji wɔ. 9Ejakaa enɛ ɔ he je nɛ Kristo gbo nɛ e te si nɛ e hɛ ngɛ benɛ pee nɛ e plɛ ni gbogboehi kɛ ninɛmɛ nɛ a hɛ ngɛ kulaa a Nyɔmtsɛ. 10Se moo lɛɛ mɛni he je nɛ o kojoɔ o nyɛmi? Aloo mo hu mɛni he je nɛ o gbee o nyɛmi he guɛ? Ejakaa wɔ tsuo kulaa wa maa da Kristo kojomi sɛ ɔ hɛ mi. 11Ejakaa a ngma ke:

“Nyɔmtsɛ ɔ ke:

Akɛnɛ ye hɛ ngɛ nɛ ɔ ɔ,

Nakutso tsuaa nakutso ma kpla si ha mi;

Nɛ lilɛ tsuaa lilɛ maa jaje Mawu ngɔ tsɔɔ.”

12Lɛɛ lɔ ɔ he ɔ wa ti nɔ tsuaa nɔ maa bu lɛ nitsɛ e he akɔtaa ngɛ ha Mawu.

Ko ha nɛ onyɛmi nɛ gbee si

13Lɔ ɔ he ɔ, nyɛ ko ha nɛ waa kojo wa he hu; se enɛ ɔ mohu nyɛɛ kojo, kaa nɔ ko ko to tɛmi nɔ́ loo kpangmi ko ngɔ ha e nyɛmi. 14I le, nɛ jeha nɛ hu i ngɛ nɔ he wami ngɛ Nyɔmtsɛ Yesu mi, kaa nɔ́ ko nɔ́ ko be nɛl ɛ nitsɛ e ji he blemi nɔ́ ja nɔ nɛ buu nɔ́ ko kaa he blemi nɔ́ ɔ, lɛ nɛ e plɛɛ he blemi nɔ́ kɛ haa. 15Se ke niyeni ko he je nɛ o haa o nyɛmi yeɔ kɔmɔ ɔɔ lɛɛ tsa pi suɔmi nya nɛ o ngɛ o je mi bae ngɛ ɔ hu. O kɛ o niyeni ɔ ko kpata nɔ nɛ Kristo ba gbo ha lɛ ɔ hɛ mi. 16Lɔ ɔ he ɔ, nyɛ ko ha nɛ a tu nyɛ nɔ kpakpa a he munyu yaya. 17Ejakaa Mawu matsɛ yemi ɔ, e pi ni yemi kɛ ni numi, se mohu e ji dami kɛ he jɔmi kɛ Mumi Klɔuklɔu mi bua jɔmi. 18Ejakaa nɔ nɛ sɔmɔɔ Kristo ngɛ enɛ ɔmɛ a mi ɔ, Mawu naa e he tsui, nɛ e saa nimli a hɛ mi hulɔ.

19Lɔ ɔ he ɔ jeha nɛ, nyɛ ha waa di he jɔmi nihi kɛ nihi nɛ waa kɛ ma ha wa nyɛmimɛ a nane maa nu si ɔ mohu a se. 20Ko puɛ Mawu ni tsumi ɔ ngɛ niyeni ko he. Nihi tsuo he tsɔ lɛɛ, se kɛ ɔ, e ji yayami ha nɔ nɛ yeɔ kɛ toɔ kpangmi ɔ. 21E hi kaa o yi lo nɛ jeha nɛ hu o nui wai loo nɔ́ ko nɛ maa to o nyɛmi kpangmi loo nɛ e ma ha e nane ma kpata aloo nɛ e ma ha e kɔni mi maa jɔ. 22Moo lɛɛ o ngɛ hemi kɛ yemi. Kɛ to ha mo nitsɛ o he ngɛ Mawu hɛ mi. A gbaa nɔ nɛ kojo we lɛ nitsɛ e he ngɛ nɔ́ nɛ e buu kaa e hi ɔ mi ɔ. 23Se nɔ nɛ yi mi tɛ̃ lɛ ɔ, ke e ye ɔ, e yeɔ fɔ, mɛni he je ɔ, e ji hemi kɛ yemi mi; nɛ nɔ́ tsuaa nɔ́ nɛ ji hemi kɛ yemi mi ɔ, yayami ʼi.

Currently Selected:

Romabi 14: DAN77

Highlight

Copy