Kolɔsainima PILIGU
PILIGU
Pool ni daa sabi gban shɛli ti Kolɔsainima’ ŋɔ, o daa sabi li tila cheechi shɛli din be Kolɔsai din nyɛ fɔntin’ shɛli din daa be Ɛshabila zaŋ labi Ɛfɛsus wulimpuhili polo la. Cheechi maa daa pala Pool ni daa kpa shɛli, amaa di daa bela Pool ni su luɣ’ shɛli, ka o daa timdi tumtumdiba ka bɛ yiri Ɛfɛsus din daa nyɛ Romnim’ ni su Ɛsha yaɣ’ shɛli polo tinzuɣu la ni na. Bɛ daa yɛli Pool ni so’ wuhiriba bɛn nyɛ ʒirinim’ be Kolɔsai cheechi ni, bɛn kul yɛri ni nir’ yi yɛn baŋ ka nya tiliginsim ni yɛlimaŋli ni faashee o jɛmdila shihi bɛn nyɛ zuɣulaannim’ mini bɛn su yiko la.
Ka din pahi nyɛla so’ wuhiriba ŋɔ daa yɛliya ni di simdi ka nir’ gbibi taara shɛŋa din nyɛ gunibu la, ka doli bindira zaligunima la viɛnyɛliŋga ni yɛli shɛŋa din pahi.
Pool sabila gbaŋ ŋɔ ni o zaŋ Kristiɛn lahibali din nyɛ yɛlimaŋli ŋɔ n-galim bɛ wuhibu maa. O garigibu maa yɛlikpani nyɛla ni Yisa Masia ni tooi ti nir’ tiliginsim zaa ni amaa bɛ ni niŋ binshɛŋa yɛda pahi maa mini bɛ ni niŋdi binshɛŋa maa nyɛla din kpɛhiri nir’ yɔɣu. Masia kɔbili ni ka o lan yɛn zaŋ binnamda zaa labisi omaŋmaŋ’ sani. Kulla ti mini Masia laɣim be puuni kɔŋko n-ni chɛ ka dunianim’ mali tiliginsim nyabu tahima.
Di nyaaŋa Pool kahigi wuhi binshɛŋa din be wuhibu titali ŋɔ puuni yɛdaniŋdiba biɛhigu ni. Di nyɛla din veeni ni ti baŋ ni Taikikus ŋun daa zaŋ Pool gbaŋ maa tahi Kolɔsai maa mini Onɛsimus ŋun daa nyɛ dabili la n-daa doli chaŋ. Onɛsimus maa zuɣu ka Pool daa sabi gbaŋ ti Failimɔn la.
Din be litaafi ŋɔ puuni
Piligu 1.1-8
Masia biɛhigu min’ o tuma 1.9—2.19
Nyɛvili palli din be Masia ni 2.20—4.6
Naabu 4.7-18
Currently Selected:
Kolɔsainima PILIGU: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.