Lɛvinima 12
12
Paɣidɔɣisɔtali daɣiri ni yibu
1Ka Naawuni daa yɛli Musa, 2“Yɛlim’ Izraɛlnima: Paɣ’ yi niŋ pua n-dɔɣi bidibiga, o ni be daɣiri ni hal ni daba ayopɔin kaman o ni yi nya sɔrilim ka be daɣiri ni shɛm la. 3#Pil 17.12; Luk 2.21 Daba anii dali bɛ ni guni bia maa. 4Ka paɣ’ maa paɣidɔɣisɔtali daɣiri ni yibu dabisa yɛn nyɛla biɛɣu pihitanaata. Di bi simdi ni o shihi binshɛli din be kasi bee n-kpe luɣ’ kasi shee hal ka o daɣiri ni yibu dabisa maa ti naai.
5“Paɣ’ maa yi dɔɣila bipuɣiŋga, o ni be daɣiri ni biɛɣu pinaanahi kaman o ni yi nya sɔrilim ka be daɣiri ni shɛm la. Di nyaaŋa o paɣidɔɣisɔtali daɣiri ni yibu dabisa yɛn nyɛla biɛɣu pihiyɔbunaayɔbu.
6“Ka o daɣiri ni yibu dabisa maa yi ti naai, di yi nyɛ bidibiga ka o dɔɣi bee bipuɣiŋga, ŋun’ bom’ piɛbil’ ŋun paai yuuni nti ti maligumaana Yawɛ chirigibu shee suɣili dunol’ ni, ka o mali bɛ ni zaŋdi sara shɛli nyɔri buɣim la, ka lan bo ŋmambila bee ŋmanʒee m-mali alahichi sanyoo sara. 7Ka maligumaana maa ti zaŋ li mali sara maa Yawɛ tooni n-yo paɣa maa daalahichi samli, di nyaaŋa ka paɣa maa ni yi o paɣidɔɣisɔtali daɣiri maa ni. Zaligu ŋɔ gbibila paɣ’ so ŋunkam dɔɣi bia di yi nyɛla bidibiga bee bipuɣiŋga.
8 #
Luk 2.24
“Ka paɣa maa yi ku tooi nyaŋ piɛbila, dindina ŋun bom’ ŋmanʒiɛh’ ayi bee yiŋ’ ŋmambih’ ayi ka bɛ ti zaŋ yino mali bɛ ni zaŋdi sara shɛli nyɔri buɣim la, ka zaŋ yino la mi mali alahichi sanyoo sara. Ka maligumaana maa ti zaŋ li yo paɣa maa daalahichi samli, ka o yi daɣiri ni.”
Currently Selected:
Lɛvinima 12: RLDB
Highlight
Copy
Compare
Share
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
