1 Korintobi 11
11
Yinɔhami ngɛ sɔlemi
1Nyɛɛ kase mi kaa bɔ nɛ imi hu i kaseɔ Kristo ɔ. 2Se, mamimɛ, i ngɛ nyɛ yi jee kaa nyɛ kaii mi ngɛ nihi tsuo mi, nɛ tsɔɔmihi nɛ i kɛ ha nyɛ ɔ, nyɛ hɛɛ mi bɔ pɛ nɛ i kɛ ha nyɛ ɔ. 3Se i suo kaa nyɛɛ le kaa nyumu tsuaa nyumu yi ji Kristo, nɛ yo tsuaa yo hu yi ji nyumu, nɛ Kristo yi ji Mawu. 4Nyumu nɛ sɔlee aloo e gbaa nɛ e kɛ nɔ́ ko haa e yi ɔ nɔ ɔ, e ngɛ e yi ɔ he guɛ gbee. 5Se yo tsuaa yo nɛ sɔlee aloo e gbaa nɛ e hɛ̃ɛ e yi ɔ nɔ gu ɔ, lɛ hu e ngɛ e yi ɔ he guɛ gbee; ejakaa e ngɛ kaa nɔ́ nɛ e sɛ e yi nɔuu kɛ. 6Ejakaa ke yo hɛ́ e yi ɔ nɔ ɔ, lɛɛ e sã e yi ɔ nɔ mɔ. Se ke e ngɛ lɛ zo pee kaa e ma sã eyi ɔ nɔ loo e maa sɛ e yi ɔ, lɛɛ e ha e yi ɔ nɔ mɔ. 7Se nyumu lɛɛ, e sɛ kaa e haa e yi ɔ nɔ, ejakaa Mawu subai kɛ e hɛ mi nyami ji lɛ; se yo lɛɛ, nyumu hɛ mi nyami ji lɛ. 8Ejakaa nyumu ji yo mi, se yo mohu lɛɛ je nyumu mi. 9Nɛ jehanɛ hu, a bɔɛ nyumu ngɛ yo he se yo mohu a bɔ ngɛ nyumu he. 10Lɔ ɔ he ɔ, ngɛ hiɔwe bɔfo ɔmɛ a he ɔ, e sa nɛ yo nɛ na he wami he okadi ko ngɛ e vi ɔ nɔ. 11Ngɛ Nyɔmtsɛ ɔ mi ɔ, nyumu ko si yo se, nɛ ɔ hu ko si nyumu se. 12Ejakaa kaa bɔ nɛ yo je nyumu mi ɔ, ja nɔuu kɛ nyumu hu gu yo mi kɛ ba; se nihi kulaa je Mawu mi.
13Nyɛ nitsɛmɛ nyɛ hla mi ngɛ nyɛ kpɛti. Anɛ e ngɛ fɛu kaa yo maa sɔle ngɛ Mawu hɛ mi nɛ e hɛ́ e yi nɔ lo? 14Anɛ fɔmi su nitsɛ tsɔɔ we nyɛ kaa, ke nyumu fia e yi kusuu ɔ, e ngɛ zo ha lɛ, 15se yo lɛɛ ke e fia e yi kusuu ɔ, e ji hɛ mi nyami ha lɛ lo? Ejakaa a kɛ yi bwɔmi ɔ ha lɛ kaa he hami nɔ. 16Se ke nɔ ko suɔ kaa e pee e he nya sãlɔ ngɛ enɛ ɔ he ɔ, wɔɔ lɛɛ wa pee we ja, nɛ Mawu asafo ɔmɛ hu pee we ja.
Nyɔmtsɛ Niyeni ɔ
17Kita nɛ i ngɛ nyɛ woe nɛ ɔ, pi nyɛ yi nɛ i kɛ ngɛ jee, ejakaa ke nyɛ kpe ɔ, nɔ́ kpakpa ko ji mi, se mohu nɔ́ yaya lɛ jee mi. 18Se kekleekle ɔ, i nuɔ kaa ke nyɛ ya bua nyɛ he nyɛ ngɛ asafo ɔ mi ɔ, mi gbamihi ngɛ nyɛ kpɛti, nɛ i heɔ yeɔ fã kɛ fã; 19ejakaa e sa kaa migbami nɛ te si ngɛ nyɛ kpɛti konɛ ni kpakpa amɛ a je a he si paa ngɛ nyɛ kpɛti. 20Jehanɛ ke nyɛ nya ba bua ngɛ he kake ɔ, pi Nyɔmtsɛ Niyeni ɔ yemi nɛ nyɛ ba; 21ejakaa kikɛmɛ a nyɛ ni yemi nɛ ɔ mi ɔ, nɔ tsuaa nɔ ngɔɔ lɛ nitsɛ e ni ye ni nɛ e yeɔ, nɛ benɛ hwɔ ngɛ nɔ ko yee ɔ, blɔɔ nɔ ko de da. 22Anɛ nyɛ be wehi nɛ nyɛ maa ye ni nɛ nyɛ maa nu ngɛ lejɛ ɔmɛ lo? Aloo Mawu asafo ɔ he guɛ nyɛ ngɛ gbee, nɛ nyɛ ngɛ nihi nɛ be nɔ́ ko ɔmɛ a hɛ mi si puee ɔ? Kɛ ma de nyɛ kɛɛ? Ma je nyɛ yi lo? Enɛ ɔ lɛɛ i be nyɛ yi jee ngɛ he.
23Ejakaa imi nitsɛ nɔ́ nɛ i na kɛ je Nyɔmtsɛ dɛ mi nɛ i kɛ ha nyɛ ɔ ji nɛ ɔ nɛ, kaa: Nyɔmtsɛ Yesu ɔ, jamɛ a nyɔ ɔ mi nɔuu nɛ a tsɔɔ e se blɔ ɔ, e kɛ̃ abolo, 24nɛ e na si, nɛ e kuɔ mi, nɛ e ke: “Enɛ ɔ ji ye nɔmlɔ tso nɛ a kuɔ ngɛ nyɛ ke. Nyɛɛ pee e nɛ ɔ nɛ nyɛ kɛ kai mi.” 25Ja nɔuu e wo kplu ɔ hu ngɛ niyeni ɔ se, nɛ e ke: “Kikɛmɛ a kplu nɛ ɔ ji somi he ɔ ngɛ ye muɔ ɔ mi. Nyɛɛ pee enɛ ɔ; si abɔ nɛ nyɛ maa nu ɔ nɛ nyɛ kɛ kai mi.” 26Ejakaa si abɔ nɛ nyɛ yeɔ kikɛmɛ a bolo nɛ ɔ, nɛ nyɛ nuu kikɛmɛ a kplu nɛ ɔ hulɔ ɔ, nyɛ ngɛ Nyɔmtsɛ ɔ gbenɔ ɔ jajee kɛ ngɛ tsɔɔe kɛ maa su be nɛ e maa ba.
27Lɔ ɔ he ɔ, nɔ tsuaa nɔ nɛ yeɔ kikɛmɛ a abolo nɛ ɔ nɛ e nuu Nyɔmtsɛ ɔ kplu ɔ bɔ nɛ sɛ́ ɔ, e ngɛ Nyɔmtsɛ ɔ nɔmlɔ tso ɔ kɛ e muɔ ɔ nɔ tɔe. 28Nɔmlɔ nɛ ka lɛ nitsɛ e he loko e ye abolo nɛ ɔ eko nɛ e nu kplu nɛ ɔ eko; 29ejakaa nɔ nɛ yeɔ nɛ e nuu bɔ nɛ sɛ́ ɔ, kojomi mohu e yeɔ nɛ e nuu haa e he ejakaa e bui Nyɔmtsɛ e nɔmlɔ tso ɔ. 30Kɔlɔ ɔ he hu nɛ nyɛ ti nihi fuu ngɛ gboe nɛ a he wɛ mɛ, nɛ nihi babauu hu gbo nɛ ɔ nɛ. 31Se e ji wa kaa wɔ nitsɛmɛ wa he hyɛɛ jinɛ a be wɔ kojoe. 32Se ke a kojo wɔ ɔ, Nyɔmtsɛ ɔ tsɔsemi ʼi, benɛ pee nɛ a ko bu wɔ kɛ je ɔ kulaa fɔ.
33Lɔ ɔ he ɔ, mamimɛ, ke nyɛ nya ba bua nɛ nyɛ maa ye ni ɔ, nyɛɛ mlɛ nyɛ sibi. 34Se ke hwɔ ngɛ nɔ ko yee ɔ, e ye ni ngɛ we mi lolo, benɛ pee nɛ nyɛ he nya buami ɔ ko tsɛ kojomi ha nyɛ. Nihi nɛ piɛ ɔmɛ ɔ, ke i ba a, ma to mɛ blɔ nɔ.
Currently Selected:
1 Korintobi 11: DAN77
Highlight
Copy
Compare
Share
Want to have your highlights saved across all your devices? Sign up or sign in
Dangme New Testament © United Bible Societies, 1977.
