Popular Bible Verses from Kahigibu 7

Share

Dimbɔŋɔ nyaaŋa ka n daa lihi nya salo pam bɛn ka kalinli; ka bɛ nyɛla bɛn yi dɔɣim kam ni mini zuliya balibu kam ni ni niriba balibu kam ni ni tinzun yɛligu kam nima ni na n-ye binyɛr’ piɛla n-laɣim ʒe nam ʒiishee la mini Piɛbil’ la tooni, ka gbib’ abie tihi vari bɛ nuhi ni

ka duhiri bɛ yɛhi yɛra, “Tiliginsim yila ti Duuma Naawuni ŋun ʒi nam ʒiishee ŋɔ ni mini Piɛbil’ ŋɔ sanna!”

Dama ŋun be nam ʒiishee maa sunsuuni ŋɔ n-yɛn nyɛ bɛ gula, ka lan nyɛ ŋun yɛn zaŋdi ba tahiri nyɛvili kɔbilisirim shee. Ka Naawuni ni nyɛhi bɛ nintam zaa bahi.”

Dinzuɣu ka bɛ be Naawuni nam ʒiishee la tooni n-jɛmd’ o wuntaŋ’ ni mini yuŋ o jɛmbu duu puuni maa; ka ŋun ʒi nam ʒiishee mahim kul ni luri bɛ zuɣu. Ka kum bee kɔnyuri ku lan gbaai ba, ka wuntaŋ’ tulim bee biisim shɛli mi ku lan kpe ba.

n-yɛra, “Di niŋya dunia bee teeku bee tihi shɛli hal ka ti ti zaŋ bintabinda tabili ti Naawuni jɛmdiba gbiɛri zuɣu naai pɔi.” Ka n daa wum bɛ ni tabili ninvuɣ’ shɛb’ maa kalinli, ka bɛ nyɛla ninvuɣ’ tuhi’ kɔbiga ni tuhi’ pihinahi ni tusaanahi bɛn nyɛ bɛn yi Izraɛl zuliya kam ni na