Jɔn 15
15
Yisa ŋun nyɛ wain ti’ maŋli
1Yisa daa yɛliya, “Mani n-nyɛ wain ti’ maŋli la, ka m Ba mi nyɛ di gula. 2Wulli kam din tuɣ’ ma ka bi wandi wala, o ŋmari li mi bahi, amaa wulli kam din tuɣ’ ma ka wandi wala, o wahirila di wulli maa nyoya ni bahiri ni di maan wali pam pahi. 3Yɛl’ shɛŋa n ni pun wuhi ya la n-chɛ ka yinim’ mali zaa ka ka daɣiri ŋɔ. 4Benya n ni, ka n gba be yi ni. Tiwulli ku tooi wali wala dimaŋmaŋ’ yiko ni ka pa ni di tuɣila tia; yi gba ku tooi wali wala, shee yi tuɣila mani.
5 “Mani n-nyɛ tia maa, ka yi mi nyɛ di wula; ŋun kul tuɣ’ ma ka n gba tuɣ’ o, ŋuna n-wandi wala pam; dama yi yi bi tuɣ’ ma, yi ku tooi niŋ shɛli. 6Nir’ yi bi tuɣ’ ma, o ŋmanila wul’ shɛli bɛ ni wooi bahi ka di kuui, ka bɛ laɣisi di dari niŋ buɣim ni ka di di li. 7Yi yi tuɣi ma ka n yɛligu be yi suhuri ni, ka yi suhi yi ni bɔri shɛlikam zaa, yi ni nya li. 8Yi yi wali wala viɛnyɛliŋga, dina n-ni chɛ ka m Ba nya jilima pam, di mi n-ni lan wuhi ni yi nyɛla n nyaandoliba. 9M Ba ni yuri ma shɛm, lala ka n gba yuri ya. Benya n yurilim ni. 10Yi yi doli n zaligu, yi ni be n yurilim maa ni kaman n gba ni doli m Ba zaligu ka be o yurilim ni shɛm.
11 “N yɛli ya la dimbɔŋɔnima ni di chɛ ka n suhupiɛlli be yi ni, ka yi suhupiɛlli maa yaɣi. 12#Jɔn 13.34; 15.17; 1 Jɔn 3.23; 2 Jɔn 5 N zaligu maa m-bɔŋɔ: ‘Yumiya taba kaman n ni yuri ya shɛm.’ 13Nir’ yi zaŋ o nyɛvili taɣ’ o zɔnim’ dini, yurilim shɛl’ lan kani gari li. 14Yi yi doli n zaligu, yi nyɛla n zɔnima. 15Zuŋɔ zaŋ chana, n ku lan boli ya n daba, dama dabili bi mi o duuma daashili; amaa n ni boli ya la n zɔnima, dama n ni wum shɛlikam zaa m Ba sani, n zaŋ li wuhi ya. 16Pa yinima m-pii ma, amaa mani m-pii ya, ka zali ya ni yi chaŋ ti pum puma n-wali ka yi wala maa ku kpihim; ka yi yi ti zaŋ n yuli suhi binshɛɣukam m Ba sani, o ni tin ya li. 17Dimbɔŋɔ n-nyɛ zaligu shɛli n ni zali ya, ‘Yumiya taba!’ ”
Dunianim’ yi jɛn ya Yisa dolibu zuɣu
18 “Dunianim’ yi jɛn ya, yin’ baŋmiya ni mani ka bɛ pun daŋ zaɣisi ka naanyi ti jɛn ya maa. 19Yi yi di nyɛla dunia ŋɔ ni su ninvuɣ’ shɛba, dunianim’ naan yuri ya, amaa yi pala dunia ni su shɛba, dama mani m-pii ya, dinzuɣu ka dunia ŋɔ nim’ jɛn ya maa. 20#Mat 10.24; Luk 6.40; Jɔn 13.16 Teemiya n ni daa yɛli ya shɛm la, ‘Ye dabili bi gar’ o duuma.’ Bɛ yi daa niŋ ma wahala, lala ka bɛ ni niŋ yi gba wahala; bɛ mi yi daa deei n noli, bɛ ni deei yi gba dini. 21Amaa bɛ ni niŋ ya dimbɔŋɔnim’ zaa n zuɣu, dama bɛ bi mi ŋun tim ma na. 22N yi di daa bi kana ti wuhi ba, bɛ naan ku mali taali, amaa pumpɔŋɔ bɛ ku tooi lan chihi yi bɛ taali maa ni. 23Ŋunkam je ma, o je m Ba gba. 24N yi di daa bi tum daadam ni na ʒi n-tum tuun’ shɛli bɛ sani, bɛ naan ku mali taali; amaa pumpɔŋɔ bɛ nya n ni tum shɛlikam maa, ka yaɣ’ di zuɣu zaɣisi m mini m Ba zaa. 25#Yila 35.19; 69.4 Dimbɔŋɔ mi niŋmi ni di chɛ ka di ni sab’ shɛm bɛ zaligu ni ni bɛ kul je ma la yol’ la niŋ pali.
26 “Amaa Sɔŋda so n ni yɛn tim ka o yi m Ba sani n-ka yi sanna la nyɛla yɛlimaŋli ni be so ni. O yi ti kana, o ni leei n shɛhiralana. 27Yi gba nyɛla n shɛhiranima, yi ni pun be n sani piligu ni hal ni pɔŋɔ la zuɣu.”
Currently Selected:
Jɔn 15: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.