Kahigibu 7
7
Izraɛl zuliya ni ninvuɣ’ gahinda kalinli
1 #
Jɛr 49.36; Dan 7.2; Zak 6.5 Dimbɔŋɔ nyaaŋa ka n daa nya malaikanima anahi, ka bɛ ʒe dunia luɣa anahi ŋɔ n-gu pɔhim soli ni di di ʒe n-kpe dunia ni bee teeku ni bee n-ʒe tihi. 2Di saha ka n daa nya malaika so ka o yi wulimpuhili polo na m-mali Naawuni ŋun be ŋɔ bintabindili; ka daa kuhi pam bahi malaikanima anahi shɛba Naawuni ni daa niŋ yiko ni bɛ saɣim dunia ŋɔ mini teeku la 3#Ɛzɛk 9.4, 6 n-yɛra, “Di niŋya dunia bee teeku bee tihi shɛli hal ka ti ti zaŋ bintabinda tabili ti Naawuni jɛmdiba gbiɛri zuɣu naai pɔi.” 4Ka n daa wum bɛ ni tabili ninvuɣ’ shɛb’ maa kalinli, ka bɛ nyɛla ninvuɣ’ tuhi’ kɔbiga ni tuhi’ pihinahi ni tusaanahi bɛn nyɛ bɛn yi Izraɛl zuliya kam ni na:
5Juda zuliya ni, ninvuɣ’ tuhi’ pinaayi ka bɛ daa tabili,
Rubin zuliya ni tuhi’ pinaayi,
Gaad zuliya ni tuhi’ pinaayi,
6Asha zuliya ni tuhi’ pinaayi,
Naftali zuliya ni tuhi’ pinaayi,
Manaasa zuliya ni tuhi’ pinaayi,
7Simiɔn zuliya ni tuhi’ pinaayi,
Lɛvi zuliya ni tuhi’ pinaayi,
Isaka zuliya ni tuhi’ pinaayi,
8Zɛbulɔn zuliya ni tuhi’ pinaayi,
Yisifu zuliya ni tuhi’ pinaayi,
Bɛnjamin zuliya ni mi tuhi’ pinaayi.
Salo pam yɛla
9Dimbɔŋɔ nyaaŋa ka n daa lihi nya salo pam bɛn ka kalinli; ka bɛ nyɛla bɛn yi dɔɣim kam ni mini zuliya balibu kam ni ni niriba balibu kam ni ni tinzun yɛligu kam nima ni na n-ye binyɛr’ piɛla n-laɣim ʒe nam ʒiishee la mini Piɛbil’ la tooni, ka gbib’ abie tihi vari bɛ nuhi ni, 10ka duhiri bɛ yɛhi yɛra, “Tiliginsim yila ti Duuma Naawuni ŋun ʒi nam ʒiishee ŋɔ ni mini Piɛbil’ ŋɔ sanna!” 11Ka malaikanim’ bɛn zaa daa ʒe n-gili nam ʒiishee maa mini kpamba la ni binnɛma anahi la daa gbani nam ʒiishee maa tooni n-jɛmdi Naawuni 12ka yɛra, “Ami! Ti Duuma Naawuni ŋun su alibarika mini yɛm ni yiko ni kpiɔŋ simdi jilima tibu mini paɣibu ni tibigibu hal ni saha din ka bahigu! Ami!”
13Di saha ka kpamba maa ni yino bɔhi ma, “Bɛn ye binyɛr’ piɛla n-ʒiɛya ŋɔ lee nyɛla banima, ka ya polo ka bɛ lee yina?” 14#Dan 12.1; Mat 24.21; Maak 13.19 Ka n garigi yɛl’ o, “N dana, m bi mi. Wuhim’ ma!” Ka o yɛli ma, “Bɛmbɔŋɔ maa nyɛla bɛn yi wahala titali dibu ni na ka nyɛ bɛ ni zaŋ Piɛbil’ la ʒim paɣ’ shɛb’ binyɛra ka di paligi zaa la.
15Dinzuɣu ka bɛ be Naawuni nam ʒiishee la tooni
n-jɛmd’ o wuntaŋ’ ni mini yuŋ o jɛmbu duu puuni maa;
ka ŋun ʒi nam ʒiishee mahim kul ni luri bɛ zuɣu.
16 #
Aiz 49.10
Ka kum bee kɔnyuri ku lan gbaai ba,
ka wuntaŋ’ tulim bee
biisim shɛli mi ku lan kpe ba.
17 #
Yila 23.1; Ɛzɛk 34.23; Yila 23.2; Aiz 49.10; 25.8 Dama ŋun be nam ʒiishee maa sunsuuni ŋɔ n-yɛn nyɛ bɛ gula,
ka lan nyɛ ŋun yɛn zaŋdi ba tahiri nyɛvili kɔbilisirim shee.
Ka Naawuni ni nyɛhi bɛ nintam zaa bahi.”
Currently Selected:
Kahigibu 7: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
