1 Kɔrintinima 14
14
Naawuni Shia Kasi pina yɛla din pahi
1Chɛliya ka yi suhuri ye yurilim zuɣu, ka bomiya Naawuni Shia Kasi pina, di bahi bamdi anabitali yɛtɔɣa tɔɣisibu pini. 2Ŋun mali tinzun yɛligu balibu kam yɛtɔɣa tɔɣisibu pini, o bi mal’ li tɔɣisirila ninsalinima, amaa o mal’ li tɔɣisirila Naawuni, dama o tɔɣisirila yɛlisɔɣira Naawuni Shia Kasi yiko ni, ka so bi mi o ni tɔɣisiri yɛl’ shɛŋa maa gbinni. 3Amaa ŋun tɔɣisiri anabitali yɛtɔɣa mal’ li tɔɣisirila ninsalinima bɛ kpaŋsibu mini bɛ saɣisibu ni bɛ suhumaabo zuɣu. 4Ŋun tɔɣisiri tinzun yɛligu balibu kam yɛtɔɣa kpaŋsirila omaŋa, amaa ŋun tɔɣisiri anabitali yɛtɔɣa kpaŋsirila cheechi ni niriba.
5N di bɔri ni yi zaa tɔɣisirila tinzun yɛligu balibu kam yɛtɔɣa, amaa m paɣiya ni yi tɔɣisirila anabitali yɛtɔɣa, dama ŋun tɔɣisiri anabitali yɛtɔɣa gari ŋun tɔɣisiri tinzun yɛligu balibu kam yɛtɔɣa, ka naɣila so n-wuhi di gbinni ni di kpaŋsi cheechi ni niriba. 6M mabihi n yi ka yi sanna ti tɔɣisirila tinzun yɛligu balibu kam yɛtɔɣa, buchi bɔ ka di yɛn kun ya, ka pa ni n zaŋla yɛla kahigibu bee baŋsim yɛtɔɣa bee anabitali yɛtɔɣa bee wuhibu yɛla tɔɣisi ya.
7Hal binshɛŋa din ka nyɛvili kaman yua bee mɔɣilo, ka pa ni bɛ piɛb’ li mi bee ŋ-ŋme li ka di doli soli, wula ka nir’ ni tooi baŋ di ni kum yɛli shɛm? 8Ka timpani yi bi kum tɔb’ chiriga kumsi ŋuni n-lee ni mali shili chaŋ tɔb’ tuhibu? 9Lala n-nyɛ yi gba: Yi yi tɔɣisiri tinzun yɛtɔɣ’ shɛli so ni bi mi, wula ka so ni tooi baŋ di gbinni? Di yi nyɛ lala, dindina yi tɔɣisiri bahirila pɔhim ni yoli. 10Biɛhiŋ kani, tinzun yɛligu balibu paai shɛm be dunia ŋɔ ni, ka di shɛli mi kani ka bi mali gbinni. 11Ka n yi bi mi tinzun yɛtɔɣ’ shɛli gbinni, dindina n nyɛla tinzun nira ŋun tɔɣisiri li maa sani, ka o gba nyɛ tinzun nira n sani. 12Dinzuɣu yimaŋmaŋ’ suhuri ni ye Shia Kasi pina bɔbu zuɣu shɛm, chɛliya ka yi suhuri ye din ni kpaŋsi cheechi ni niriba gba zuɣu lala.
13Di simdi ni ŋun tɔɣisiri tinzun yɛtɔɣ’ shɛli suhi Naawuni ka o niŋ o yiko, ka o kahigi di gbinni wuhi. 14Dama n yi suhuri Naawuni tinzun yɛtɔɣ’ shɛl’ ni, n shia n-suhiri maa, amaa di ka buchi zaŋ chaŋ m milinsi polo. 15Dimbɔŋɔ gbinni lee nyɛ wula? N ni suhi Naawuni n shia ni, ka lan suhi Naawuni m milinsi ni; n ni yili yila n shia ni, ka lan yili yila m milinsi ni gba. 16Di yi pa lala a yi paɣiri Naawuni la a shia ni kɔŋko, wula ka ŋun ka yi kalinli ni ka lan ʒi a ni yɛli shɛm maa gbinni ni tooi yɛli, “Ami,” a Naawuni paɣibu maa zuɣu? 17Di pa shɛli a shiri paɣirila Naawuni viɛnyɛliŋga, amaa di pala din ni kpaŋsi so suhu. 18M paɣiri Naawuni n ni tɔɣisiri tinzun yɛligu balibu kam yɛtɔɣa Naawuni Shia Kasi yiko ni gari yi zaa la zuɣu, 19amaa cheechi ni m paɣi ni n tɔɣisi yɛtɔɣa diba anu m milinsi puuni din ni chɛ ka n wuhi niriba gari ni n tɔɣisi yɛtɔɣa tuhi’ pia tinzun yɛligu balibu kam yɛtɔɣa ni.
20M mabihi, di benya kaman bihi la yi tɛha ni, amaa benyami kaman bihi la zaŋ chaŋ din nyɛ biɛr’ biɛɣu polo, ka lee bi dɔbba yi tɛha ni. 21#Aiz 28.11-12 Di sab’ Naawuni zaligu ni ni ti Duuma yɛliya:
“N ni zaŋ niriba bɛn tɔɣisiri tinzun yɛligu balibu kam yɛtɔɣa
mini tinzunnim’ noya ni yɛtɔɣa tɔɣisi niriba ŋɔ,
amaa di zaa yoli, bɛ ku bahi wum n yɛligu.” 22Dinzuɣu tinzun yɛligu balibu kam yɛtɔɣa tɔɣisibu nyɛla shihirili bɛn bi niŋ yɛda sani, ka pa ni bɛn niŋ yɛda la sani, amaa anabitali yɛtɔɣa tɔɣisibu nyɛla shihirili bɛn niŋ yɛda sani, ka pa ni bɛn bi niŋ yɛda la sani.
23Dinzuɣu cheechi zaa yi ti laɣim ka sokam tɔɣisirila tinzun yɛligu balibu kam yɛtɔɣa Naawuni Shia Kasi yiko ni, ka bɛn ka yi kalinli ni mini bɛn bi niŋ yɛda kpɛna, bɛ ku yɛli ni yi kpɛla yinyari? 24Amaa yi zaa yi tɔɣisirila anabitali yɛtɔɣa, ka ŋun bi niŋ yɛda bee ŋun ka yi kalinli ni kpɛna, yi zaa ni yɛri shɛm maa ni chih’ o suhu, ka yi zaa ni yɛri shɛm maa ni lan vih’ o 25n-chɛ ka o suhu ni daashiya zaa yi zahira. Ka di zuɣu ni chɛ ka o gban’ tiŋ’ jɛm Naawuni, ka yihi yɛli ni Naawuni shiri be yi sani.
Soli din simdi dolibu cheechinim’ ni
26M mabihi, dimbɔŋɔ gbinni lee nyɛ wula? Yi yi ti laɣim, yi ni so malila yilli, ka so mali wuhibu yɛtɔɣa, ka so mali yɛla kahigibu yɛtɔɣa, ka so mali tinzun yɛligu yɛtɔɣ’ shɛli, ka so mi mali tinzun yɛligu gbinni wuhibu yɛtɔɣa. Chɛliya ka binshɛɣukam niŋla sokam kpaŋsibu zuɣu. 27Ka shɛb’ yi tɔɣisiri tinzun yɛligu balibu kam yɛtɔɣa Naawuni Shia Kasi yiko ni, chɛliya ka bɛ niriba ata bee ayi kɔŋko n-tɔɣisiri ka tiri taba; ka chɛ ka so wuhi di gbinni. 28Amaa so yi kani ŋun ni wuhi di gbinni, yin’ chɛliya ka bɛ shini baalim cheechi puuni, ka naɣ’ mal’ li tɔɣisiri li mi ni Naawuni mini bɛmaŋmaŋa bɛ suhuri ni. 29Chɛliya ka bɛn tɔɣisiri anabitali yɛtɔɣa puuni niriba ata bee ayi tɔɣisi; ka chɛ ka bɛn kpalim buɣisi bɛ ni yɛli shɛm maa. 30Ka di yi kahigi wuhi bɛn ʒiya maa ni so ni o wuhi shɛli, yin’ chɛliya ka ŋun tuui tɔɣisirila fo; 31dama yi zaa ni tooi tɔɣisi anabitali yɛtɔɣa ka ti taba, ka di chɛ ka yi zaa tooi bɔhim shɛli, ka lan nya kpaŋsibu.
32Anabinima n-su bɛmaŋmaŋ’ shihi fukumsi, 33dama Naawuni pala ŋun tumdi chirachira, amaa o nyɛla Naawuni ŋun tumdi din doli soli.
Zaŋ chaŋ di ni be Yisa nyaandoliba cheechinim’ zaa ni shɛm la polo, 34chɛliya ka paɣiba shini baalim cheechinim’ ni, dama bɛ ka soli ni bɛ tɔɣisi yɛtɔɣa. Di bi simdi ni bɛ nyɛ toondaannim’ kaman Naawuni zaligu ni wuhi shɛm. 35Bɛ yi bɔri ni bɛ baŋ shɛli, bɛn’ bɔhimi bɛ yidaannim’ yiŋa, dama di nyɛla vi ni paɣ’ tɔɣisi yɛtɔɣa cheechi ni.
36Di chaŋ wula? Yi sani ka Naawuni yɛligu yina? Bee yi kɔŋko sani ka di kana? 37So yi tɛhi ni o nyɛla anabi bee ŋun mi Naawuni Shia Kasi yɛla, di simdi ni o saɣi ni n ni sabiri shɛli tiri ya ŋɔ nyɛla ti Duuma zaligu. 38So yi bi saɣi li, yin’ di chɛliya ka yi baɣa be o ni.
39Dinzuɣu m mabihi, chɛliya ka yi suhuri kul ye anabitali yɛtɔɣa tɔɣisibu zuɣu, ka di zaɣisiya tinzun yɛligu balibu kam yɛtɔɣa tɔɣisibu Naawuni Shia Kasi yiko ni gba. 40Amaa chɛliya ka binshɛɣukam zaa lee niŋdi dɛde ka doli soli.
Currently Selected:
1 Kɔrintinima 14: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
1 Kɔrintinima 14
14
Naawuni Shia Kasi pina yɛla din pahi
1Chɛliya ka yi suhuri ye yurilim zuɣu, ka bomiya Naawuni Shia Kasi pina, di bahi bamdi anabitali yɛtɔɣa tɔɣisibu pini. 2Ŋun mali tinzun yɛligu balibu kam yɛtɔɣa tɔɣisibu pini, o bi mal’ li tɔɣisirila ninsalinima, amaa o mal’ li tɔɣisirila Naawuni, dama o tɔɣisirila yɛlisɔɣira Naawuni Shia Kasi yiko ni, ka so bi mi o ni tɔɣisiri yɛl’ shɛŋa maa gbinni. 3Amaa ŋun tɔɣisiri anabitali yɛtɔɣa mal’ li tɔɣisirila ninsalinima bɛ kpaŋsibu mini bɛ saɣisibu ni bɛ suhumaabo zuɣu. 4Ŋun tɔɣisiri tinzun yɛligu balibu kam yɛtɔɣa kpaŋsirila omaŋa, amaa ŋun tɔɣisiri anabitali yɛtɔɣa kpaŋsirila cheechi ni niriba.
5N di bɔri ni yi zaa tɔɣisirila tinzun yɛligu balibu kam yɛtɔɣa, amaa m paɣiya ni yi tɔɣisirila anabitali yɛtɔɣa, dama ŋun tɔɣisiri anabitali yɛtɔɣa gari ŋun tɔɣisiri tinzun yɛligu balibu kam yɛtɔɣa, ka naɣila so n-wuhi di gbinni ni di kpaŋsi cheechi ni niriba. 6M mabihi n yi ka yi sanna ti tɔɣisirila tinzun yɛligu balibu kam yɛtɔɣa, buchi bɔ ka di yɛn kun ya, ka pa ni n zaŋla yɛla kahigibu bee baŋsim yɛtɔɣa bee anabitali yɛtɔɣa bee wuhibu yɛla tɔɣisi ya.
7Hal binshɛŋa din ka nyɛvili kaman yua bee mɔɣilo, ka pa ni bɛ piɛb’ li mi bee ŋ-ŋme li ka di doli soli, wula ka nir’ ni tooi baŋ di ni kum yɛli shɛm? 8Ka timpani yi bi kum tɔb’ chiriga kumsi ŋuni n-lee ni mali shili chaŋ tɔb’ tuhibu? 9Lala n-nyɛ yi gba: Yi yi tɔɣisiri tinzun yɛtɔɣ’ shɛli so ni bi mi, wula ka so ni tooi baŋ di gbinni? Di yi nyɛ lala, dindina yi tɔɣisiri bahirila pɔhim ni yoli. 10Biɛhiŋ kani, tinzun yɛligu balibu paai shɛm be dunia ŋɔ ni, ka di shɛli mi kani ka bi mali gbinni. 11Ka n yi bi mi tinzun yɛtɔɣ’ shɛli gbinni, dindina n nyɛla tinzun nira ŋun tɔɣisiri li maa sani, ka o gba nyɛ tinzun nira n sani. 12Dinzuɣu yimaŋmaŋ’ suhuri ni ye Shia Kasi pina bɔbu zuɣu shɛm, chɛliya ka yi suhuri ye din ni kpaŋsi cheechi ni niriba gba zuɣu lala.
13Di simdi ni ŋun tɔɣisiri tinzun yɛtɔɣ’ shɛli suhi Naawuni ka o niŋ o yiko, ka o kahigi di gbinni wuhi. 14Dama n yi suhuri Naawuni tinzun yɛtɔɣ’ shɛl’ ni, n shia n-suhiri maa, amaa di ka buchi zaŋ chaŋ m milinsi polo. 15Dimbɔŋɔ gbinni lee nyɛ wula? N ni suhi Naawuni n shia ni, ka lan suhi Naawuni m milinsi ni; n ni yili yila n shia ni, ka lan yili yila m milinsi ni gba. 16Di yi pa lala a yi paɣiri Naawuni la a shia ni kɔŋko, wula ka ŋun ka yi kalinli ni ka lan ʒi a ni yɛli shɛm maa gbinni ni tooi yɛli, “Ami,” a Naawuni paɣibu maa zuɣu? 17Di pa shɛli a shiri paɣirila Naawuni viɛnyɛliŋga, amaa di pala din ni kpaŋsi so suhu. 18M paɣiri Naawuni n ni tɔɣisiri tinzun yɛligu balibu kam yɛtɔɣa Naawuni Shia Kasi yiko ni gari yi zaa la zuɣu, 19amaa cheechi ni m paɣi ni n tɔɣisi yɛtɔɣa diba anu m milinsi puuni din ni chɛ ka n wuhi niriba gari ni n tɔɣisi yɛtɔɣa tuhi’ pia tinzun yɛligu balibu kam yɛtɔɣa ni.
20M mabihi, di benya kaman bihi la yi tɛha ni, amaa benyami kaman bihi la zaŋ chaŋ din nyɛ biɛr’ biɛɣu polo, ka lee bi dɔbba yi tɛha ni. 21#Aiz 28.11-12 Di sab’ Naawuni zaligu ni ni ti Duuma yɛliya:
“N ni zaŋ niriba bɛn tɔɣisiri tinzun yɛligu balibu kam yɛtɔɣa
mini tinzunnim’ noya ni yɛtɔɣa tɔɣisi niriba ŋɔ,
amaa di zaa yoli, bɛ ku bahi wum n yɛligu.” 22Dinzuɣu tinzun yɛligu balibu kam yɛtɔɣa tɔɣisibu nyɛla shihirili bɛn bi niŋ yɛda sani, ka pa ni bɛn niŋ yɛda la sani, amaa anabitali yɛtɔɣa tɔɣisibu nyɛla shihirili bɛn niŋ yɛda sani, ka pa ni bɛn bi niŋ yɛda la sani.
23Dinzuɣu cheechi zaa yi ti laɣim ka sokam tɔɣisirila tinzun yɛligu balibu kam yɛtɔɣa Naawuni Shia Kasi yiko ni, ka bɛn ka yi kalinli ni mini bɛn bi niŋ yɛda kpɛna, bɛ ku yɛli ni yi kpɛla yinyari? 24Amaa yi zaa yi tɔɣisirila anabitali yɛtɔɣa, ka ŋun bi niŋ yɛda bee ŋun ka yi kalinli ni kpɛna, yi zaa ni yɛri shɛm maa ni chih’ o suhu, ka yi zaa ni yɛri shɛm maa ni lan vih’ o 25n-chɛ ka o suhu ni daashiya zaa yi zahira. Ka di zuɣu ni chɛ ka o gban’ tiŋ’ jɛm Naawuni, ka yihi yɛli ni Naawuni shiri be yi sani.
Soli din simdi dolibu cheechinim’ ni
26M mabihi, dimbɔŋɔ gbinni lee nyɛ wula? Yi yi ti laɣim, yi ni so malila yilli, ka so mali wuhibu yɛtɔɣa, ka so mali yɛla kahigibu yɛtɔɣa, ka so mali tinzun yɛligu yɛtɔɣ’ shɛli, ka so mi mali tinzun yɛligu gbinni wuhibu yɛtɔɣa. Chɛliya ka binshɛɣukam niŋla sokam kpaŋsibu zuɣu. 27Ka shɛb’ yi tɔɣisiri tinzun yɛligu balibu kam yɛtɔɣa Naawuni Shia Kasi yiko ni, chɛliya ka bɛ niriba ata bee ayi kɔŋko n-tɔɣisiri ka tiri taba; ka chɛ ka so wuhi di gbinni. 28Amaa so yi kani ŋun ni wuhi di gbinni, yin’ chɛliya ka bɛ shini baalim cheechi puuni, ka naɣ’ mal’ li tɔɣisiri li mi ni Naawuni mini bɛmaŋmaŋa bɛ suhuri ni. 29Chɛliya ka bɛn tɔɣisiri anabitali yɛtɔɣa puuni niriba ata bee ayi tɔɣisi; ka chɛ ka bɛn kpalim buɣisi bɛ ni yɛli shɛm maa. 30Ka di yi kahigi wuhi bɛn ʒiya maa ni so ni o wuhi shɛli, yin’ chɛliya ka ŋun tuui tɔɣisirila fo; 31dama yi zaa ni tooi tɔɣisi anabitali yɛtɔɣa ka ti taba, ka di chɛ ka yi zaa tooi bɔhim shɛli, ka lan nya kpaŋsibu.
32Anabinima n-su bɛmaŋmaŋ’ shihi fukumsi, 33dama Naawuni pala ŋun tumdi chirachira, amaa o nyɛla Naawuni ŋun tumdi din doli soli.
Zaŋ chaŋ di ni be Yisa nyaandoliba cheechinim’ zaa ni shɛm la polo, 34chɛliya ka paɣiba shini baalim cheechinim’ ni, dama bɛ ka soli ni bɛ tɔɣisi yɛtɔɣa. Di bi simdi ni bɛ nyɛ toondaannim’ kaman Naawuni zaligu ni wuhi shɛm. 35Bɛ yi bɔri ni bɛ baŋ shɛli, bɛn’ bɔhimi bɛ yidaannim’ yiŋa, dama di nyɛla vi ni paɣ’ tɔɣisi yɛtɔɣa cheechi ni.
36Di chaŋ wula? Yi sani ka Naawuni yɛligu yina? Bee yi kɔŋko sani ka di kana? 37So yi tɛhi ni o nyɛla anabi bee ŋun mi Naawuni Shia Kasi yɛla, di simdi ni o saɣi ni n ni sabiri shɛli tiri ya ŋɔ nyɛla ti Duuma zaligu. 38So yi bi saɣi li, yin’ di chɛliya ka yi baɣa be o ni.
39Dinzuɣu m mabihi, chɛliya ka yi suhuri kul ye anabitali yɛtɔɣa tɔɣisibu zuɣu, ka di zaɣisiya tinzun yɛligu balibu kam yɛtɔɣa tɔɣisibu Naawuni Shia Kasi yiko ni gba. 40Amaa chɛliya ka binshɛɣukam zaa lee niŋdi dɛde ka doli soli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.