Lɛvinima 13
13
Zaligu din gbibi niŋgbuŋ dɔriti
1Ka Yawɛ daa yɛli Musa mini Aduna: 2Do so niŋgbuŋ gbaŋ yi mali bimmɔriŋ bee yum bee dalinli, ka di ti leei niŋgbuŋ dɔro o niŋgbuŋ gbaŋ zuɣu, dindina bɛn zaŋm’ o tahi Aduna ŋun nyɛ maligumaana la sani bee o bidibisi bɛn nyɛ maligumaaniba la ni yino sani. 3Ka maligumaana maa ti lihi dalinli maa ni be o niŋgbuŋ gbaŋ zuɣu luɣ’ shɛli maa, ka dɔro maa ni be o niŋgbuŋ gbaŋ zuɣu luɣ’ shɛli maa kɔbiri yi paligi, ka dɔro maa kpe o niŋgbuŋ puuni, dindina di nyɛla niŋgbuŋ dɔro. Ka maligumaana yi lih’ o naai, ŋun’ yɛlim’ ni o nyɛla ŋun be daɣiri ni. 4Amaa dalinli maa yi piɛl’ o niŋgbuŋ gbaŋ maa zuɣu, ka bi kpe o niŋgbuŋ puuni, ka kɔbiri din be dalinli maa ni bi paligi, maligumaana maa ŋun’ zaŋmi dɔro maa lana niŋ duu daba ayopɔin 5ka maligumaana maa lan lih’ o daba ayopɔin maa dali. O yi lihi nya ka dɔro maa bi yɛlig’ o niŋgbuŋ gbaŋ maa zuɣu, dindina ŋun lan zaŋm’ o niŋ duu daba ayopɔin yaha. 6Ka maligumaana maa lan lih’ o daba ayopɔin maa dali yaha, ka dɔro maa ni be luɣ’ shɛli maa yi sabigi, ka dɔro maa bi yɛlig’ o niŋgbuŋ ni, dindina maligumaana maa ŋun’ yɛlim’ ni o nyɛla ŋun ka daɣiri ni, di kul nyɛla yum, ka o ni paɣ’ o situra ka nyɛ ŋun ka daɣiri ni. 7Amaa o yi zaŋ omaŋ’ wuhi maligumaana, ka di wuhi ni o ka daɣiri ni, di nyaaŋa ka dɔro maa yɛlig’ o niŋgbuŋ ni, ŋun’ lan cham’ maligumaana maa sani yaha, 8ka maligumaana maa ti lan lih’ o, ka yum maa yi yɛlig’ o niŋgbuŋ ni, dindina maligumaana maa ŋun yɛlim’ ni o nyɛla ŋun be daɣiri ni, di nyɛla niŋgbuŋ dɔr’ biɛɣu.
9Ka so yi mali niŋgbuŋ dɔr’ biɛɣu maa, bɛn’ zaŋm’ o ka maligumaana sanna, 10ka maligumaana maa ti lih’ o, bimmɔriŋ piɛlli yi be o niŋgbuŋ gbaŋ zuɣu din chɛ ka nimaani kɔbiri leei zaɣ’ piɛla ka mari na be bimmɔriŋ maa ni, 11di nyɛla niŋgbuŋ dɔr’ biɛ’ kurili, ka di simdi ka maligumaana maa yɛli ni o nyɛla ŋun be daɣiri ni. O di lan zaŋ o niŋ duu yaha, o nyɛla ŋun be daɣiri ni. 12Ka niŋgbuŋ dɔr’ biɛɣu maa yi yɛlig’ o niŋgbuŋ ni, ka dɔro maa niŋ dilan’ niŋgbuŋ zaa, o zuɣu ni hal ni o naba ni, ka maligumaana maa nya li, 13dindina maligumaana maa ŋun’ lihim’ o, ka niŋgbuŋ dɔr’ biɛɣu maa yi niŋ dilan’ niŋgbuŋ zaa, ŋun’ yɛlim’ ni o nyɛla ŋun ka o dɔro maa daɣiri ni, o niŋgbuŋ zaa ni leei zaɣ’ piɛlli maa zuɣu, o lan pala ŋun be daɣiri ni. 14Amaa yum yi na be o niŋgbuŋ ni, o nyɛla ŋun be daɣiri ni. 15Ka maligumaana maa ni lihi yum maa ka yɛli ni o nyɛla ŋun be daɣiri ni, yum nyɛla daɣiri, dama di nyɛla niŋgbuŋ dɔr’ biɛɣu. 16Amaa yum maa yi ti lan taɣi m-paligi, di saha ŋun’ kam’ maligumaana sanna, 17ka maligumaana maa ti lih’ o, yum maa yi paligi, dindina maligumaana maa ŋun’ yɛlim’ ni o nyɛla ŋun ka daɣiri ni, o shiri nyɛla ŋun ka daɣiri ni.
18Ka bintɔrili yi to so nti naai, 19di nyaaŋa bimpiɛlli bee din mooi ka piɛla yi ti be wuliɛɣu maa ni, dindina bɛn zaŋm’ li wuhi maligumaana. 20Maligumaana maa yi lihi li ka di nyɛla din kpe o niŋgbuŋ puuni, ka di kɔbiri paligi, dindina maligumaana maa ŋun yɛlim’ ni o nyɛla ŋun be daɣiri ni, di nyɛla niŋgbuŋ dɔr’ biɛɣu n-zaŋ kpe bintɔrili maa ni maa. 21Amaa maligumaana maa yi lihi li ka di zuɣu kɔbiri maa bi paligi, ka di mi bi kpe o niŋgbuŋ puuni, amaa ka nyɛla din sabigi, dindina maligumaana maa ŋun zaŋm’ o niŋ duu daba ayopɔin. 22Ka di yi yɛligi o niŋgbuŋ gbaŋ zuɣu, dindina maligumaana maa ŋun’ yɛlim’ ni o nyɛla ŋun be daɣiri ni, di nyɛla dɔr’ biɛɣu. 23Amaa saŋkpambil’ maa yi kul kpalim bela luɣ’ yini, ka bi yɛligi, di nyɛla bintɔrili maa wuliɛɣu m-bala, ka di simdi ka maligumaana maa yɛli ni o nyɛla ŋun ka daɣiri ni.
24Bee di yi nyɛla buɣim nyooi so ka buɣim yum maa ti liɣisi zaɣ’ piɛlli din mooi bee zaɣ’ piɛlli. 25Di simdi ka maligumaana lihi li, ka liɣisibu maa ni kɔbiri yi nyɛ zaɣ’ piɛla ka liɣisibu maa kpe o niŋgbuŋ puuni, dindina niŋgbuŋ dɔr’ biɛɣu n-dolisi kpe buɣim yum maa ni maa. Di simdi ni maligumaana yɛli ni o nyɛla ŋun be daɣiri ni, di nyɛla niŋgbuŋ dɔr’ biɛɣu. 26Amaa maligumaana maa yi lihi li ka di ni kɔbiri bi piɛla, ka di mi bi kpe puuni, amaa ka sabigi, maligumaana maa ŋun kparim’ o niŋ duu daba ayopɔin, 27Ka maligumaana maa yi lih’ o daba ayopɔin maa dali, ka di nyɛla din yɛligir’ o niŋgbuŋ ni, dindina maligumaana maa ŋun’ yɛlim’ ni o nyɛla ŋun be daɣiri ni, di nyɛla niŋgbuŋ dɔr’ biɛɣu. 28Amaa di liɣisibu maa yi kul kpalim be luɣ’ yini, ka bi yɛligi gil’ o niŋgbuŋ gbaŋ zuɣu, amaa ka sabigi, di nyɛla bimmɔriŋ din yi buɣim yum maa ni na, ka di simdi ni maligumaana maa yɛli ni o nyɛla ŋun ka daɣiri ni, dama di nyɛla buɣim wuliɛɣu.
29Doo bee paɣ’ yi mali yum o zuɣu ni bee o teeŋa ni, 30di simdi ni maligumaana lihi yum maa, di yi kpe o niŋgbuŋ puuni, ka di ni kɔbiri niŋ zaɣ’ dɔzim ka balisibalisi, dindina maligumaana maa ŋun’ yɛlim’ ni o nyɛla ŋun be daɣiri ni; di nyɛla dɔr’ shɛli din loora, ka nyɛ zuɣu ni bee teeŋa ni dɔr’ biɛɣu. 31Ka maligumaana maa yi lihi niŋgbuŋ gbaŋ dɔr’ shɛli din zaɣisir’ maa, ka di bi kpe o niŋgbuŋ puuni, ka kɔb’ sabila ka di ni, dindina maligumaana maa ŋun’ zaŋmi ninvuɣ’ so ŋun mali niŋgbuŋ gbaŋ dɔr’ shɛli din zaɣisir’ maa niŋ duu hal ni daba ayopɔin, 32Ka daba ayopɔin maa dali di simdi ni maligumaana maa lihi dɔro maa yaha; ka dɔr’ shɛli din zaɣisir’ maa yi bi yɛligi, ka kɔb’ shɛli din nyɛ dɔzim mi ka di ni, ka niŋgbuŋ gbaŋ dɔr’ shɛli din zaɣisir’ maa bi kpe o niŋgbuŋ puuni, 33dindina di simdi ka dilan’ pini. Amaa o di pini dɔr’ shɛli din zaɣisir’ maa ni be luɣ’ shɛli maa, ka maligumaana maa lan zaŋ ninvuɣ’ so ŋun mali dɔr’ shɛli din zaɣisir’ maa niŋ duu daba ayopɔin yaha. 34Daba ayopɔin maa dali, di simdi ka maligumaana maa lan lihi dɔr’ shɛli din zaɣisir’ maa, ka niŋgbuŋ gbaŋ dɔr’ shɛli din zaɣisir’ maa yi bi yɛlig’ o niŋgbuŋ gbaŋ maa zuɣu ka mi bi kpe o niŋgbuŋ puuni, dindina maligumaana maa ŋun’ yɛlim’ ni o nyɛla ŋun ka daɣiri ni, ka o paɣ’ o situra ka yi daɣiri ni. 35Amaa dɔr’ shɛli din zaɣisir’ maa yi lan yɛlig’ o niŋgbuŋ maa ni o daɣiri ni yibu maa nyaaŋa, 36dindina maligumaana maa ni lih’ o, ka dɔr’ shɛli din zaɣisir’ maa yi yɛlig’ o niŋgbuŋ gbaŋ zuɣu, di bi lan simdi ni maligumaana yuli ni o nya kɔb’ shɛli din nyɛ dɔzim maa, dilan’ nyɛla ŋun be daɣiri ni. 37Amaa maligumaana maa yi lihi n-nya ka dɔr’ shɛli din zaɣisiri ka loori maa naai, ka kɔbiri bili di ni, o pala ŋun be daɣiri ni, di simdi ni maligumaana maa yɛli ni o nyɛla ŋun ka daɣiri ni.
38Doo bee paɣa yi mali dalima o niŋgbuŋ ni ka di nyɛ zaɣ’ piɛla, 39di simdi ni maligumaana lihi li, ka dalima din be o niŋgbuŋ ni maa yi nyɛla zaɣ’ piɛl’ tim, dindina di kul nyɛla saŋkpambihi n-niŋ o niŋgbuŋ gbaŋ zuɣu maa, o nyɛla ŋun ka daɣiri ni.
40Doo zabiri yi guhi, o nyɛla ŋun mali zuɣupalo, amaa o pala ŋun be daɣiri ni. 41Ka doo gbɛɣu zabiri min’ o tapaɣisi kɔbiri yi guhi, o malila gbɛ’ palo, amaa o pala ŋun be daɣiri ni. 42Amaa o zuɣu palo maa ni bee gbɛ’ palo maa ni yi mali dɔr’ biɛɣu bimmɔriŋ zaɣ’ piɛlli din mooi, di nyɛla niŋgbuŋ dɔr’ biɛɣu m-piligir’ o zuɣu palo maa ni bee o gbɛ’ palo maa ni maa. 43Di saha di simdi ni maligumaana lih’ o. Ka dɔro din mɔr’ o zuɣu palo maa ni bee o gbɛ’ palo maa ni yi nyɛla zaɣ’ piɛlli din mooi, ka ŋmani niŋgbuŋ dɔr’ biɛɣu din be niŋgbuŋ ni, 44o nyɛla do’ so ŋun mali niŋgbuŋ dɔr’ biɛɣu, ka nyɛ ŋun be daɣiri ni, ka di simdi ka maligumaana yɛli ni o nyɛla ŋun be daɣiri ni, o nyɛla ŋun mali dɔro o zuɣu ni.
45Ka dɔr’ biɛɣu yi mali ninvuɣ’ so, dilan’ ŋun’ yɛm’ binchɛra, ka chɛ ka o zabiri yirimyirim, ka o pɔb’ o zuɣusaa naŋgbampibili ka kuhiri yɛra, “Daɣiri! Daɣiri!” 46O kul ni nyɛla ŋun be daɣiri ni saha shɛli zaa dɔro ŋɔ ni na be o ni, o nyɛla ŋun be daɣiri ni, ka di simdi ni o yi kpaŋ’ ti be o ko.
Zaligu din gbibi niŋgbuŋ dɔro
47Ka niŋgbuŋ dɔr’ biɛɣu#13.47 niŋgbuŋ dɔr’ biɛɣu: Hiburuli ni niŋgbuŋ dɔr’ biɛɣu mini kɔŋ nyɛla yim yi be situra ni, di yi nyɛla ago ni bee bimpiɛlli ni 48bee kpalua ni bahi mi’ shɛŋa ni bee bɛ ni wuɣi tan’ piɛl’ shɛli ni bee bɛ ni wuɣi ago shɛli ni bee biŋkɔbigu gbaŋ ni bee bɛ ni zaŋ biŋkɔbigu gbaŋ mali binshɛlikam ni, 49dɔro maa yi niŋ zaɣ’ baŋkom bee din mooi m-bela situra ni bee kpalua ni bahi mi’ shɛŋa ni bee bɛ ni wuɣi tan’ shɛŋa ni bee biŋkɔbigu gbaŋ ni bee bɛ ni zaŋ biŋkɔbigu gbaŋ mali binshɛlikam ni, di nyɛla niŋgbuŋ dɔr’ biɛɣu, ka di simdi ni yi zaŋ li wuhi maligumaana. 50Ka maligumaana maa lihi dɔro maa, ka zaŋ dɔro ni be binshɛl’ ni maa niŋ duu daba ayopɔin. 51Di nyaaŋa ka maligumaana maa lihi dɔro maa daba ayopɔin maa dali, dɔro maa yi yɛligi situra maa ni bee kpalua ni bahi mi’ shɛŋa maa ni bee bɛ ni wuɣi tan’ shɛŋa maa ni bee biŋkɔbigu gbaŋ maa ni bee bɛ ni zaŋ biŋkɔbigu gbaŋ mali binshɛlikam maa ni, di nyɛla niŋgbuŋ dɔr’ biɛɣu din yɛligira; bini maa nyɛla din be daɣiri ni, 52Ka di simdi ni o nyo situra maa buɣim. Ka dɔro maa ni be shɛl’ ni maa yi nyɛla kpalua ni bahi mi’ shɛŋa ni bee bɛ ni wuɣi tan’ shɛŋa bee ago ni bee tampiɛlli ni bee biŋkɔbigu gbaŋ ni bee binshɛli ni di simdi ka bɛ nyo li buɣim, dama di nyɛla niŋgbuŋ dɔr’ biɛɣu din yɛligira.
53Ka maligumaana maa yi lihi ka dɔro maa bi yɛligi situra maa ni bee kpalua ni bahi mi’ shɛŋa maa ni bee bɛ ni wuɣi tan’ shɛŋa maa ni bee bɛ ni zaŋ biŋkɔbigu gbaŋ mali shɛli maa ni, 54dindina maligumaana maa ŋun’ chɛ ka bɛ paɣi dɔro ni be binshɛl’ ni maa, ka o lan kpari li niŋ duu daba ayopɔin yaha. 55Ka maligumaana maa ti lan lihi dɔro ni be binshɛli ni maa di paɣibu maa nyaaŋa. Ka dɔro maa ni be luɣ’ shɛli maa biɛhigu yi bi taɣi, hal dɔro maa ni kul bi yɛligi maa zaa yoli, di nyɛla din be daɣiri ni; ka di simdi ni yi nyo li buɣim, di yi nyɛla dɔro maa bela di nyaaŋa bee di tooni. 56Amaa maligumaana maa yi lihi li ka di sabigi di paɣibu maa nyaaŋa, ŋun’ cheem’ di ni be situra maa ni luɣ’ shɛli maa bee gbaŋ maa luɣ’ shɛli maa bee bɛ ni bahi mi’ shɛŋa maa luɣ’ shɛli maa bee bɛ ni wuɣi tan’ shɛŋa maa luɣ’ shɛli maa bahi, 57ka di yi ti lan puhi situra maa ni bee bɛ ni bahi mi’ shɛŋa maa ni bee bɛ ni wuɣi tan’ shɛŋa maa ni bee bɛ ni zaŋ gbaŋ mali binshɛli maa ni yaha, di yɛligirimi maa, yin’ zaŋmiya dɔro maa ni be binshɛli ni maa nyo buɣim. 58Amaa dɔro yi be situr’ shɛli ni bee bɛ ni bahi mi’ shɛŋa ni bee bɛ ni wuɣi tan’ shɛŋa ni bee bɛ ni zaŋ gbaŋ mali binshɛli ni, ka yi paɣi li ka di yi, di simdi ka yi paɣi li pahi buyi, ka di yi daɣiri ni.
59Zaligu shɛli din wuhiri niŋgbuŋ dɔr’ biɛɣu din be ago binyɛrigu ni bee binyɛr’ piɛlli ni m-bala, di yi nyɛla bɛ ni bahi mi’ shɛŋa ni bee bɛ ni wuɣi tan’ shɛŋa ni bee bɛ ni zaŋ gbaŋ mali binshɛli ni, dina ka yi yɛn zaŋ woligi din ka daɣiri bee din mali daɣiri.
Currently Selected:
Lɛvinima 13: RLDB
Highlight
Copy
Compare
Share
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
