Kahigibu 18

Babilɔn lubu

1Dimbɔŋɔ nyaaŋa ka n daa lan nya malaika so ŋun mali yiko pam ka o yi alizanda ni na, ka o jilima neesim daa neei dunia ŋɔ luɣilikam. 2#Aiz 13.21; 21.9; Jɛr 50.39; 51.8; Kah 14.8 Ka o daa duh’ o yee pam kuhi yɛli, “Babilɔn din nyɛ tin’ tital’ la luya! Di leela alizin’ biɛri biɛhigu shee ka leei tabizahim shia kam zaŋ tabili noom’ biɛɣ’ kam bɛn mali daɣiri biɛhigu shee, 3#Aiz 23.17; Jɛr 5.7 dama zuliya kam pun nyu o kɔr’ biɛri wain la, ka dunia nanim’ niŋ zina o sani, ka dunia kɔhigɔriba niŋ bundaannima o kɔr’ biɛri din galisi pam maa zuɣu.” 4#Aiz 48.20; Jɛr 50.8; 51.6 Di saha maa ka n daa lan wum ka kukol’ shɛli yi alizanda ni na yɛra,

“N niriba, yimiya o ni na ka o daalahichi

ku tabili ya,

ka o daalɔbo balibubalibu mi ku din ya,

5 # Pil 18.20-21; Jɛr 51.9 dama o daalahichi dumi hal ti paai sagbana,

ka Naawuni teeg’ o tuumbiɛri yɛla.

6 # Yila 137.8; Jɛr 50.29 N niriba, niŋmiy’ o o ni daa niŋ ya shɛm labisi,

ka yɔny’ o o tuma samli siɣimsiɣim buyi!

Niŋmiy’ o binnyurigu ka di to

n-gari o ni daa niŋ shɛm n-tin ya la!

7O ni daa duh’ omaŋa o tuumbiɛri zuɣu la zuɣu,

niŋmiy’ o nahiŋgu ka o fabili lala!

Dama o yɛli o suhu ni: N dila nam ʒiya!

M pala pakoli! Lala zuɣu n ku nya suhusaɣiŋgu.”

8 # Aiz 47.7-9 Dinzuɣu dahin yini ka alɔbo balibu paai shɛm

ni ti lu o zuɣu.

Dina n-nyɛ: Dɔro mini fabila ni kum.

Ka buɣim ni ti di o,

dama ŋun yɛn kar’ o saria lala maa

n-nyɛ ti Duuma Naawuni ŋun mali kpiɔŋ ŋɔ.

9 # Ɛzɛk 26.16-17 Ka dunia ŋɔ nanim’ bɛn daa niŋ zina o sani ni kɔr’ biɛr’ la yi ti nya o buɣim dibu nyɔhi, bɛ ni kum ka fabili pam.

10Bɛ ni ti zo dabiɛm n-kaɣ’ ti ʒe kpaŋ’ ha o nahimbu biɛrim nyabu maa zuɣu ka yɛra, “Mbaye! Mbaye! Nyin’ tin’ titali ŋɔ, nyin’ Babilɔn ŋun nyɛ tin’ titali ŋɔ, awa yini puuni ka a zani lu n-dahim zaa!” 11#Ɛzɛk 27.31, 36 Ka dunia ŋɔ kɔhigɔriba gba ni ti kum ka fabili paɣ’ maa zuɣu, so ni bi lan dari bɛ nɛma zuɣu. 12Bɛ nɛma din nyɛ salima mini anzinfa ni kuɣ’ viɛla ni waya ni situr’ piɛla ni ago ni silinchi ni mulifu m-pahi da’ shɛŋa din nyom viɛla mini wɔbinyina binyara balibu kam ni bɛ ni zaŋ da’ viɛl’ shɛŋa din mali shaara m-mali binshɛɣukam ni daanya ni kuriti ni kuɣa binyara balibu kam 13#Ɛzɛk 27.12, 13, 22 ni kanaafiri ni binnyoon’ viɛla balibu kam ni tulaale zim ni tulaale zin’ shɛŋa bɛ ni booni mɛɛr ni firanki tulaale zim la ni wain ni kpam ni zim balli mini chi ni niɣi mini piɛri ni yuri ni chɛchɛbunsi zaŋ tabili daba mini ninsalinim’ nyɛviya la. 14Ka kɔhigɔriba maa yɛl’ o, “A suhu ni yi yuri binshɛŋa la zaa zoya ka chɛ a, ka a buni min’ a bin’ suma zaa zo ka chɛ a, ka a ku lan nya li yaha!” 15#Ɛzɛk 27.31, 36 Ka kɔhigɔriba bɛn daa leei bundaannim’ paɣ’ maa zuɣu la ni ti kaɣ’ ti ʒe kpaŋa o ni nya nahiŋgu shɛli din mali dabiɛm maa zuɣu, ka kuhiri ka fabindi 16yɛra, “Mbaye! Mbaye, tin’ titali din daa ye binyɛr’ piɛlli mini ago ni mulifu, ka salima ni waya ni kuɣ’ viɛla bina nyaɣim di luɣilikam la! 17#Aiz 23.14; Ɛzɛk 23.14; Ɛzɛk 27.26-30 Awa yini puuni ka di bun’ la zaa zani bahi yoli!”

Ka ŋariŋduhiriba zuɣulaannim’ mini ŋariŋkpɛriba ni ŋariŋduhiriba ni bɛn zaa wolima yiri teeku ni na kaɣ’ ti ʒe kpaŋ’ ha, 18#Ɛzɛk 27.32 ka lihiri buɣim ni dir’ o ka di nyɔhi kpuɣiri duri zuɣusaa maa ka kuhiri yɛra, “Tin’ dini n-yi lee beni ŋ-ŋmani tin’ titali ŋɔ?” 19#Ɛzɛk 27.30-34 Ka bɛ kɔriti taŋkpaɣu m-puɣiri bɛ zuɣuri, ka kumdi ka fabindi kuhiri yɛra, “Mbaye! Mbaye, tin’ titali ŋɔ daazichi zuɣu ka bɛn mali ŋarima mini ŋariŋduhiriba zaa leei bundaannim’ la, ka di ti zani awa yini puuni n-lu n-dahim zaa!”

20 # Zal 32.43; Jɛr 51.48 Ka man’ Jɔn daa wum ka kukoli maa lan yɛli, “Yinim’ alizanda ni nim’ mini Naawuni ninvuɣ’ gahinda ni Yisa tuumba ni anabinima, maliya suhupiɛlli o dahimbu maa zuɣu, dama Naawuni m-bɔh’ o biɛri tin ya maa!”

21 # Jɛr 51.63-64; Ɛzɛk 26.21 Di saha ka malaika so ŋun mali kpiɔŋ pam daa kpuɣ’ kuɣili din ŋmani nɛ’ titali m-bahi teeku puuni ha ka yɛra, “Lala ka nyin’ Babilɔn din nyɛ tin’ titali ŋɔ ti shiri yɛn lu n-wurim zaa, ka so ti ku lan mi a zaashee yaha! 22#Ɛzɛk 26.13; Aiz 24.10 Ka so ti ku lan wum mɔɣilo ŋmɛriba mini bana ni alijeeta piɛbiriba ni kika’ piɛbiriba damli a ni; ka tuuni kam tuumbaŋda ti ku lan be a ni, ka so ti ku lan wum nɛli vubu a ni! 23#Jɛr 7.34; 25.10 Ka firila ti ku lan ne a ni; ka so mi ti ku lan wum amiliya aŋgo min’ o daamiliya kukoya a ni, dama a kɔhigɔriba daa nyɛla dunia ŋɔ wɔɣira, ka a daa zaŋ a baɣibuɣibo yɔhim zuliya kam!”

24 # Jɛr 51.49 Lala n-shiri niŋ Babilɔn maa bɛ ni daa nya anabinim’ mini Naawuni ninvuɣ’ gahinda zaŋ tabili bɛ ni daa ku ninvuɣ’ shɛb’ zaa dunia ŋɔ ni la ʒim di puuni la zuɣu.

Currently Selected:

Kahigibu 18: DBwDB

Highlight

Copy

Compare