Kahigibu 17

Pagɔr’ biɛɣu

1 # Jɛr 51.13 Di saha ka malaikanima ayopɔin bɛn daa mali lah’ ayopɔin maa ni yino kana nti yɛli ma, “Kamina ka n ti wuh’ a pagɔr’ biɛɣu ŋun du n-ʒi kulisi koma zuɣu ŋɔ saria karibu ni yɛn nyɛ shɛm. 2#Aiz 23.17; Jɛr 51.7 Ŋuna n-nyɛ dunia ŋɔ nanim’ ni tum zina ni paɣ’ so, ka dunianim’ zaa nyu o zina maa wain n-kul’ la.” 3#Kah 13.1 Ka malaika maa daa ʒi ma n-chaŋ mɔɣu ni Naawuni Shia Kasi yiko ni, ka n ti nya paɣ’ so ka o ʒi biŋkɔb’ ʒiɛɣu zuɣu, ka Naawuni mɔbu yuya nyaɣim biŋkɔbigu maa luɣilikam, ka o mali zuɣur’ ayopɔin ni yila pia. 4#Jɛr 51.7 Paɣ’ maa daa yɛla ago ʒiɛɣu, ka o luɣilikam nyaɣim salima mini kuɣ’ viɛla yɛri ni waya, ka o gbib’ salima pipia o nuu ni ka chihi’ biɛri min’ o zina niŋbu tabizahim daɣiri pal’ li, 5ka ashili yuli sab’ pa o gbɛɣu zuɣu. Di ni daa sab’ shɛm m-bɔŋɔ, “Babilɔn titali, pagɔra mini dunia chihi’ biɛri ma.” 6Ka n daa nya ka paɣ’ maa nyu Naawuni ninvuɣ’ gahinda mini bɛ ni daa ku ninvuɣ’ shɛba Yisa dolibu zuɣu la ʒim n-kuli. N ni daa nya o lala maa, ka di niŋ ma alahiziba pam. 7Ka malaika maa bɔhi ma, “Bɔzuɣu ka a chɛ ka di niŋ a alahiziba? N ni yɛl’ a paɣ’ maa min’ o ni bar’ biŋkɔb’ so ŋun mali zuɣur’ ayopɔin ni yila pia maa daashili yɛla. 8#Dan 7.7; Kah 11.7; Yila 69.28 Biŋkɔb’ so a ni nya maa nyɛla ŋun daa pun beni, ka nyɛ ŋun lan kani pumpɔŋɔ, ka mi nyɛ ŋun yɛn yi bɔɣ’ zilinli din ziliŋ ka tariga la ni na n-chaŋ bahiyoli shee, ka dunianim’ bɛn yuya pun bi sabi nyɛvili litaafi ni dunia piligu ni ha la ti nya biŋkɔbigu maa ka di niŋ ba alahiziba o ni daa pun be, ka ti lan kani, ka lan nyɛ ŋun ni ti kana maa zuɣu.

9“Di niŋ kamaata ni nira niŋ siɣa ni yɛm dimbɔŋɔ puuni. Zuɣur’ ayopɔin maa nyɛla zoya ayopɔin shɛŋa zuɣu paɣ’ maa ni du n-ʒiya; 10ka lan nyɛ nanima ayopɔin shɛb’ bɛn niriba anu pun lu, ka bɛ niriba ayi bɛn kpalim maa ni yino be nam ni pumpɔŋɔ, ka yino la ŋun’ na bi di, amaa o yi ti di, o ku yuui. 11Biŋkɔb’ so ŋun daa pun be ka ti lan kani la nyɛla naa ŋun pah’ anii, amaa o nyɛla nanima ayopɔin la ni yino, ka o gba ni bahi yoli.

12 # Dan 7.24 “Yila pia shɛŋa a ni daa nya la mi nyɛla nanim’ pia bɛn na bi di nam, amaa bɛ ni ti ti ba yiko ka bɛ di nam pahi biŋkɔbigu la zuɣu awa yini. 13Bɛ ni ti niŋ naŋgban’ yini n-zaŋ bɛ fukumsi mini bɛ yiko zaa n-ti biŋkɔbigu maa. 14Ka bɛ ti lo tɔbu n-tuhi Piɛbil’ la, amaa ka Piɛbil’ maa ni ti nyaŋ ba, dama o nyɛla duumanim’ zaa Duuma ni nanim’ zaa Naa, ka bɛn be o sani nyɛla ninvuɣ’ shɛb’ o ni boli min’ o ni pii ka bɛ nyɛ bɛn ʒe o yim.”

15Di saha ka malaika maa daa yɛli ma, “A ni nya kulisi ko’ shɛŋa ka pagɔrili la du n-ʒi di zuɣu la nyɛla salo bɛn yi niriba balibu pam ni mini zuliyanim’ pam ni ni tinzun yɛligu pam nim’ ni na. 16Yila pia shɛŋa mi a ni nya la mini biŋkɔbigu la ni laɣim je pagɔrili maa, bɛ ni bah’ o yoli zaa hal ka o ti kpalim o zaɣim. Bɛ ni ti dari tɔh’ o ŋ-ŋubi ka chɛ din kpalim n-zaŋ nyo buɣim. 17Naawuni n-daa zaŋ di tɛha niŋ yila pia maa suhuri ni ni bɛ tum ŋun’ Naawuni ni pun lo shɛm. Lala zuɣu ka o chɛ ka bɛ niŋ naŋgban’ yini n-zaŋ bɛ yiko zaa ti biŋkɔbigu la hal ni ŋun’ Naawuni yɛligu ti niŋ pali.

18“Paɣ’ so a ni daa nya maa ni nyɛla tin’ tital’ shɛli din su dunia nanim’ zaa yiko.”

Currently Selected:

Kahigibu 17: DBwDB

Highlight

Copy

Compare