1 Jɔn 1

Nyɛvili Yɛligu

1 # Jɔn 1.1 Naawuni ni booni so Nyɛvili Yɛligu la daa pun bela piligu ni, ka ti daa wum o yɛla, ka ti nini daa nya o ka ti lih’ o hal ka ti zaŋ ti nuhi tabis’ o. 2#Jɔn 1.14 Ŋun nyɛ nyɛvili maa ni daa ti yi palo, ti daa nya o ka di o shɛhira, ka yɛri ya ŋuna ŋun nyɛ nyɛvili din ka bahigu ka daa be ti Ba Naawuni sani, ka ŋun’ Naawuni daa kahig’ o wuhi ti la yɛla. 3Ti ni daa nya so ka wum o yɛla maa yɛla ka ti yɛri ya maa ni di chɛ ka ti mini ya mali dolintabitali, ka ti mi dolintabitali maa bela ti Ba Naawuni min’ o Bia Yisa Masia sani. 4Ti sabirila dimbɔŋɔnim’ tiri ya ni di chɛ ka ti mali suhupiɛlli zaa.

Naawuni ŋun nyɛ neesim

5Dimbɔŋɔ nyɛla yɛtɔɣ’ shɛŋa ti ni daa wum Naawuni Bia maa sani ka yɛri ya di yɛla. Dina n-nyɛ: Naawuni nyɛla neesim, ka zibisim ka o ni hal baabiɛla. 6Ka ti yi yihi yɛli ni ti min’ o mali dolintabitali ka be zibisim ni, dindina ti ŋmarila ʒiri ti yɛtɔɣa ni mini ti tuma puuni. 7Amaa ti yi be neesim ni kaman o ni be neesim ni shɛm, ti ni mali dolintabitali ni taba, ka o Bia Yisa ʒim kul ni kpihindi ti daalahichi zaa bahira. 8Ka ti yi yihi yɛli ni ti ka alahichi, ti yɔhimla timaŋa ka yɛlimaŋli ka ti ni. 9Ka ti yi kahigi ti daalahichi wuhi Naawuni, o nyɛla ŋun ʒe o daalikauli nyaaŋa ka niŋdi din tuhi, ka ni chɛ ti daalahichi paŋ ti, ka kul ni kpihindi dinkam zaa bi doli wuntia soli ti biɛhigu ni bahira. 10Ka ti mi yi yihi yɛli ni ti bi tum alahichi, dindina ti zaŋ Naawuni leela ʒirilana, ka o yɛligu ka ti ni.

Currently Selected:

1 Jɔn 1: DBwDB

Highlight

Copy

Compare