Popular Bible Verses from Galɛshianima 6

Share

Di chɛliya ka ti gbarigi zaŋ chaŋ tuun’ suma tumbu polo dama ti yi bi gbarigi, chɛbu saha yi ti paai, ti ni chɛ ti ni biri shɛli.

Dinzuɣu ti yi mali dahima, yin’ chɛliya ka ti tum sokam zaa tuun’ suma, di bahi bamdi bɛn nyɛ mabi’ yinsi yɛda niŋbu puuni la.

Ʒimiya tab’ ʒiya, ka di chɛ ka Masia zaligu niŋ pali.

Di yɔhimya yimaŋa; Naawuni pala bɛ ni maani so ansarisi, dama ninsal’ ni biri binshɛli, dina ka o ni ti chɛ.

Ŋun biriti omaŋmaŋ’ niŋgbuŋ kɔre biɛhigu bimbira ni ti chɛla din poora niŋgbuŋ kɔre maa zuɣu; amaa ŋun biriti Naawuni Shia Kasi biɛhigu bimbira ni ti chɛla nyɛvili din ka bahigu, Naawuni Shia Kasi maa zuɣu.

M mabihi, yi yi nya ka so tum alahichi, di niŋ kamaata ni yinim’ bɛn mali Naawuni Shia Kasi biɛhigu ŋɔ zaŋ tarimtali biɛhigu yiɣis’ o zali. Ka lihimiya yimaŋ’ viɛnyɛliŋga, dama di pa shɛli ka yi gba ti nya zahimbu.

So yi tɛhi ni o nyɛla shɛli ka pa shɛli, o yɔhindila omaŋa. Amaa chɛliya ka sokam buɣis’ omaŋmaŋ’ tuma nya, di nyaaŋa o ni mali dalir’ shɛli ni o nyu bara ni bela omaŋmaŋ’ tuma ni, ka pa ni o ʒiʒiinikpee tuma ni. Dama di nyɛla talahi ni sokam ʒi omaŋmaŋ’ ʒili.