2 Tɛsalɔnaikanima 3
3
Suhimiya Naawuni
1Ti mabihi, din bahindi nyaaŋa nyɛla, suhimiya Naawuni tiri ti ka o chɛ ka ti Duuma yɛligu yɛligi yomyom ka di nasara kaman di ni daa di nasara yi sani shɛm la. 2Kul suhimiya Naawuni ni o yihim’ ti tɛhibiɛrinim’ mini ninvuɣ’ biɛri nuu ni, dama pa sokam zaa n-nyɛ bɛn niŋ yɛda. 3Amaa ti Duuma nyɛla ŋun ʒe yim. O ni tin ya kpiɔŋ, ka gbib’ ya ka Sintani ku paai ya. 4Ti Duuma chɛ ka ti niŋ ya naani, ka mi ni yi niŋdi ti ni wuhi ya shɛm, ka kul ni niŋdi ti ni wuhi shɛm maa. 5Ti Duuma yoomi yi suhuri ka yi baŋ Naawuni yurilim ni nyɛ shɛm, ka chɛ ka yi mali ʒiɛyimtali din nyɛ Masia dini.
Di niŋ talahi ni sokam tum tuma
6Ti mabihi, ti Duuma Yisa Masia zuɣu ti zali ya ni yi gbaamiya yimaŋa ni yi mabihi bɛn zaa nyɛ gbinnyaɣinima ka bi doli wuhibu shɛli ti ni daa wuhi ya la. 7Yimaŋmaŋ’ mi viɛnyɛliŋga ni di simdi ni yi chɛ ka yi biɛhigu be kaman ti biɛhigu. Ti ni daa be yi san’ la ti daa pala gbinnyaɣinima. 8Ti daa bi deei shɛli so sani ka bi yo di zuɣu, amaa ti daa kul tumdila wuntaŋ’ ni ni yuŋ zaa ni di chɛ ka ti yɛla ku ʒi yi ni so zuɣu. 9Di pala ti daa kala soli ni ti deei shɛli yi sani zuɣu ka ti daa niŋdi lala maa, amaa ti daa bɔrimi ni ti niŋ li ka yi nya, ka di chɛ ka yi biɛhigu be kaman ti biɛhigu. 10Ti ni daa be yi sani maa, ti daa bahi ya noli ni ŋun je ni o tum tuma bi simdi ni o di. 11Dama ti wumya ni ninvuɣ’ shɛb’ be yi ni n-nyɛ ʒinahigunima ka je ni bɛ tum shɛli, ka bɛ tuma naɣ’ kul nyɛla dari gindi kpɛri niriba yɛla ni kɔŋko. 12Ti Duuma Yisa Masia zuɣu ti kpamdi ninvuɣ’ shɛb’ bɛn niŋdi lala maa jaande, ka zaani ba zaligu ni bɛ be baalim ka tummi tuma lihiri bɛmaŋa. 13Ti mabihi, di gbarigiya tuun’ suma tumbu ni. 14Ka yi ni so yi zaɣisi ti ni yɛli ya shɛm gbaŋ ŋɔ ni deebu, yin’ kpahimmiya dilana, ka di chɛliya ka yi min’ o lan mali jina, ka di ni chɛ ka vi gbaag’ o. 15Yi mi di lihiy’ o kaman o nyɛla yi dima, amaa lee saɣisimiy’ o mi kaman yi mabia la.
Yɛtɔɣ’ shɛŋa din bahindi nyaaŋa
16Ti suhiri ti Duuma maŋmaŋa ŋun nyɛ suhudoo ni yiri so sanna la ni o timiya suhudoo sahakam mini yɛlli kam ni. Ti Duuma kul kpalimmi be yi zaa sani! 17Man’ Pool maŋmaŋ’ nuu n-sab’ puhigu yɛtɔɣa ŋɔ. Ŋ-ŋɔ ka n dalindi n gbaŋ kam. N ni sabiri shɛm m-bala. 18Ti Duuma Yisa Masia daalibarika kpalimmi be yi zaa ha ni!
Currently Selected:
2 Tɛsalɔnaikanima 3: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
