Maika 4
4
Yawɛ zaŋ suhudoo su dunia zaa
(Aizaia 2.1-4)
1Dabisa kanna,
ka bɛ ni ti duhi Yawɛ jɛmbu duu zoli ŋɔ
ka di du n-gari zoya zaa,
ka du n-gari daboya.
Ka niriba ti daai ka di gbinna.
2Ka zuliya bɔbili ti kana ti yɛli,
“Kamiyana ka ti du Yawɛ zoli zuɣu
n-chaŋ Yaakubu Naawuni jɛmbu duu,
ka o ti wuhi ti o soya,
ka ti dol’ o soya maa.”
Dama wuhibu ni ti yi Ziɔn na,
ka Yawɛ yɛligu yi Jɛrusalɛm na.
3 #
Aiz 2.4; Joɛl 3.10 O ni ti mali niriba pam yɛla.
O ni ti mali zuliya shɛb’ bɛn mali yaa ka be katinsi yɛla;
ka bɛ ti zaŋ bɛ takɔbiri kuri kubiɛlima,
ka zaŋ bɛ kpana kuri gɔriti.
Zuliya shɛb’ ti ku lan zaŋ takɔbiri tuhiri zuliya shɛb’ yaha.
Bɛ mi ti ku lan bɔhim tɔbu tuhibu yaha.
4 #
Zak 3.10
Amaa sokam ni ti ʒila o wain tia
bee o fiig tia gbini,
ka so ti ku lan kpɛhi ba dabiɛm yaha.
Dama Yawɛ ŋun nyɛ Tɔbbihi Naa ŋɔ
n-yaag’ o noli yɛli lala maa.
5Dama zuliya kam jɛmdila bɛ wuna,
amaa tinim’ ni jɛmla Yawɛ
ŋun nyɛ ti Naawuni ŋɔ sahakam.
Izraɛlnim’ ni yi dabitim ni labina
6Yawɛ yɛliya, “Dindali maa
n ni ti laɣim gbariti,
ka laɣim n ni daa kari ninvuɣ’ shɛb’ bahi la
mini n ni darigi ninvuɣ’ shɛb’ tibili la.
7N ni ti chɛ ka gbariti maa leei ninvuɣ’ shɛb’ bɛn kpalim;
ka bɛ ni daa kari ninvuɣ’ shɛb’ bahi la ti leei zuliya shɛli din mali yaa,
ka Yawɛ ti su ba Ziɔn Zoli zuɣu sahakam.”
8Ka nyini Ziɔn Zoli,
din nyɛ luɣ’ shɛli Naawuni ni be kaman piɛgula n-lihiri o niriba ŋɔ,
a ni ti lan nya nam shɛli a ni daa pun su la.
9Bɔzuɣu ka a kumdi pampam?
A lan kala naa?
A saawaranim’ kpimi,
ka biɛrim mal’ a kaman paɣ’ ni yɛn dɔɣi ka biɛrim shɛli mal’ o la?
10Nyin’ Ziɔn bipuɣiŋga, ŋmɛlim’ amaŋ’
ka ŋuhimi kaman paɣ’ ŋun wolisira,
dama pumpɔŋɔ a ni yi fɔntiŋ’ ŋɔ ni
chaŋ ti be mɔɣu ni.
Ka di nyaaŋa, a ni ti kuli Babilɔn.
Nimaani ka a ni ti nya faako.
Nimaani ka Yawɛ ni ti tilig’ a
a dimnim’ nuu ni.
11Pumpɔŋɔ zuliya bɔbili
laɣimla taba ni bɛ lir’ a ka yɛra,
“Chɛliya ka ti ta o daɣiri,
chɛliya ka ti mooi ti nini bahi Ziɔn zuɣu.”
12Amaa bɛ bi mi Yawɛ tɛha ni nyɛ shɛm,
bɛ bi mi o ni lo nia shɛli,
bɛ mi bi mi ni o laɣim ba mi
kaman kabɔba ka bɛ lo n-sɔŋ kabɔɣili ni la.
13Ziɔn bipuɣiŋga,
yiɣisima m-bu ba kaman chi la,
dama n ni chɛ ka a yiligu leei kurigu,
ka chɛ ka a takarifiɛma leei daanya,
ka a ti bu n-chɛrisi niriba pam,
ka zaŋ bɛ nyamma ti Yawɛ,
ka zaŋ bɛ daazichi ti dunia zaa Duuma.
Currently Selected:
Maika 4: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Maika 4
4
Yawɛ zaŋ suhudoo su dunia zaa
(Aizaia 2.1-4)
1Dabisa kanna,
ka bɛ ni ti duhi Yawɛ jɛmbu duu zoli ŋɔ
ka di du n-gari zoya zaa,
ka du n-gari daboya.
Ka niriba ti daai ka di gbinna.
2Ka zuliya bɔbili ti kana ti yɛli,
“Kamiyana ka ti du Yawɛ zoli zuɣu
n-chaŋ Yaakubu Naawuni jɛmbu duu,
ka o ti wuhi ti o soya,
ka ti dol’ o soya maa.”
Dama wuhibu ni ti yi Ziɔn na,
ka Yawɛ yɛligu yi Jɛrusalɛm na.
3 #
Aiz 2.4; Joɛl 3.10 O ni ti mali niriba pam yɛla.
O ni ti mali zuliya shɛb’ bɛn mali yaa ka be katinsi yɛla;
ka bɛ ti zaŋ bɛ takɔbiri kuri kubiɛlima,
ka zaŋ bɛ kpana kuri gɔriti.
Zuliya shɛb’ ti ku lan zaŋ takɔbiri tuhiri zuliya shɛb’ yaha.
Bɛ mi ti ku lan bɔhim tɔbu tuhibu yaha.
4 #
Zak 3.10
Amaa sokam ni ti ʒila o wain tia
bee o fiig tia gbini,
ka so ti ku lan kpɛhi ba dabiɛm yaha.
Dama Yawɛ ŋun nyɛ Tɔbbihi Naa ŋɔ
n-yaag’ o noli yɛli lala maa.
5Dama zuliya kam jɛmdila bɛ wuna,
amaa tinim’ ni jɛmla Yawɛ
ŋun nyɛ ti Naawuni ŋɔ sahakam.
Izraɛlnim’ ni yi dabitim ni labina
6Yawɛ yɛliya, “Dindali maa
n ni ti laɣim gbariti,
ka laɣim n ni daa kari ninvuɣ’ shɛb’ bahi la
mini n ni darigi ninvuɣ’ shɛb’ tibili la.
7N ni ti chɛ ka gbariti maa leei ninvuɣ’ shɛb’ bɛn kpalim;
ka bɛ ni daa kari ninvuɣ’ shɛb’ bahi la ti leei zuliya shɛli din mali yaa,
ka Yawɛ ti su ba Ziɔn Zoli zuɣu sahakam.”
8Ka nyini Ziɔn Zoli,
din nyɛ luɣ’ shɛli Naawuni ni be kaman piɛgula n-lihiri o niriba ŋɔ,
a ni ti lan nya nam shɛli a ni daa pun su la.
9Bɔzuɣu ka a kumdi pampam?
A lan kala naa?
A saawaranim’ kpimi,
ka biɛrim mal’ a kaman paɣ’ ni yɛn dɔɣi ka biɛrim shɛli mal’ o la?
10Nyin’ Ziɔn bipuɣiŋga, ŋmɛlim’ amaŋ’
ka ŋuhimi kaman paɣ’ ŋun wolisira,
dama pumpɔŋɔ a ni yi fɔntiŋ’ ŋɔ ni
chaŋ ti be mɔɣu ni.
Ka di nyaaŋa, a ni ti kuli Babilɔn.
Nimaani ka a ni ti nya faako.
Nimaani ka Yawɛ ni ti tilig’ a
a dimnim’ nuu ni.
11Pumpɔŋɔ zuliya bɔbili
laɣimla taba ni bɛ lir’ a ka yɛra,
“Chɛliya ka ti ta o daɣiri,
chɛliya ka ti mooi ti nini bahi Ziɔn zuɣu.”
12Amaa bɛ bi mi Yawɛ tɛha ni nyɛ shɛm,
bɛ bi mi o ni lo nia shɛli,
bɛ mi bi mi ni o laɣim ba mi
kaman kabɔba ka bɛ lo n-sɔŋ kabɔɣili ni la.
13Ziɔn bipuɣiŋga,
yiɣisima m-bu ba kaman chi la,
dama n ni chɛ ka a yiligu leei kurigu,
ka chɛ ka a takarifiɛma leei daanya,
ka a ti bu n-chɛrisi niriba pam,
ka zaŋ bɛ nyamma ti Yawɛ,
ka zaŋ bɛ daazichi ti dunia zaa Duuma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011