1 Timoti PILIGU
PILIGU
Timoti ŋun daa nyɛ Kristiɛn nachimbila, ka yi Ɛshabil’ na ŋɔ daa nyɛla Yɛhudia paɣ’ bia, ka o ba nyɛ Giriiki doo. O daa leela Pool dolinikpee mini ŋun sɔŋd’ o o waazu yihibu tuma ni. Pool ni daa tuui sabi gban shɛli ti Timoti ŋɔ daa nyɛla din gbibi yɛlikpana ata:
Gbaŋ maa tuuli yɛtɔɣa daa nyɛla din saɣisiri niriba zaŋ chaŋ ʒiri wuhibu shɛŋa din daa be cheechi ni la polo. Wuhibunim’ maa daa nyɛla Yɛhudianim’ mini bɛn pa Yɛhudianim’ tɛha din daa gabi taba, ka di mi daa du n-tamla yɛda shɛli bɛ ni daa gbibi ka di wuhi ni dunia ŋɔ nyɛla din bie ka nir’ yi bɔri ni o nya tiliginsim naɣila o malila ashili baŋsim gahindili, ka chɛ bindiri shɛŋa dibu ka bi niŋ amiliya.
Gbaŋ maa lan malila wuhibu shɛŋa din nyɛ cheechi puuni tuma mini jɛma ni yɛn nyɛ shɛm ni biɛhigu shɛli din simdi ni cheechi toondaannim’ mini cheechi puuni sɔŋdiba mali. Ka di zaa nyaaŋa, o wuhi Timoti o ni yɛn niŋ shɛm nyɛ Yisa Masia tumtumdi suŋ ni o ni mali tuun’ shɛli ni o tum yɛdaniŋdiba laɣiŋgu balibu kam ni.
Din be litaafi ŋɔ puuni
Piligu 1.1-2
Wuhibu zaŋ chaŋ cheechi mini di kpamba polo 1.3—3.16
O wuhi Timoti o tuma ni yɛn nyɛ shɛm 4.1—6.21
Currently Selected:
1 Timoti PILIGU: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.