1 CORINTIOS 8
8
Nento kélpagkancheso kéleykmáseso
1Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho. 2Apkeneykek agkok ey'ásegkohok aksok enxama, mey'ásegkok makham ma'a eyéméxko nak ey'asagkohok. 3Apchásekhawók agkok enxama Dios, ékpelkohok sat nahan Dios xa énxet nak.
4Peyk kaxwo' axének ko'o ektémakxa m'a nento nak aksok kélmésol'a kéleykmáseso, negya'ásegkok negko'o ektaha mékoho agko' aksok kéleykmáseso keso náxop, negya'ásegkok nahan negko'o apyetna wánxa xama Dios. 5Yetneyk eykhe néten ma'a kéltéma nak dios, tén han keso náxop (nakso' eykhe ekxáma xa kéltéma nak dios kéltéma nak han kelwese'e), 6apyetneyk eyke negko'o apwánxa xama Dios Egyap, aptaha nak eleñamakxa ekyókxoho aksok, Dios nahan keñamak nelánteyapma negko'o. Wánxa nahan xama Wese' egegkok ma'a Jesucristo, aptaha nak han eñamakxa elánteyapma ekyókxoho aksok, segwákxoho nahan negko'o xa.#Mal 2.10; Jn 1.3; Ro 11.36; Ef 4.6; Col 1.16.
7Wánxa agkok, háwe eyke apyókxoho énxet apkelya'áseykegkoho xa amya'a ekmámnaksoho nak. Makhemek eyke makham aptéyak nápakha énxet'ák xa nento apkenagkama nak kólmésók aksok kéleykmáseso, cham'a énxet'ák eltámeyeyak axta apkelpeykesamo aksok kéleykmáseso; ekyelkamáxkoho apteme melya'áseyam cha'a kañék ekxénwayam apwáxók ektemésesa ekmanyása apkeltémakxa, eñama m'a kéleykmáseso. 8Háwe eyke eñama aksok nentéyak segásekhayo negko'o Dios; hakte megkaxének apwáxok Dios nentaha nentakmela negko'o eñama m'a nento nak, megkaxének nahan apwáxok nentaha ekmaso nentémakxa eñama m'a manto nak nento. 9Nágkólho aksa kalanaksek melya'asáxma énxet'ák elyelkamáxkoho apteme melya'áseyam xa kélmowána nak kóllának kéxegke kélmokókxa enxoho kóllának. 10Aphakmek agkok xép aptáswokmo apto m'a kélpagkanchesamakxa nak kéleykmáseso, xép aptaha nak apya'áseykegkoho xa aksok nak, apwet'ak agkok xama egyáxeg ekyelkamáxkoho apteme mey'áseyam aphakmo exchep ma'a, emawhok kexaha anhan katnehek etwok aksok kélméso nak kéleykmáseso xa egyáxeg nak. 11Cháxa kañék aptegkeso exchep apyáxeg ekyelkamáxkoho apteme mey'áseyam eñama xa apya'áseykegkoho nak xép, cham'a apketsapma axta anhan Cristo aptaha apyanmaga xa egyáxeg nak. 12Kéltawasáseyha agkok ektémakxa elchetamso apwáxok ẽlyáxeg'a elyelkamáxkoho nak apteme melya'áseyam, kélanak kéxegke megkólya'asáxma enmexma m'a Cristo.#Mt 25.45. 13Sekto agkok keñamak selánesa mey'asáxma eyáxeg sektémo xamo' nak may'áseyam Cristo, tásek ko'o matwek ápetek xama enxoho, yakwayam enxoho malanaksek mey'asáxma egyáxeg.
Currently Selected:
1 CORINTIOS 8: LEGN
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
