2 TIMOTEO 4
4
1-2Ekmések ko'o sekpeywa exchep nápakto' Dios tén han nápakto' ma'a Cristo Jesús, cham'a peya nak ewatak yetlo apteme Wese' apwányam yakwayam etnehek apkelyekpelchémo m'a énxet'ák meletsapma nak, tén han ma'a apkeletsapma nak; awanhek seltémo eltennaha exchep tásek amya'a, megyeyxek ma'a ekyetna enxoho elya'asakxaxma, esenhan ma'a méko enxoho elya'asakxaxma. Ellekwomho sat nahan énxet'ák, elpakhetches sat nahan ma'a énxet'ák eyesagkexa enxoho aptamhágkaxa, elwaskakkásekxoho sat nahan, elxekmós sat nahan yetlo mepekhésamap. 3Hakte kammok sat ekhem yakwánxa etaknawágwók énxet'ák ma'a nelxekmowásamáxche ektakmela nak, eyánchesagkohok sat ma'a apmáheyókxa nak etnahagkok, cham'a apkeltémakxa apancha'awo nak, etegyagkok sat apxámokma m'a énxet apkelxekmósamol'a apnámokkok, yakwayam kólxekmósek wánxa m'a apmáheyókxa nak eleyxhok xa énxet'ák nak. 4Kamaskok sat yeyxhok ma'a amya'a ekmámnaksoho nak, wánxa sat yeyxhok ma'a ekyókxoho ektémakxa nak amya'a kéltenneykha naksal'a. 5Xép akke kéméxchek etakmelchesek xa ektémakxa nak apmopwána elanagkohok aptémakxa; elenmaxakpoho cha'a m'a nenlegeykegkoho nak, elána wánxa m'a apkeltenneykha nak tásek amya'a, etakmelchesho apkelané m'a ektémakxa nak aptamheykha.
6Ko'o nak se'e, chágketwokmek yakwánxa amátog ektémol'a aksok kélmésamol'a Dios; keto' kaxwo' setsapmakxa. 7Elnápexchék axta ko'o ektakmela kempakhakma, ekwokmók nahan néxa selteyásamáxche, mayenseykmok nahan sekteme may'áseyam. 8Kaxwo' eyke, eltakmelchesesek ko'o selháxakxo ekpayhawo nak axkak ko'o, cham'a peya nak hegkések Wese' egegkok ekhem sat, aptaha nak segyekpelchémo ekpéwomo agko'. Háwe sat exakko' ko'o yakwayam hegkések xa, sat nahan elmésagkok ma'a apxámokxoho énxet'ák apkelhaxanma nak ewata' yetlo apchásekhayo.
Pablo appekkeneykekxa appeywa
9Elenxánem sat epekhaksohok exegmak yakwayam héta'; 10hakte eñókek aksa ko'o exakko' Demas#Col 4.14; Flm 24. apmahágko m'a tegma apwányam Tesalónica, hakte apchásekhayók ma'a aksok ekyetna nak keso náxop. Yókxexma Galacia axta eyke apmahágkok ma'a Crescente, keñe axta Tito#2 Co 8.23; Gá 2.3; Tit 1.4. apmahágko m'a Dalmacia. 11Lucas#Col 4.14; Flm 24. aksa apha sekhakxa ko'o. Ektam sat Marcos,#Hch 12.12,25; 13.13; 15.37-39; Col 4.10; Flm 24. éntementa sat, hakte apwanchek hepasmok ektémakxa nak ko'o sektamheykha. 12Tegma apwányam Efeso axta eyke eyáphásak ko'o m'a Tíquico.#Hch 20.4; Ef 6.21-22; Col 4.7-8. 13Apxegakmek sat agkok, hesantegkesho sat seyaklamaxche sekpekkenákxo axta ko'o m'a Troas,#Hch 20.6. axta apyetnak ma'a Carpos apxagkok; tén han ma'a weykcha'áhak ahagkok axta, nágkalwánakma aksa nahan ma'a weykcha'áhak elyentaxnol'a áwa'.
14Asagkek axta setnésesakxa ko'o Alejandro#1 Ti 1.20. aptaha nak apkelané yatnáxeg kélatchesesól'a apmagkok. Wese' egegkok sat eyke eyakmagkásekxak ma'a ektahakxa axta aksok apkelané.#Sal 62.12; Ro 2.6. 15Yawho sat xép ma'a énxet nak, hakte apkenmexchek ma'a ektémakxa nak neltenneykha.
16Méko axta sepasma ko'o m'a eyeynókxa axta sekmaheyak nápakta'awo' apkelámha apmonye'e segyekpelchémo nak yakwayam axének ektémakxa nak sektamheykha; apsawhekpók axta aksa seyenyawa selxegexma'a. Emenyék ko'o meyakmagkásekxék Dios aptamhágkaxa xa énxet'ák nak. 17Wánxa agkok, Wese' egegkok axta eyke epasmak ko'o, egkések axta sekyennakte, yakwayam enxoho wawának alenxanmohok seltenneykha tásek amya'a, tén han añeksek tásek amya'a m'a énxet'ák melya'áseyak nak Dios. Cháxa setnésesakxa axta semyawa Wese' egegkok keto' sekmatñamakxa xa. 18Hemyók sat makham neyseksa ekyókxoho aksok elmasagcha'a nak, hetakmelchesek sat nahan yakwayam hentemekxak ma'a aptémakxa nak Wese' apwányam Dios néten. Apcheymákpoho sat cha'a kóltemésesek Wese' egegkok. Katnahagkok sat.
Pablo apcháphaso ekxeyenma apwáxok tén han apkelmaxnéseso aksok eltakmela eleñama néten énxet'ák
19Xénchek ko'o ewáxok Prisca tén han Aquila,#Hch 18.2,18. tén han ma'a ekheykha nak apxagkok Onesíforo.#2 Ti 1.16-17. 20Tegma apwányam Corinto axta eyke aphákxak Erasto,#Hch 19.22; Ro 16.23. keñe axta Trófimo#Hch 20.4; 21.29. sekheyásekxo m'a Mileto, ñokxa apháxeykpo axta. 21Elenxánem sat exegmak amonye apkepsamágexal'a. Apcháphásesek nahan ekxeyenma apwáxók xép Eubulo, Pudente, Lino, Claudia, tén han ma'a apyókxoho ẽlyáxeg nentémo xamo' nak magya'áseyam.
22Jesucristo Wese' egegkok sat etnehek apxegexma exchep, keñe sat Dios etnehek apméso naksa kélyókxoho kéxegke m'a ektémakxa nak segemleykekxoho.
Currently Selected:
2 TIMOTEO 4: LEGN
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
