1 Kɔrintinima 15
15
Yisa Masia kum ni neebu
1M mabihi, pumpɔŋɔ m bɔri ni n teei ya n ni daa zaŋ yɛtɔɣ’ shɛŋa yihi lahibal’ suŋ waazu tin ya la. Yi daa dee’ li ka ʒe di ni, 2ka yi yi gbib’ li viɛnyɛliŋga, dina n-nyɛ yi ni tiligi shɛli zuɣu, ka naɣila yi daa naɣ’ niŋla yɛda yoli.
3 #
Aiz 53.5-12
Dama yɛlikpan’ shɛli n ni daa zaŋ tin ya la nyɛla n gba ni daa tuui deei shɛli. Dina n-nyɛ: Yisa Masia daa kpila ti daalahichi zuɣu kaman Naawuni Kundi ni wuhi shɛm; 4#Yila 16.8-10; Mat 12.40; Tuma 2.24-32 ka bɛ daa sɔɣ’ o, ka o neei kum ni daba ata dali kaman Naawuni Kundi ni wuhi shɛm. 5#Mat 28.16-17; Maak 16.14; Luk 24.24; Jɔn 20.19 O daa yi Pita zuɣu, ka daa ti yi o nyaandoliba pinaayi la gba zuɣu. 6Di nyaaŋa ka o daa lan yi ti mabihi gari kɔbisinu zuɣu yim, ka bɛ ni pam na be bɛ nyɛviya ni hal ni pɔŋɔ, ka bɛ ni biɛla mi gbihiri kum ni. 7Dimbɔŋɔ nyaaŋa ka o daa yi Jeemsi zuɣu, ka daa lan yi o tuumba la zaa gba zuɣu.
8 #
Tuma 9.3-6
Ka ŋun bahindi nyaaŋa ka Masia daa yi o zuɣu nyɛla man’ ŋun kpalim nyaaŋa dɔɣim palli nyabu ni ŋɔ; 9#Tuma 8.3 dama mani n-nyɛ ŋun pɔri o tuumba maa zaa ni, hal ka m bi simdi ni bɛ boli ma o tumo gba, n ni daa niŋ Naawuni cheechi alaka la zuɣu. 10Amaa Naawuni daalibarika zuɣu ka n nyɛ n ni nyɛ so ŋɔ, ka o daalibarika zaŋ chaŋ m polo pala yoli, dama n tumiya gari bɛ zaa, amaa pa mani n-tum li, Naawuni daalibarika din be n ni maa n-tum li. 11Ka di yi nyɛla mani bee bɛna, lahibal’ suŋ ŋɔ yɛla waazu ka ti yihiri tiri ya, ka lahibal’ suŋ maa mi nyɛ yi ni daa niŋ shɛli yɛda la.
Timaŋmaŋ’ kum ni neebu yɛla
12Dinzuɣu ti yi yihiri waazu yɛri ni Masia daa neei kum ni, di chaŋ wula ka yi ni shɛb’ yɛri ni kpiimba kum ni neebu kani? 13Ka kpiimba kum ni neebu yi kani, dindina Masia daa bi neei kum ni m-bala. 14Ka Masia yi daa bi neei kum ni, dindina ti waazu yihibu nyɛla yoli, ka yi yɛda niŋbu gba nyɛ yoli. 15Ka din gari lala nyɛla, di yi shiri nyɛla yɛlimaŋli ni kpiimba bi neeri kum ni, dindina Naawuni daa bi neei Masia kum ni m-bala, ka ti gba leei bɛn ŋma ʒiri pa Naawuni, dama ti pun di Naawuni shɛhira ni o daa neei Masia kum ni. 16Ka kpiimba kum ni neebu yi kani, dindina Masia daa bi neei kum ni m-bala. 17Ka Masia yi daa shiri bi neei kum ni, dindina yi yɛda niŋbu nyɛla yoli, ka yi na kul kpalim be yi daalahichi ni; 18ka bɛn pun kpi Masia ni la gba bahi yoli. 19Ka di yi nyɛla dunia ŋɔ ni kɔŋko ka ti mali tahima Masia ni, dindina ti nyɛla nambɔ’ niriba gari sokam zaa.
20Yɛlimaŋli din beni nyɛla ŋ-ŋɔ: Masia daa shiri neei kum ni, ka leei bɛn gbihiri kum ni la toondana. 21Daadam ni daa tahi kum na shɛm, lala ka daadam lan tahi kpiimba kum ni neebu gba na; 22dama kaman sokam zaa ni kpi Adam ni shɛm, lala ka sokam zaa ni neei kum ni Masia zuɣu. 23Amaa sokam zaa ni o saha: Masia n-nyɛ ŋun daŋ tooni; ka o ni ti yɛn su shɛb’ o labbuna saha mi naanyi paya. 24Di nyaaŋa di bahigu saha ni ti paai ka o bahi nam balibu kam mini bɛn su fukumsi ni yiko balibu kam yoli, ka zaŋ o nam ti Naawuni ŋun nyɛ o Ba la. 25#Yila 110.1 Dama di niŋ kamaata ni o diri nam hal ti nyaŋ o dimnim’ zaa n-du n-tam bɛ zuɣu. 26Ka o ni ti yɛn bahi nyaŋ o dim’ so ŋun bahindi nyaaŋa nyɛla kum. 27#Yila 8.6 Dama di sab’ Naawuni Kundi ni ni Naawuni pun zaŋ binshɛɣukam zaa sɔŋ o naba ni. Amaa di ni sab’ yɛli ni o zaŋ binshɛɣukam zaa sɔŋ Masia naba ni maa, di bi wuhi ni ŋun’ Naawuni pah’ o ni zaŋ binshɛɣukam zaa shɛli sɔŋ o naba ni maa zuɣu. 28Amaa binshɛɣukam zaa yi ti be o naba ni, di saha Naawuni Bia maa maŋmaŋ’ gba ni ti zaŋ omaŋ’ ti Naawuni ŋun nyɛ ŋun zaŋ binshɛɣukam sɔŋ o naba ni maa, ka di chɛ ka Naawuni su binshɛɣukam zaa, ka nyɛ binshɛɣukam sokam zaa sani.
29Di chaŋ wula ka ninvuɣ’ shɛb’ zaani kpiimba zaani n-deeri kom baptaizibu tiri ba? Kpiimba yi bi neeri kum ni, di chaŋ wula ka shɛb’ deeri kom baptaizibu tiri ba? 30Ka bɔzuɣu ka ti be barina ni sahakam? 31M mabihi, n kul bela kum barina ni dabisili kam. N ni nyuri bara yi zuɣu zaŋ chaŋ ti ni mali biɛhigu shɛli ti Duuma Yisa Masia ni la zuɣu n-chɛ ka n yɛl’ lala maa. 32#Aiz 22.13 Ka n ni lo shɛm yi nyɛla daadamtali yɛla kɔŋko, ka m mini Ɛfɛsus ninvuɣ’ shɛb’ bɛn ŋmani biŋkɔb’ biɛri vara, buchi bɔ ka di lee yɛn ku ma? Kpiimba kum ni neebu yi kani, dindina di bemi kaman ninvuɣ’ shɛb’ ni yɛri shɛm la, “Chɛliya ka ti dim’ ka nyuma, dama ti sa ni kpi biɛɣu ni.”
33Di chɛliya ka so yɔhim ya. Dolintab’ biɛr’ biɛɣu dolibu saɣindi biɛrisuŋ. 34Labisimiya yi tɛha zali di zaashee, ka di lan tumdiya alahichi yaha. Di nyɛla vi zaŋ chaŋ yi polo ni n yɛli ni yi ni shɛb’ bi mi Naawuni yɛla baabiɛla.
Bɛn neei kum ni niŋgbuŋ
35Amaa so ni bɔhi, “Ka wula ka kpiimba lee yɛn tooi neei kum ni? Ka niŋgbun bɔ ka bɛ lee yɛn mali?” 36Jɛrigu ŋɔ! A ni biri binshɛli ku bilina ka pa ni di poomi. 37A ni zaŋ binshɛli biri maa kul nyɛla bimbiɛlli ka pa ni bimbilli maŋmaŋa, di pa shɛli di ni nyɛla kabiɛlli bee bimbiɛl’ shɛli. 38Naawuni n-nyɛ ŋun tiri li billi kaman o ni bɔri shɛm; o tiri bimbiɛlli kam la dimaŋmaŋ’ billi.
39Binnɛma zaa niŋgbuŋ bela kɔŋkɔbakɔŋkɔba: Ninsalinim’ niŋgbuŋ bela di ko, ka biŋkɔbiri niŋgbuŋ be di ko, ka noonsi niŋgbuŋ be di ko, ka zahim niŋgbuŋ mi be di ko.
40Alizanda ni niŋgbuŋ beni, ka dunia ŋɔ ni niŋgbuŋ gba beni; amaa alizanda ni niŋgbuŋ viɛlim bela di ko, ka dunia ŋɔ ni niŋgbuŋ gba viɛlim be di ko. 41Wuntaŋ’ viɛlim bela di ko, ka goli viɛlim be di ko, ka saŋmar’ so viɛlim be di ko ka chɛ saŋmar’ so mi viɛlim.
42Lala n-nyɛ kpiimba kum ni neebu gba. Bɛ ni zaŋ niŋgbuŋ shɛli sɔɣi nyɛla din poora, ka din neerina mi nyɛ din bi poora. 43Di sɔɣirimi ni din kɔŋ jilima, ka neeri ni jilima. Di sɔɣirimi ni chɔɣinsi, ka neeri ni yiko. 44Di sɔɣirimi ni dunia ŋɔ ni ninsal’ niŋgbuŋ, ka neeri ni shia ni tiri niŋgbun shɛli nyɛvili. Dunia ŋɔ ni ninsal’ niŋgbuŋ yi beni, shia ni tiri niŋgbun shɛli nyɛvili gba nyɛla din beni. 45#Pil 2.7 Di bemi kaman di ni sab’ shɛm la: Tuuli Adam nyɛla Naawuni ni daa nam so ninvuɣ’ nɛɔŋ, ka Adam ŋun bahindi nyaaŋa mi nyɛ Shi’ so ŋun tiri nyɛvili. 46Pa shia ni tiri niŋgbun shɛli nyɛvili maa n-nyɛ tuuli, amaa dunia ŋɔ ni niŋgbuŋ la n-nyɛ tuuli, ka shia ni tiri niŋgbun shɛli nyɛvili maa naanyi paya. 47Dunia ŋɔ taŋkpaɣu ka Naawuni daa zaŋ nam tuuli Adam; ka Adam ŋun pah’ ayi maa mi nyɛ ŋun yi alizanda ni na. 48Bɛn nyɛ dunia ŋɔ nima bemi kaman Naawuni ni daa zaŋ taŋkpaɣu nam so la, ka bɛn nyɛ alizanda ni nim’ mi be kaman ŋun yi alizanda ni na la. 49Ti ni mali dunia ŋɔ ni doo la kɔtomsi shɛm, lala ka ti ni ti mali do’ so ŋun yi alizanda ni na la gba kɔtomsi.
50M mabihi n yɛri ya mi, Ʒim ni be niŋgbun shɛl’ ni ku tooi kpe Naawuni nam ni, ka din poori mi ku tooi be hal ni saha din ka bahigu.
51-52 #
1 Tɛs 4.15-17
Nyamiya! N yɛn yɛli ya la ashili yɛlli ŋɔ: Pa ti zaa n-yɛn kpi, amaa saha shɛli kika’ shɛli din bahindi nyaaŋa la yi ti kum, ti zaa ni ti taɣi nini kahimbu ni neebu ni. Dama kikaa maa ni ti kum, ka kpiimba ti neei kum ni n-leei bɛn ku pooi, ka ti taɣi. 53Dama di nyɛla talahi ni niŋgbuŋ din poori ŋɔ ti leei din bi poora, ka niŋgbuŋ din kpiri ŋɔ gba ti leei din bi kpira. 54#Aiz 25.8 Ka niŋgbuŋ din poori ŋɔ yi ti leei din bi poora, ka niŋgbuŋ din kpiri ŋɔ mi ti leei din bi kpira, di saha maa di ni ti niŋ kaman di ni sab’ shɛm la:
Kum kɔŋ nasara!
55 #
Hoz 13.14
Haa Kum,
a nasara dibu be ya?
Haa Kum,
a dimbu yiko be ya?
56Kum dimbu yiko nyɛla alahichi; ka alahichi yiko nyɛ zaligu. 57Amaa ti paɣiri Naawuni ŋun tiri ti nasara ti Duuma Yisa Masia zuɣu ŋɔ.
58Dinzuɣu m mabiyurisi, ʒiɛnya dɛde ka di damdiya. Kul tummiya ti Duuma tuma ni yi kpiɔŋ zaa, yi ni mi ni yi tuma ku kpalim yoli ti Duuma ni la zuɣu.
Currently Selected:
1 Kɔrintinima 15: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
1 Kɔrintinima 15
15
Yisa Masia kum ni neebu
1M mabihi, pumpɔŋɔ m bɔri ni n teei ya n ni daa zaŋ yɛtɔɣ’ shɛŋa yihi lahibal’ suŋ waazu tin ya la. Yi daa dee’ li ka ʒe di ni, 2ka yi yi gbib’ li viɛnyɛliŋga, dina n-nyɛ yi ni tiligi shɛli zuɣu, ka naɣila yi daa naɣ’ niŋla yɛda yoli.
3 #
Aiz 53.5-12
Dama yɛlikpan’ shɛli n ni daa zaŋ tin ya la nyɛla n gba ni daa tuui deei shɛli. Dina n-nyɛ: Yisa Masia daa kpila ti daalahichi zuɣu kaman Naawuni Kundi ni wuhi shɛm; 4#Yila 16.8-10; Mat 12.40; Tuma 2.24-32 ka bɛ daa sɔɣ’ o, ka o neei kum ni daba ata dali kaman Naawuni Kundi ni wuhi shɛm. 5#Mat 28.16-17; Maak 16.14; Luk 24.24; Jɔn 20.19 O daa yi Pita zuɣu, ka daa ti yi o nyaandoliba pinaayi la gba zuɣu. 6Di nyaaŋa ka o daa lan yi ti mabihi gari kɔbisinu zuɣu yim, ka bɛ ni pam na be bɛ nyɛviya ni hal ni pɔŋɔ, ka bɛ ni biɛla mi gbihiri kum ni. 7Dimbɔŋɔ nyaaŋa ka o daa yi Jeemsi zuɣu, ka daa lan yi o tuumba la zaa gba zuɣu.
8 #
Tuma 9.3-6
Ka ŋun bahindi nyaaŋa ka Masia daa yi o zuɣu nyɛla man’ ŋun kpalim nyaaŋa dɔɣim palli nyabu ni ŋɔ; 9#Tuma 8.3 dama mani n-nyɛ ŋun pɔri o tuumba maa zaa ni, hal ka m bi simdi ni bɛ boli ma o tumo gba, n ni daa niŋ Naawuni cheechi alaka la zuɣu. 10Amaa Naawuni daalibarika zuɣu ka n nyɛ n ni nyɛ so ŋɔ, ka o daalibarika zaŋ chaŋ m polo pala yoli, dama n tumiya gari bɛ zaa, amaa pa mani n-tum li, Naawuni daalibarika din be n ni maa n-tum li. 11Ka di yi nyɛla mani bee bɛna, lahibal’ suŋ ŋɔ yɛla waazu ka ti yihiri tiri ya, ka lahibal’ suŋ maa mi nyɛ yi ni daa niŋ shɛli yɛda la.
Timaŋmaŋ’ kum ni neebu yɛla
12Dinzuɣu ti yi yihiri waazu yɛri ni Masia daa neei kum ni, di chaŋ wula ka yi ni shɛb’ yɛri ni kpiimba kum ni neebu kani? 13Ka kpiimba kum ni neebu yi kani, dindina Masia daa bi neei kum ni m-bala. 14Ka Masia yi daa bi neei kum ni, dindina ti waazu yihibu nyɛla yoli, ka yi yɛda niŋbu gba nyɛ yoli. 15Ka din gari lala nyɛla, di yi shiri nyɛla yɛlimaŋli ni kpiimba bi neeri kum ni, dindina Naawuni daa bi neei Masia kum ni m-bala, ka ti gba leei bɛn ŋma ʒiri pa Naawuni, dama ti pun di Naawuni shɛhira ni o daa neei Masia kum ni. 16Ka kpiimba kum ni neebu yi kani, dindina Masia daa bi neei kum ni m-bala. 17Ka Masia yi daa shiri bi neei kum ni, dindina yi yɛda niŋbu nyɛla yoli, ka yi na kul kpalim be yi daalahichi ni; 18ka bɛn pun kpi Masia ni la gba bahi yoli. 19Ka di yi nyɛla dunia ŋɔ ni kɔŋko ka ti mali tahima Masia ni, dindina ti nyɛla nambɔ’ niriba gari sokam zaa.
20Yɛlimaŋli din beni nyɛla ŋ-ŋɔ: Masia daa shiri neei kum ni, ka leei bɛn gbihiri kum ni la toondana. 21Daadam ni daa tahi kum na shɛm, lala ka daadam lan tahi kpiimba kum ni neebu gba na; 22dama kaman sokam zaa ni kpi Adam ni shɛm, lala ka sokam zaa ni neei kum ni Masia zuɣu. 23Amaa sokam zaa ni o saha: Masia n-nyɛ ŋun daŋ tooni; ka o ni ti yɛn su shɛb’ o labbuna saha mi naanyi paya. 24Di nyaaŋa di bahigu saha ni ti paai ka o bahi nam balibu kam mini bɛn su fukumsi ni yiko balibu kam yoli, ka zaŋ o nam ti Naawuni ŋun nyɛ o Ba la. 25#Yila 110.1 Dama di niŋ kamaata ni o diri nam hal ti nyaŋ o dimnim’ zaa n-du n-tam bɛ zuɣu. 26Ka o ni ti yɛn bahi nyaŋ o dim’ so ŋun bahindi nyaaŋa nyɛla kum. 27#Yila 8.6 Dama di sab’ Naawuni Kundi ni ni Naawuni pun zaŋ binshɛɣukam zaa sɔŋ o naba ni. Amaa di ni sab’ yɛli ni o zaŋ binshɛɣukam zaa sɔŋ Masia naba ni maa, di bi wuhi ni ŋun’ Naawuni pah’ o ni zaŋ binshɛɣukam zaa shɛli sɔŋ o naba ni maa zuɣu. 28Amaa binshɛɣukam zaa yi ti be o naba ni, di saha Naawuni Bia maa maŋmaŋ’ gba ni ti zaŋ omaŋ’ ti Naawuni ŋun nyɛ ŋun zaŋ binshɛɣukam sɔŋ o naba ni maa, ka di chɛ ka Naawuni su binshɛɣukam zaa, ka nyɛ binshɛɣukam sokam zaa sani.
29Di chaŋ wula ka ninvuɣ’ shɛb’ zaani kpiimba zaani n-deeri kom baptaizibu tiri ba? Kpiimba yi bi neeri kum ni, di chaŋ wula ka shɛb’ deeri kom baptaizibu tiri ba? 30Ka bɔzuɣu ka ti be barina ni sahakam? 31M mabihi, n kul bela kum barina ni dabisili kam. N ni nyuri bara yi zuɣu zaŋ chaŋ ti ni mali biɛhigu shɛli ti Duuma Yisa Masia ni la zuɣu n-chɛ ka n yɛl’ lala maa. 32#Aiz 22.13 Ka n ni lo shɛm yi nyɛla daadamtali yɛla kɔŋko, ka m mini Ɛfɛsus ninvuɣ’ shɛb’ bɛn ŋmani biŋkɔb’ biɛri vara, buchi bɔ ka di lee yɛn ku ma? Kpiimba kum ni neebu yi kani, dindina di bemi kaman ninvuɣ’ shɛb’ ni yɛri shɛm la, “Chɛliya ka ti dim’ ka nyuma, dama ti sa ni kpi biɛɣu ni.”
33Di chɛliya ka so yɔhim ya. Dolintab’ biɛr’ biɛɣu dolibu saɣindi biɛrisuŋ. 34Labisimiya yi tɛha zali di zaashee, ka di lan tumdiya alahichi yaha. Di nyɛla vi zaŋ chaŋ yi polo ni n yɛli ni yi ni shɛb’ bi mi Naawuni yɛla baabiɛla.
Bɛn neei kum ni niŋgbuŋ
35Amaa so ni bɔhi, “Ka wula ka kpiimba lee yɛn tooi neei kum ni? Ka niŋgbun bɔ ka bɛ lee yɛn mali?” 36Jɛrigu ŋɔ! A ni biri binshɛli ku bilina ka pa ni di poomi. 37A ni zaŋ binshɛli biri maa kul nyɛla bimbiɛlli ka pa ni bimbilli maŋmaŋa, di pa shɛli di ni nyɛla kabiɛlli bee bimbiɛl’ shɛli. 38Naawuni n-nyɛ ŋun tiri li billi kaman o ni bɔri shɛm; o tiri bimbiɛlli kam la dimaŋmaŋ’ billi.
39Binnɛma zaa niŋgbuŋ bela kɔŋkɔbakɔŋkɔba: Ninsalinim’ niŋgbuŋ bela di ko, ka biŋkɔbiri niŋgbuŋ be di ko, ka noonsi niŋgbuŋ be di ko, ka zahim niŋgbuŋ mi be di ko.
40Alizanda ni niŋgbuŋ beni, ka dunia ŋɔ ni niŋgbuŋ gba beni; amaa alizanda ni niŋgbuŋ viɛlim bela di ko, ka dunia ŋɔ ni niŋgbuŋ gba viɛlim be di ko. 41Wuntaŋ’ viɛlim bela di ko, ka goli viɛlim be di ko, ka saŋmar’ so viɛlim be di ko ka chɛ saŋmar’ so mi viɛlim.
42Lala n-nyɛ kpiimba kum ni neebu gba. Bɛ ni zaŋ niŋgbuŋ shɛli sɔɣi nyɛla din poora, ka din neerina mi nyɛ din bi poora. 43Di sɔɣirimi ni din kɔŋ jilima, ka neeri ni jilima. Di sɔɣirimi ni chɔɣinsi, ka neeri ni yiko. 44Di sɔɣirimi ni dunia ŋɔ ni ninsal’ niŋgbuŋ, ka neeri ni shia ni tiri niŋgbun shɛli nyɛvili. Dunia ŋɔ ni ninsal’ niŋgbuŋ yi beni, shia ni tiri niŋgbun shɛli nyɛvili gba nyɛla din beni. 45#Pil 2.7 Di bemi kaman di ni sab’ shɛm la: Tuuli Adam nyɛla Naawuni ni daa nam so ninvuɣ’ nɛɔŋ, ka Adam ŋun bahindi nyaaŋa mi nyɛ Shi’ so ŋun tiri nyɛvili. 46Pa shia ni tiri niŋgbun shɛli nyɛvili maa n-nyɛ tuuli, amaa dunia ŋɔ ni niŋgbuŋ la n-nyɛ tuuli, ka shia ni tiri niŋgbun shɛli nyɛvili maa naanyi paya. 47Dunia ŋɔ taŋkpaɣu ka Naawuni daa zaŋ nam tuuli Adam; ka Adam ŋun pah’ ayi maa mi nyɛ ŋun yi alizanda ni na. 48Bɛn nyɛ dunia ŋɔ nima bemi kaman Naawuni ni daa zaŋ taŋkpaɣu nam so la, ka bɛn nyɛ alizanda ni nim’ mi be kaman ŋun yi alizanda ni na la. 49Ti ni mali dunia ŋɔ ni doo la kɔtomsi shɛm, lala ka ti ni ti mali do’ so ŋun yi alizanda ni na la gba kɔtomsi.
50M mabihi n yɛri ya mi, Ʒim ni be niŋgbun shɛl’ ni ku tooi kpe Naawuni nam ni, ka din poori mi ku tooi be hal ni saha din ka bahigu.
51-52 #
1 Tɛs 4.15-17
Nyamiya! N yɛn yɛli ya la ashili yɛlli ŋɔ: Pa ti zaa n-yɛn kpi, amaa saha shɛli kika’ shɛli din bahindi nyaaŋa la yi ti kum, ti zaa ni ti taɣi nini kahimbu ni neebu ni. Dama kikaa maa ni ti kum, ka kpiimba ti neei kum ni n-leei bɛn ku pooi, ka ti taɣi. 53Dama di nyɛla talahi ni niŋgbuŋ din poori ŋɔ ti leei din bi poora, ka niŋgbuŋ din kpiri ŋɔ gba ti leei din bi kpira. 54#Aiz 25.8 Ka niŋgbuŋ din poori ŋɔ yi ti leei din bi poora, ka niŋgbuŋ din kpiri ŋɔ mi ti leei din bi kpira, di saha maa di ni ti niŋ kaman di ni sab’ shɛm la:
Kum kɔŋ nasara!
55 #
Hoz 13.14
Haa Kum,
a nasara dibu be ya?
Haa Kum,
a dimbu yiko be ya?
56Kum dimbu yiko nyɛla alahichi; ka alahichi yiko nyɛ zaligu. 57Amaa ti paɣiri Naawuni ŋun tiri ti nasara ti Duuma Yisa Masia zuɣu ŋɔ.
58Dinzuɣu m mabiyurisi, ʒiɛnya dɛde ka di damdiya. Kul tummiya ti Duuma tuma ni yi kpiɔŋ zaa, yi ni mi ni yi tuma ku kpalim yoli ti Duuma ni la zuɣu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.