Levitico 18
18
Tic'bilob ti ñujpuñel
1-2Lac Yum tsi' sube Moisés: Subeñob jini israelob: La' Yumon, la' Dioson. 3Mach yomic lajal mi la' mel che' bajche mi' melob ti Egipto ya' ba' tsa' chumleyetla ti yambʌ ora. Mach yomic mi la' tsajcʌbeñob i melbal jini año' bʌ ti Canaán ba' mi caj c pʌyetla majlel. 4-5Yom mi la' chʌn mel pejtelel jini c mandar. Pejtelel jini c t'an yom mi la' chʌn jac' ti pejtelel q'uin. Come joñoñʌch la' Yumon la' Dioson. Jini winic mu' bʌ i wen jac', cuxul mi' yajñel. Yumʌloñʌch.
6-8Jini winic mach i pʌy x'ixic che' laj bʌ i pi'ʌlob i bʌ, come la' Yumon. Mach mejlic i pʌy xch'oc bʌ i yalobil. Mach mejlic i pʌy i ña' mi i majan ña'. 9Mach mejlic i pʌy i yijti'an, mi i chich mi i yijts'in, mi xch'oc bʌ i yalobil i tat i ña'. Anquese an ti yambʌ otot, mach mejlic i pʌye'. 10Mach ma' pʌy jini xch'oc bʌ i yalobil a walobil, come a butsʌch. 11Mach ma' pʌy jini xch'oc bʌ i yalobil a majan ña' come a chichʌch. 12-14Mach yomic ma' pʌy a ña'jel, mi a chich mi i yijts'in a tat a ña'. 15-16Mach yomic ma' pʌy a wʌ'lib mi a mu'. Come la' pi'ʌl la' bʌ. 17Mach ma' pʌy juntiquil x'ixic yic'ot xch'oc bʌ i yalobil, mi xch'oc bʌ i buts come i pi'ʌlob jach i bʌ. Jiñʌch ñuc bʌ mulil. 18Mach yomic ma' pʌy cha'tiquil a wijñam che' i yijts'iñob jach i bʌ, come mi caj i ts'aleñob i bʌ. Cojach mi tsa' chʌmi a wijñam, che' jini mi mejlel a pʌyben i yijts'in mi i chich.
Tic'bil yambʌ i jontolil lac bʌc'tal
19Mach a pi'len jini x'ixic che' woli to i q'uel i c'amʌjel. 20Mach ma' pi'len i yijñam a pi'ʌl come mulilʌch. 21Mach ma' lon ac' a walobil cha'an i majtan dios Moloc. Mach ma' pul ti' pulʌntib. Mach ma' p'ajben i c'aba' Dios come la' Dioson, la' Yumon. 22Jini winicob mach yomic mi' wʌlʌc pi'leñob i bʌ. Che' ja'el x'ixicob mach yomic mi' laj bʌ pi'leñob i bʌ, come ts'a' mij q'uel. 23Che' ja'el mach mi la' pi'len jini alʌc'ʌl. Jinic x'ixic mach mi' yʌc' i bʌ ti pi'lentel yic'ot chuqui tac an ti pañimil, come jiñʌch ñuc bʌ mulil. 24Mach yomic mi la' pʌc' la' bʌ ti jini mulil. Come che'ʌch mi' melob jini mach bʌ anic mi' cʌñob Dios. Jini cha'an mi caj c chocob loq'uel ti' lumal baqui mi caj la' wochel. 25Come tsa' wen p'ojli jontolil ti jini tejclum. Wolix cʌq'ueñob i toj i mul. Mi caj c chocob loq'uel ba' chumulob. 26Yom mi la' chʌn jac' jini c t'an yic'ot jini c mandar cha'an ma'anic mi la' mel ili mulil jatetla wʌ' bʌ chumuletla, yic'ot jini ñajt bʌ ch'oyolob mu' bʌ i cha'leñob chumtʌl la' wic'ot. 27Come jini chumulo' bʌ ya' baqui wolic pʌyetla majlel tsa'ix i meleyob pejtelel ili mulil. 28Yom tsajaletla cha'an ma'anic mi la' mel jini mulil, cha'an ma'anic mic choquetla loq'uel ti jini lum che' bajche' jini ñaxan xcolelob ya' bʌ chumulob. 29-30Come majqui jach mi' cha'len ili mulil tac, wersa mi caj i chojquel loq'uel ti' tojlel i pi'ʌlob. Jini cha'an yom chʌn c'ajal la' cha'an la' tic'ol, cha'an ma'anic mi la' tsajcan jini leco jax bʌ i melbalob jini ñaxan xcolelob, ame yajliquetla ti mulil. Come joñon la' Yumon la' Dioson, che'en.
Currently Selected:
Levitico 18: CTU77
Highlight
Copy
Compare
Share
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
