Kahigibu 6

Bintabinda tabigibu

1Ka n daa nya Piɛbil’ maa ni tabigi bintabinda ayopɔin maa ni zaɣ’ yini, ka wum ka binnɛma anahi maa ni zaɣ’ yino ŋun kukoli ŋmani saa tahigu kuhi yɛli, “Kamina!” 2#Zak 1.8; 6.3, 6 Ka n daa lihi nya wɔr’ piɛlli, ka ŋun bar’ o gbibi tɔbu, ka bɛ ti o nam zuɣupiligu, ka o chani gindi n-tuhiri diri nasara. 3Ka Piɛbil’ maa daa tabigi bintabinda maa ni din pah’ ayi, ka n wum ka binnɛɔŋ ŋun pah’ ayi yɛli, “Kamina!” 4#Zak 1.8; 6.2 Ka n nya ka wɔr’ ʒiɛɣu yina pahi, ka bɛ daa niŋ ŋun bar’ o maa yiko, ka ti o takɔb’ titali ni o yihi suhudoo dunia ni, ka di zuɣu chɛ ka daadamnim’ ku taba. 5#Zak 6.2, 6 Piɛbil’ maa ni daa tabigi bintabinda maa ni din pah’ ata, ka n wum ka binnɛɔŋ ŋun pah’ ata yɛli, “Kamina!” Ka n daa lihi nya wɔr’ sabinli, ka ŋun bar’ o gbibi sania o nuu ni. 6Ka n wum damli shɛli binnɛma anahi maa sunsuuni kaman kukol’ la ka di yɛra, “Alikama lita yini nyɛla tumtumda dahin yini tuma yɔri, ka chi lita ata mi nyɛ tumtumda dahin yini tuma yɔri; amaa di niŋ kpam mini wain shɛli!” 7Ka Piɛbil’ maa daa tabigi bintabinda maa ni din pah’ anahi, ka binnɛɔŋ ŋun pah’ anahi yɛli, “Kamina!” 8#Ɛzɛk 14.21 Ka n daa lihi, n nya wɔr’ fufuhigu, ka ŋun bar’ o yuli booni Kum, ka Kpiimba Biɛhigu Shee dol’ o nyaaŋa, ka Naawuni daa ti ba yiko ni bɛ tooi zaŋ takɔbiri mini kum ni alɔbo ni mɔɣu ni biŋkɔb’ biɛri n-ku daadamnim’ niriba anahi kam puuni ninvuɣ’ yino. 9Ka Piɛbil’ maa daa tabigi bintabinda maa ni din pah’ anu, ka n nya bɛ ni daa ku ninvuɣ’ shɛb’ Naawuni yɛligu mini bɛ shɛhira niŋbu zuɣu la shihi bimbini gbini. 10Ka bɛ kuhiri pampam n-yɛra, “Yaa ti Duuma, Zallakudura Naa ŋun nyɛ kasitalilana ni yɛlimaŋlilana ŋɔ, bɔ saha ka a yɛn kari ninvuɣ’ shɛb’ bɛn daa ku ti ka na be dunia ni ŋɔ saria m-bɔhi ba biɛri ti ti?” 11Ka Naawuni daa ti bɛ zaa yinoyino binyɛr’ piɛla, ka yɛli ba ni bɛ na guhim’ hal ka bɛ tumtumdi’ tab’ mini bɛ mabi’ shɛb’ bɛ ni na yɛn ku kaman bɛ ni daa ku ba shɛm la gba yɛla ti naai zaa.

12 # Kah 11.13; 16.18; Aiz 13.10; Joɛl 2.10, 31; 3.15; Mat 24.29; Maak 13.24-25; Luk 21.25 Ka n daa nya ka Piɛbil’ maa tabigi bintabinda maa ni din pah’ ayɔbu, ka tiŋgbani damda, ka wuntaŋ’ sabigi kaman bɛ ni zaŋ chinchin’ shɛli n-tim shim ni la, ka goli mi mooi kaman ʒim la. 13#Aiz 34.4 Ka saŋmarisi luri tiŋ’ na kaman sanʒiɛ’ titali ni yi yiɣisina nti ʒe fiig tia ka di wal’ kaha suuri luri shɛm la. 14#Kah 16.20 Ka sagbana daa kpabikpabi kaman gbaŋ la n-wurim zaa, ka zoli kam mini teeku puuni tiŋgban’ bihi daa vuui di biɛhigu shee. 15#Aiz 2.19, 21 Ka dunia nanim’ mini tiŋgbana zuɣulaannima ni sapashinnima ni bundaannima ni yikolaannima ni sokam zaa bɛn nyɛ daba bee bilichinnima zo nti sɔɣi zoya voya ni mini tampima lɔna ni, 16#Hoz 10.8; Luk 23.30 ka kuhiri yɛri zoya maa mini tampima maa, “Lumiya ti zuɣu na n-lim ti ka ti sɔɣi yi ni, ka ŋun ʒi nam ʒiishee ŋɔ ni nini ku lan nya ti, ka Piɛbil’ ŋɔ mi suhuyiɣisili yɛlli ŋɔ ku paai ti, 17#Joɛl 2.11; Mal 3.2 dama bɛ suhuyiɣisili dabisili paaya, ka ŋuni n-ni tooi zaŋ o nyɔɣu yo li?”

Currently Selected:

Kahigibu 6: DBwDB

Highlight

Copy

Compare