Aizaia 47
47
Naawuni kari Babilɔnnim’ saria
1Yawɛ yɛliya,
“Babilɔn bipuɣiŋga,
yiɣisim’ a nam ʒiishee
nti ʒini tiŋ’ taŋkpaɣu ni.
Bɛ ku lan bol’ a ninvuɣ’ gahindili.
2Zaŋm’ nɛkaŋa n-niɛm zim.
Paam’ a sariga sɔŋ,
ka kahi a mukuru ka chɛ
a biɛhi n-siɣi mɔɣa kom ni du.
3Niriba ni nya a zaɣim,
ka a di vi bɛ sani.
N ni bɔhi biɛri,
m mi ku tiligi so.”
4Izraɛlnim’ Naawuni ŋun
be kasi ŋɔ n-nyɛ ti tiligira.
O yuli n-nyɛ, Yawɛ ŋun
nyɛ Tɔbbihi Naa.
5Yawɛ yɛli Babilɔn bipuɣiŋga,
“Fom’ baalim ʒini zibisim ni,
bɛ ku lan bol’ a
zuliya kam paɣiba naa.
6N suhu daa yiɣisiya bahi
n niriba zuɣu,
ka n daa niŋ ba kaman
bɛ pala n niriba la.
N daa zaŋ ba niŋla yi nuu ni,
ka yi daa bi zo ba nambɔɣu,
hal ka daa nahim bɛ ninkura pam.
7A daa tɛhiya ni nyini
n-kul yɛn su nam sahakam,
ka bi tɛhi a suhu ni
ni di nyɛla shɛli
bee n-tɛhi di zaa
ni ti yɛn bahindi shɛm.
8“Dinzuɣu pumpɔŋɔ
nyini ŋun yuri nyaɣisim pam
ni nyini ŋun tɛhi ni shɛli
ku niŋ a la,
wumma!
A tɛhiya ni a galisimi
m-be kaman Naawuni la,
ka so kani ŋ-ŋman’ a.
A bi tɛhi ni a ni leei pakoli
bee n-kɔŋ bihi.
9 #
Kah 18.7-8
Amaa di ku yuui
ka yɛla ayi ŋɔ zaa paag’ a
dahin yini puuni.
A baɣibuɣibo min’ a
tima la zaa yoli,
a ni bahi kɔŋ yidana mini bihi.
10“A niŋ amaŋ’ naani
a tuumbiɛri tumbu ni,
ka tɛhi ni so bi nya a.
A yɛm min’ a baŋsim m-birig’ a,
ka a yɛri a suhu ni,
‘Mani, ka so kani pahi n zuɣu.’
11Amaa zaɣ’ biɛɣu ni paag’ a,
ka a bi mi a ni yɛn niŋ shɛm.
Bahiyoli ni paag’ a yim libig’ a,
ka a ʒi di yɛla.
12Gbib’ a tima min’ a
tabibi tima maa.
A bilim ni ha ka a
pun mal’ li tumdi tuma.
Di pa shɛli di ni sɔŋ a
bee di pa shɛli di ni kpɛh’
a dimnim’ dabiɛm.
13A ni niŋdi laasabu shɛŋa la
zaa yoli, a gbarigiya.
Chɛ ka bɛn mi zuɣusaa yɛla tilig’ a,
ka chɛ ka saŋmaribaŋdiba
bɛn mi zuɣusaa yɛla
yɛl’ a goli kam puuni
binshɛŋa din yɛn niŋ a.
14“Bɛ ŋmanila wurigu,
ka buɣim ni di ba zaa!
Bɛ ku tooi tiligi bɛmaŋ’
buɣim barina ni.
Bɛ ka sala buɣim din ni wuɣisi.
15 #
Aiz 13.1—14.23; Jɛr 50.1—51.64 A mini bɛn laɣim tum tuma
a bilim ni hal ni pumpɔŋɔ ŋɔ
ni yɛn tooi niŋ shɛli
ti a zaa m-bala.
Bɛ zaa ni chɛ a ka zaŋ kpa
bɛ ni chani shɛli polo,
ka bɛ so ku tooi tilig’ a.”
Currently Selected:
Aizaia 47: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
