Kalinlinima 27
27
Zɛlɔfɛhad bipuɣinsi
1Di saha ka Zɛlɔfɛhad bipuɣinsi daa kana. Zɛlɔfɛhad daa nyɛla Hɛfa bia, ka Hɛfa nyɛ Giliad bia, ka Giliad nyɛ Makiri bia, ka Makiri nyɛ Manaasa bia, ka Manaasa nyɛ Yisifu bia. O daa nyɛla Manaasa zuliya ni nira. O bipuɣinsi maa n-daa nyɛ: Mahila mini Nɔa ni Hɔgila ni Milika ni Tiriza. 2Bɛna n-daa kana ti zani Musa mini maligumaana Ɛliɛza ni kpamba ni salo zaa tooni Yawɛ chirigibu shee suɣili dunol’ ni yɛli, 3“Ti ba daa kpila mɔɣu la ni. O daa ka ninvuɣ’ shɛb’ bɛn daa laɣim pahi Kɔra zuɣu taai duŋ niŋ Yawɛ la kalinli ni, amaa omaŋmaŋ’ daalahichi zuɣu ka o daa kpi; ka mi ka bidibisi. 4Ti ba maa ni ka bidibisi maa zuɣu ka o yuli yɛn kpi o daŋ ni maa? Timiya ti ti tarili ni nyɛ shɛli ti ba maa mabihi sani.”
5Ka Musa daa zaŋ bɛ yɛtɔɣa maa ka Yawɛ tooni na. 6Ka Yawɛ daa yɛli Musa: 7#Kal 36.2 Zɛlɔfɛhad bipuɣinsi maa ni yɛli shɛm maa tuhiya. Timiya ba bɛ tarili bɛ ba mabihi maa sani, ka bɛ ba tarili leei bɛ dini. 8Ka a yɛli Izraɛlnima, “Doo yi kpi ka ka bidibiga, yin’ zaŋmiya o fali ti o bipuɣiŋga. 9Ka o yi ka bipuɣiŋga, yin’ zaŋmiy’ o fali ti o mabihi bɛn nyɛ dɔbba. 10Ka o yi ka mabihi bɛn nyɛ dɔbba, yin’ zaŋmiy’ o fali maa ti o ba mabihi bɛn nyɛ dɔbba. 11Ka o ba maa yi ka mabihi bɛn nyɛ dɔbba, yin’ zaŋmiya o fali maa ti o dɔɣir’ so ŋun nyɛ o talahi nira o daŋ ni, ka o su li. Dimbɔŋɔ nyɛla zaligu Izraɛlnim’ sani kaman Yawɛ ni zali Musa shɛm.”
Bɛ pii Jɔshua zali Musa zaani
(Zaligu 31.1-8)
12Ka Yawɛ daa yɛli Musa, “Dum’ Abarim zoya din pie tab’ ŋɔ zuɣu ti nya tiŋgbɔn shɛli n ni zaŋ ti Izraɛlnim’ maa. 13Ka a yi nya li, a gba ni chaŋ ti pah’ a yaannim’ zuɣu kaman a biɛli Aduna ni pahi bɛ zuɣu shɛm la. 14#Zal 3.23-27; 32.48-52 Dama Izraɛlnim’ ni daa taai duŋ niŋ ma Zin mɔɣu ni la, a daa zaɣisi n yɛligu, ka chɛ ka niriba maa bi nya n kasitali kom la shee.” (Mɛriba kom din be Kadɛshi Zin mɔɣu ni la m-bala).
15Ka Musa daa yɛli Yawɛ, 16“Nyin’ Yawɛ ŋun nyɛ binnamda zaa Naawuni ŋɔ, piim’ ninvuɣ’ so leei niriba maa toondana, 17#1 Nan 22.17; Ɛzɛk 34.5; Mat 9.36; Maak 6.34 ka o zaŋdi ba chani tɔbu ni ka zaŋdi ba labirina; ka di chɛ ka nyin’ Yawɛ niriba ku be kaman piɛri bɛn ka gula.”
18 #
Yibu 24.13
Ka Yawɛ daa yɛli Musa, “Piim’ Nan bia Jɔshua ŋun mali biɛrisuŋ la n-zaŋ a nuu pa o zuɣu; 19ka zaŋ o zali maligumaana Ɛliɛza mini niriba maa zaa tooni n-zaŋ o leei bɛ toondana bɛ zaa ninni. 20Zaŋm’ a yiko ŋɔ shɛli ti o, ka di chɛ ka Izraɛlnim’ zaa deer’ o noli. 21#Yibu 28.30; 1 Sam 14.41; 28.6 Amaa o cham’ maligumaana Ɛliɛza sani ka o lihi Urim#27.21 URIM mini TUMIMDi nyɛla binyɛra ayi shɛŋa maligumaana ni daa mal’ lihiri baŋdi Naawuni yubu ni nyɛ shɛli. Amaa ti bi jɛndi mi o ni daa niŋdi li shɛm. puuni Yawɛ sani m-baŋ o ni yɛli shɛm ti o. O mini Izraɛlnim’ zaa doli Ɛliɛza ni yɛli ba shɛm, o yi yɛli ni bɛ yima, bɛn’ yima, ka o yi yɛli ni bɛ labimina, bɛn’ labimina.” 22Ka Musa daa zaŋ Jɔshua ti zali maligumaana Ɛliɛza mini salo maa zaa tooni kaman Yawɛ ni daa zal’ o shɛm maa. 23#Zal 31.23 Ka ŋun’ Musa daa zaŋ o nuhi pa Jɔshua zuɣu n-zaŋ o leei toondana kaman Yawɛ ni daa zal’ o ni o niŋ shɛm.
Red Letter Dagbani Bible © Bible Society of Ghana, 2011