Galɛshianima 6
6
Tab’ ʒiya ʒibu
1M mabihi, yi yi nya ka so tum alahichi, di niŋ kamaata ni yinim’ bɛn mali Naawuni Shia Kasi biɛhigu ŋɔ zaŋ tarimtali biɛhigu yiɣis’ o zali. Ka lihimiya yimaŋ’ viɛnyɛliŋga, dama di pa shɛli ka yi gba ti nya zahimbu. 2Ʒimiya tab’ ʒiya, ka di chɛ ka Masia zaligu niŋ pali. 3So yi tɛhi ni o nyɛla shɛli ka pa shɛli, o yɔhindila omaŋa. 4Amaa chɛliya ka sokam buɣis’ omaŋmaŋ’ tuma nya, di nyaaŋa o ni mali dalir’ shɛli ni o nyu bara ni bela omaŋmaŋ’ tuma ni, ka pa ni o ʒiʒiinikpee tuma ni. 5Dama di nyɛla talahi ni sokam ʒi omaŋmaŋ’ ʒili.
6Di simdi ni ŋun deeri wuhibu zaŋdi bin’ suma balibu kam tiri ŋun wuhir’ o.
7Di yɔhimya yimaŋa; Naawuni pala bɛ ni maani so ansarisi, dama ninsal’ ni biri binshɛli, dina ka o ni ti chɛ. 8Ŋun biriti omaŋmaŋ’ niŋgbuŋ kɔre biɛhigu bimbira ni ti chɛla din poora niŋgbuŋ kɔre maa zuɣu; amaa ŋun biriti Naawuni Shia Kasi biɛhigu bimbira ni ti chɛla nyɛvili din ka bahigu, Naawuni Shia Kasi maa zuɣu. 9Di chɛliya ka ti gbarigi zaŋ chaŋ tuun’ suma tumbu polo dama ti yi bi gbarigi, chɛbu saha yi ti paai, ti ni chɛ ti ni biri shɛli. 10Dinzuɣu ti yi mali dahima, yin’ chɛliya ka ti tum sokam zaa tuun’ suma, di bahi bamdi bɛn nyɛ mabi’ yinsi yɛda niŋbu puuni la.
Zuɣu ni kpahibu mini puhigu din bahindi nyaaŋa
11Nyamiya n ni zaŋ mmaŋmaŋ’ nuu n-sab’ bachibihi kar’ shɛŋa tin ya! 12Bɛn muɣisiri ya ni yi guni la nyɛla bɛn bɔri ni bɛ duhi bɛmaŋa niŋgbuŋ biɛhigu puuni, ka di daliri kul nyɛla ni bɛ di nya nahiŋgu Masia dapulli yɛla zuɣu; 13dama hal bɛn guni gba maŋmaŋ’ bi doli fukumsi zaligu, amaa din chɛ ka bɛ bɔri ni yi guni nyɛla ni bɛ tooi nyu bara yi niŋgbuŋ biɛhigu zuɣu. 14Amaa Naawuni tiligim’ ma ka n nyu bara shɛli zuɣu ka pa ni ti Duuma Yisa Masia dapulli la kɔŋko zuɣu. Masia dapulli maa zuɣu dunia nyɛla binkpiŋ n sani, ka n gba nyɛ binkpiŋ dunia ŋɔ sani. 15Dama nir’ yi guni bee o yi bi guni di zaa shɛli ka buchi, amaa biɛr’ palli malibu n-nyɛ din mali buchi. 16Naawuni zom’ ninvuɣ’ shɛb’ bɛn doli n ni wuhi so’ shɛli ŋɔ min’ o niriba bɛn nyɛ Izraɛlnima alali la zaa nambɔɣu, ka ti ba suhudoo! 17Pumpɔŋɔ zaŋ chana, so di lan muɣisiri ma, dama m mali wulɛ’ shɛŋa din be n niŋgbuŋ ni n-wuhiri ni n nyɛla Yisa ni su so.
18M mabihi, ti Duuma Yisa Masia daalibarika kpalimmi be yi ni! Ami!
Currently Selected:
Galɛshianima 6: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
