1 Jɔn PILIGU
PILIGU
Gban shɛli din daŋ tooni ka nyɛ din daa yi Jɔn sanna ŋɔ malila yɛlikpana ayi: ni di kpaŋsi bɛn karindi li ka bɛ mali dolintabitali bɛ mini Naawuni ni o Bia Yisa sani, ka kpahi bɛ zuɣu ni ni bɛ di doli ʒiri wuhibu din ni saɣim dolintabitali maa. Bɛn daa wuhiri ʒiri wuhibu maa daa yɛliya ni dunia ŋɔ biɛhigu n-chɛ ka niriba tumdi tuumbiɛri, dinzuɣu ni Yisa ŋun nyɛ Naawuni Bia maa ku nyɛla ninsala. Karimba ʒirinim’ maa daa yɛliya ni tiligibu nyɛla nir’ nya yolisim dunia ŋɔ yɛla ni. Bɛ daa lan wuhi ni tiliginsim bi dolila nir’ biɛrisuŋ mini nir’ yu o taba. Din chihi ʒiri wuhibu ŋɔ nyɛla ŋun daa sabi gbaŋ ŋɔ kahigi wuhi ni biɛhiŋ kani, Yisa Masia daa nyɛla ninsala, ka lan yɛli ni bɛnkam niŋ Yisa yɛda ka yuri Naawuni, di simdi ka bɛ yuri bɛ taba gba.
Din be litaafi ŋɔ puuni
Piligu 1.1-4
Neesim mini zibisim 1.5—2.29
Naawuni bihi ni Sintani bihi 3.1-24
Yɛlimaŋli ni biriginsim 4.1-6
Yulim tuma 4.7-21
Yɛda din di nasara 5.1-21
Currently Selected:
1 Jɔn PILIGU: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.