Levitico 12
12
I sʌq'uesʌntel x'ixic che' mi' yujtel ti wocol
1-2Lac Yum tsi' sube Moisés: Suben pejtelel jini israelob: Jini x'ixic che' mi' yʌc' ti pañimil ch'iton, wucp'ejl q'uin bibi' mi caj i q'uejlel che' bajche' ba' ora mi' q'uel i c'amʌjel. 3Che' ti' waxʌcp'ejlel q'uin yom mi' tsepbentel i pʌchʌlel jini ch'iton. 4Pero jini x'ixic uxlujump'ejl to i cha'c'al (33) q'uin yom mi' q'uejlel ti bibi'. Ti wi'il mi' cha' q'uejlel ti sʌc. Mach yomic mi' tʌl chuqui tac ch'ujul, mach yomic mi' majlel ti Tabernáculo, jinto che' ts'ʌctiyemix cha'c'al q'uin cha'an mi' wen sʌq'uesan i bʌ. 5Mi xch'oc i yalobil mu' bʌ i yʌc' ti pañimil, cha'p'ejl semana mi caj i q'uejlel ti bibi' che' bajche' mi' q'uel i c'amʌjel ti uw ti uw. Yom yambʌ wʌcp'ejl i chʌnc'al (66) q'uin ti pejtelel cha'an mi' sʌq'uesan i bʌ.
6Che' ñumeñix i yorajlel cha'an mi' sʌq'uesan i bʌ cha'an i yalobil, mi ch'iton mi xch'oc, la' i pʌy tilel juncojt alʌ tat tiñʌme' am bʌ jump'ejl i jabilel cha'an pulbil bʌ c majtan, yic'ot juncojt x'ujcuts mi xpuruwoc, cha'an i ñusʌntel mulil. La' i yʌq'uen jini motomaj ya' ti' ti' jini Tabernáculo. 7Jini motomaj mi caj i yʌq'ueñon c majtan cha'an i mul jini x'ixic. Che' jini mi' taj i sʌq'uesʌntel cha'an i c'amʌjel. Che'ʌch yom mi la' mel che' an majqui mi' yʌc' ti pañimil i yalobil. 8Mi ma'anic i cha'an juncojt tiñʌme', la' i pʌy tilel cha'cojt x'ujcuts mi cha'cojt xpuruwoc. Jini juncojt mi caj i yʌc' cha'an pulbil bʌ c majtan. Jini yambʌ mi' yʌc' cha'an i mul. Jini motomaj mi caj i yʌq'ueñon ili majtañʌl tac cha'an i ñusʌntel i mul. Che' jini mi' cha' sʌq'uesʌntel, che'en lac Yum.
Currently Selected:
Levitico 12: CTU77
Highlight
Copy
Compare
Share
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
